جيلان علاء عن جريمة "فتاة المعادي": متخلفوش لو مش هتعرفوا تربوا

إيمان مندور | فى حياة المشاهير

جيلان علاء

14 أكتوبر 2020 | اخر تحديث: الأربعاء , 14 أكتوبر 2020 - 19:10

علقت الفنانة جيلان علاء على جريمة قتل "فتاة المعادي" التي تصدرت مواقع التواصل الاجتماعي مؤخرا، وذلك بعدما قام مجهولون بمضايقة فتاة في الشارع، والتصقت حقيبة يدها بسيارتهم، مما أدى إلى سحلها بالشارع وسقوطها على الأرض مما أدى إلى وفاتها.

اقرأ أيضا: جيلان علاء تعلق على حبس حنين حسام ومودة الأدهم عامين

كتبت جيلان عبر حسابها على Instagram: "إيه ذنب بنت تموت عشان شوية ولاد مشافوش ٣ دقايق رباية.. تحرش وسحل وتموت؟.. نهار إسود علينا وعلى عيشتنا! طب حرام ولا مش حرام أسرة تفقد بنتها اللى عندها ٢٥ سنة عشان نزلت الشارع ومشيت فيه؟ جريمتها إيه والنبى؟ هو أنا كبنت بتعاقب إنى بنت؟ أفضل خايفة طول الوقت وعارفة إنى معرضة لأى موقف يضايقنى أو يخدش حيائى عشان أنا زفت طين بنت".

تابعت: "كأنهم بيدفعوكى تمن إن ربنا خلقك بنت، لابسة ولا قالعة، ملفتة ولا مش ملفتة.. مش بنت؟؟ يلا نتحرش بيكى عادى عشان غرايزنا بس قالبة علينا ومش عارفين نتحكم فيها عشان إحنا شوية كلاب.. ربوا عيالكوا يا جماعة..أو متخلفوش لو مش هتعرفوا تربوا.. وسيبوا إللى بيربى صح يعيش.. جريمة المعادى دى ضحيتها بنت دكتور محترم جدا كان بيدرسلنا فى الجامعة، أنا قلبى واجعنى والله يا دكتور، قلبى معاك ومع كل حبايبها".

على صعيد آخر، كانت جيلان علاء قد شاركت في موسم رمضان الماضي بمسلسل "رجالة البيت".

مسلسل "رجالة البيت" من تأليف أيمن وتار، إخراج أحمد الجندي وشارك في بطولته أحمد فهمي، أكرم حسني، بيومي فؤاد، لطفي لبيب، عارفة عبد الرسول ودينا محسن "ويزو".

اقرأ أيضا:

تعليق هنا الزاهد على تقليد جيلان علاء لها

فيديو- قصف مضاد... جيلان علاء تسخر من مي الخرسيتي