دعاء فاروق ترد على "فبركة" مداخلة السحر... هذه رسالتها للزوجة الخائنة

إيمان مندور | فى حياة المشاهير

دعاء فاروق

الأربعاء , 14 أكتوبر 2020 - 01:13 | اخر تحديث: الأربعاء , 14 أكتوبر 2020 - 01:13

ردت الإعلامية دعاء فاروق على الاتهامات التي وجهت لها بفبركة المداخلة التي أثارت جدلا كبير خلال الأيام الماضية، لمتصلة تحدثت عن قيامها بسحر للتفرقة بين زوجين، بجانب إقامتها علاقات هاتفية مع رجال آخرين بعد زواجها من الرجل الذي قامت بالسحر له.

اقرأ أيضا: دعاء فاروق تنشر صورها بالبوركيني: بيئة وعاجبني!

كتبت دعاء عبر حسابها على Instagram: "لم أكن اتخيل كل ردود الأفعال اللي جت علي الحلقة إياها بتاعت السحر للست إياها.. منهم من قال وهو واثق قوى إننا مفبركين المكالمة.. وهو الشيء الذى لم يحدث وربنا عالم ويحاسبني علي مدى صدقي من عدمه.. ثم أنا خيالي مهما كان واسع ومؤلفة جبارة مش هعرف اعمل السيناريو الجبار المذهل ده.. كنت اطلعها ندمانة طيب عشان يبقي الموضوع دراماتيكي مؤثر، ده قلب موجة كوميدي والناس ضحكت عليه وعملوا نكت وافيهات اكتر من العظة اللي المفروض ياخدوها".

تابعت: "أما بخصوص الريأكشنات.. فأنا مش قادرة أفهم هي كان فيها ايه عشان يحصل كم ردود الأفعال الرهيب حواليها بالشكل ده، لدرجة إن الناس فرغوها وعملوها ستيكرز وايموجيز وصحيت لقيت كل الناس باعتينهالي، مشكرين علي كل هذا الاهتمام بالحلقة اللي تعدت السبع ملايين مشاهدة في أقل من يومين، الغريب هو كمية القصص الحقيقية من ناس أعرفهم شخصيا اللي اتعملهم سحر وبعتوا حكوا لي وقائع عجب العجاب، شكلنا هنكمل الملف ده لان فيه مصايب كتير".

ووجهت دعاء رسالة للمتصلة في نهاية تعليقها كاتبة: "أخيرا.. نداء لأم محمد يا رب تتوبي بجد.. لأن لو موصلكيش بعد كل ده إنك عاملة مصيبة سودا ولازم تندمي ندم عمرك يبقي الناس عندهم حق يشنوا عليكي وعلي اللي زيك كل الهجوم ده".

View this post on Instagram

A post shared by Doaa Farouk (@doaafarouk) on Oct 13, 2020 at 3:49pm PDT

كانت المتصلة قد قالت إنها أجرت سحرا لرجل كي تأخذه من زوجته، وبالفعل نجحت في ذلك وطلق زوجته وتزوجها خلال أيام، عاشت معه أيامًا رغيدة وأنجبت منه توأمًا، ولكن فجأة هجرها دون سبب معلن.

وتابعت المتصلة بأنها ذهبت للشيخ الذي عمل لها السحر: "قالي اتفك لوحده من عند ربنا، وعشان كدة مبقاش طايقني ولا طايق العيال»، ولم تكن تلك المشكلة الوحيدة التي روتها المتصلة، فقد فاجأت دعاء فاروق بأنها كانت على علاقة آثمة برجال آخرين عبر الهاتف فقط خلال زواجها، قائلة: «وخايفة يكون جوزي عرف ولا شك فيا ولا قرر إنه يبيعني عشان كده، وخايفة يفضحني قدام الأولاد".

أضافت: "المشكلة إنه كل ما أطلب منه فلوس أو أي حاجة للأولاد أو ليا بيعملها على طول من غير تردد، لكن المشكلة أنه مبيشوفش الأولاد خالص خايفة يكون شاكك أنهم مش ولاده»، وجاء رد دعاء فاروق ناريا، حيث وجهت سؤالًا للمتصلة: «وهم فعلًا دول ولاده يا أم محمد ولا لا؟".