علقت المرشدة السياحية بسنت نور الدين، الزوجة السابقة للباحث الإسلامي معز مسعود، على الصور الساخرة من زيجاته المتكررة وعلاقاته العاطفية.
أول تفاعل لحلا شيحة بعد شائعة ارتباطها بمعز مسعود ... الإبقاء على الصور المحتشمة فقط
وكتبت بسنت عبر صفحتها الرسمية بموقع Facebook: "كلنا كبشر طبيعيين لما بنمر بتجربة صعبة .. بيتاخد كتير من روحنا و عمرنا لغاية لما بنعرف نتجاوزها ..و لما بنفتكرها ..غصب عننا بيصحى فينا جزء من الألم ..
من الأذى الشديد ان اللي حواليك يتعاملوا معاك كإنك ”شئ ” مش انسان .. يستخدموا صورتك و يخوضوا فى حياتك الشخصية علشان انت شخصية مشهورة .. وكإن المشهور مش انسان من روح و دم و احساس ..
افتح السوشال ميديا ألاقي حياتى مشاع .. صورتي ضمن مجموعة صور فيها غزل و ضحك بسبب قدر ربنا ”سبحانه وتعالى“ كتبه عليا اني امر بيه ، و خلاص القدر عدى و انتهى من حياتي ..
انا مش حلوي مغطاة و غيرى مش حلوى مكشوفة..
و ماحدش فينا مُجرد صورة برقم بيتعد تبع حد..انا اختك و هي قد تكون بنتك .. الكلام ده مؤذي لينا و لأهلنا ..
بلاش حُب الشير و اللايك يطغى على انسانيتنا ..و دعوا الخلق للخالق.. دا ”اماطة الأذى عن الطريق صدقة ” .. فما بالكم (بإماطة الأذى عن مشاعر الناس)".
[Image_2]
وكانت بسنت ومسعود أعلنا انفصالهما في مارس 2018 بعد 6 أشهر من الزواج، وبعدها أعلن زواجه من الممثلة شيري عادل.
ومؤخرا خرجت الشائعات التي تربط بين اسمي حلا شيحة ومعز مسعود، وعادت معها أحاديث مواقع التواصل الاجتماعي عن زيجات معز مسعود.
اقرأ أيضا