أوس أوس: مراتي اللي أخوها وابنها ماتو دمرتوها نفسيا

مروة لبيب | فى حياة المشاهير

أوس أوس

الاثنين , 31 أغسطس 2020 - 20:08

رد الفنان محمد أسامة الشهير بـ"أوس أوس" على منتقدي ظهوره وزوجته في حفل زفاف شقيقة الفنان مصطفى خاطر مؤخرا مبتسمين في الصور بالرغم من وفاة ابنهما قبل شهرين.

وعبر حسابه على Instagram، نشر أوس أوس صورة له برفقة زوجته من حفل الزفاف وعلق عليها "أنا مش محتاج ابرر واحكى اى حاجه عن حياتى والست اللى قلبى اخترها كنت ساعتها فى اول موسم لتياترو مصر كنا نتقاضى مرتبات مش ممكن تفتح بيت واول ما اتجوزت كنت اقعد فى بيت ايجار كمان انا بس هكتفى بالنقطتين دول علشان اصحاب العقول والنفوس المريضه يعرفوا ويبطلوا نغمه (الفلوس بتعمل اكتر من كده ) الفلوس ممكن تشترى سرير بس ماتشتريش النوم !

وأضاف "مش انا بس دا اغلب المشاهير اللى بتحسدوهم على حياتهم دلوقتى ماتعرفش بدا من امتى واتبهدل ازاى ولولا وجود حد جنبه بيسنده ويدعمه ماكنش هيعرف يعدى من اى مشكله نفسيه او ماديه فى حياته.. ومش معنى انى بنزل اشتغل او بتصور وانا مبسوط ده معناه انى هموت من الفرحه بس دى مهنتى واجبى ناحيه جمهورى انى اخرجه من اى حزن هو فيه كل ده بعمله على حساب حزنى وجرحى ووجعى انا ..وفى الاخر بتشتم برضه”.

وأوضح "أنا بقول الكلام ده ولن اسمح باى تدخل فى حياتى الشخصيه مره اخرى سواء بالخير او بالشر او دخول اسم مراتى فى اى كلمه من كلام المرضى النفسيين ..مراتى اللى اخوها متوفى و ابنها متوفى وماصدقت اول مره اخرجها نروح مناسبه ودمرتوها نفسيا تانى بكلامكم المريض..حسبى الله ونعم الوكيل فيكم.. حقك عليا ياست الكل.. سكت كتير وكنت بعدى لكن مفيش فايده.. كل واحد يركز فى حياته.. الطموح حلم مشروع عند كل الناس اسعى واتعب وكافح وربنا اللى بيكافئ مش البشر بدل ماتفضل تبُص فى حياه الناس".

وتوفي "علي" نجل أوس أوس في يونيو الماضي، وهو في عمر 3 أشهر.

على جانب آخر، يشارك أوس أوس زميله علي ربيع في بطولة مسرحية "صباحية مباركة".

مسرحية "صباحية مباركة"، من بطولة علي ربيع، وأوس أوس، وسليمان عيد، وطاهر أبوليلة، وحسام داغر، وأحمد سلطان، ونيفين التوني، وملك ياسر، ونيللي محمود، ومحمد مغاوري، ومحمد منصور، وجابر فراج، وهاني فاروق، وضحي نصر الدين، وآلاء علي، ونيرة عارف، وصميدة، وهي من تأليف أحمد عبد الوهاب وكريم سامي، وديكور دكتور محمود سامي، وأشعار أيمن بهجت قمر، وألحان أحمد الموجي، تدريب غنائي دكتورة إيمان حسني، وإنتاج شركة وورك شوب للإنتاج الفني، وإخراج أشرف عبد الباقي.

اقرأ أيضاً

على طريقة رانيا يوسف.. كريم فهمي ينشر صورة متابع مزعج

من داخل حمام السباحة أحمد الفيشاوي يستمتع بالصيف مع أسرته