كلمات مهرجان "هنعمل لغبطيطا" لحسن شاكوش وعمر كمال

مي فهمي | فى موسيقى وحفلات

عمر كمال وحسن شاكوش

الأربعاء , 26 أغسطس 2020 - 01:37 | اخر تحديث: الأربعاء , 9 سبتمبر 2020 - 14:26

طرح كل من عمر كمال وحسن شاكوش دويتو غنائي جديد عبر حساباتهما الشخصية بموقع الفيديوهات الشهير YouTube.

المهرجان الذي جمع كل من حسن شاكوش وعمر كمال بعنوان "هنعمل لغبطيطا".

ويقدم FilFan.com كلمات مهرجان "لغبطيطا" وجاءت كالتالي:

هوبا رجعنا ليكو هنعلم تاني فيكو

جامدين دايما عليكو كاسحين كل المجال

يلا الدنيا زيطا وهنعمل لغبطيطيتا

أسامينا دي على الخريطة معروف مين التقال

التعليم ف الرأس قولنا مش بالكراس

يا حتت بونبانوية يا حتت اناناس

يا بت فرداية واستك والعود حلو وفنتستك

علي صوتي بتهزي وسطك ضحكتك هيا ميزتك

جاي ليه تصالحني ياللي انت زمان جارحني

متقوليش اسف سامحني بعدك عني دا هيريحني

البت دي عايزه بوسة هتشوفها تقول عروسة

سنيورة مالعين المحروسة طب ليه عملالي مقموصة

وركبت الاكس 6 بطلت اركب انا تاكس

وعملت السيكس باكس وبلاغيكي بتتقلي

هننزل شيشه ميكس ونقضي السهرة لوكس

وجايبلك اغلي بوكس ولساكي بتتقلي

انتي خلبوصاية ملفوفة في العباية

مكسوفة يا مشمشاية ما تفوكي خليكي معايا

نفسي في الزبادي طب صعب ولا عادي

انا شكلي هروح لدادي واطلب منة الأيادي

قلبوظة مقلبظة ويالهوي لو متنرفزة

تلاقيها حلوة ومعجزة زي اللوحة المتبروزة

سمباتيك يا قطة في الماشية تشوفها بطة

بتعدي في أى حتة دي بتلف خمسة وستة

لسا زي ما انا علي مبدأ الجدعنة

وماليش انا ف النفسنة ياض عمرك متكون انا

قالو عني الكاريزما في اليوم بصرف مية روزمة

وفي ناس يجيوا وقت الأزمة ملهومش أي لازمة

كل الناس ديابة والدنيا دي بتتغابا

بنسي الهم كلة لما اسمع منك بابا

انتي السنيوريتة يا كريزة ف بسكويتة

اه يا اطعم من اللوليتا وكلاس وكمان بسيطة

يلا نتجوز يلا نسافر برة متسيبنيش دي العيشة مرة

انتي في القلب وجوه الروح سكنتي مهما بتكبرى زي ما انتي

اقرأ أيضاً

عمرو مصطفى يتراجع عن تهنئة عمرو دياب: مقدرتش أكون منافق

بسمة وهبة تسافر للخارج للعلاج وتطلب من الجمهور الدعاء