بعد بكاء مؤمن زكريا... مجدي الهواري يعلق: الفن عمل دوره بس اللي يفهم!

ولاء مطاوع | فى حياة المشاهير

مجدي الهواري وعز مع مؤمن زكريا

السبت , 22 أغسطس 2020 - 17:00

ضجت مواقع التواصل الاجتماعي مساء أمس الجمعة 21 أغسطس بالتعاطف مع الكابتن مؤمن زكريا نجم النادي الأهلي، عقب انتشار مقطع فيديو وهو يبكي على المسرح متأثرًا بهتاف الجمهور باسمه وتوجيه التحية له، أثناء عرض مسرحية "علاء الدين" للفنان أحمد عز.

علق المخرج مجدي الهواري اليوم عبر حسابه على Instagram، على ما حدث أمس قائلا: "أولا.. عن الإنسانية، الحقيقة أنا متفائل لأن الناس لسه عندها استعداد تتحمس وتشارك وتتفاعل في أي حاجة فيها فعل وعمل إنساني، بس مستغرب أن بعض الناس شايفة الموضوع جديد على الفن، لا خالص! يا جماعة ده هو ده دور الفن.. لأنه ببساطة هو الحياة والحياة من غير الإنسانية مش حياة.. يا ريت نتذكر أن رسالة الفن مش بسيطة وسهلة زي ما بعض الناس فاكرة لا دي ضرورية ومهمة جدا لأنها باختصار واجبة الحدوث، وبتحرك قلوب، ومسئولة عن إسعاد الناس وتقديرهم.. والحمد لله أهو كان مبسوط امبارح وسعيد بالعرض وتكريمه يبقى كده جون لينا الحمد لله، يعني بعد موقف امبارح اللي هو واجب علينا للنجم مؤمن زكريا لما اتحاد الكورة يقرر يعمل ممر شرفي له في مبارك القمة النهارده بعد اللي حصل امبارح؟ كده إحنا عملنا دورنا .. ده دور الفن ياجماعة بس اللي يفهم".

تابع مخرج مسرحية "علاء الدين": "ثانيا.. الحراق مؤمن زكريا، حبيب القلوب، والله ده أقل حاجة نقدره بيها، قلوبنا معاه كانت بتتقطع امبارح عليه، ربنا يشفيه ويرجعه تاني يمتع جمهوره وكلنا ندعيله، كل فرقة علاء الدين امبارح كانت بتعمل دورها في المجتمع برسالة حب من الفن المصري إلى الإنسانية.. اطمنت إننا لسه عايشين والله يا جماعة لما الناس قامت تسقف ربع ساعة علشان بتقدر مؤمن زكريا وقلوبها معاه حاجة جميلة من جمهور واعي مثقف محب للفن ويقدر الاخر الفنان تحياتي له".

اختتم مجدي الهواري: "وتحياتي لكل أعضاء فرقة علاء الدين اطمنت على قلوبكم كل فرقة علاء الدين لما بكيتم اتقطعت قلوبنا.. الحمدلله علي نعمة الإحساس، شكراً فرقة علاء الدين ربنا يجعل ديماً قيمة الانسانية في قلوبكم وتكونوا ديما سفراء الفن المصري، ثالثا :وشكرًا للنجم أحمد زاهر حضوره والكلام الحلو اللي قاله عن العرض، تحية منا وحب واحترام وتقدير منا".

View this post on Instagram

صباح الخير .. في كلمتين من قلبي عايز اقولهم ياجماعة🙏🤗 اولا : عن الانسانية الحقيقة انا متفأل لان الناس لسه عندها استعداد تتحمس وتشارك وتتفاعل في اي حاجة فيها فعل وعمل انساني ، بس مستغرب ان بعض الناس شايفة الموضوع جديد علي الفن .. لا خالص ! ياجماعة ده هو ده دور #الفن .. لانه ببساطة هو #الحياة والحياة من غير الانسانية مش حياة .. ياريت نتذكر ان رسالة الفن مش بسيطةوسهلة زي مابعض الناس فاكرة لا دية ضرورية ومهمة جدا لانها بختصار واجبة الحدوث . وبتحرك قلوب . ومسئولة عن اسعاد الناس وتقديرهم ..والحمد لله اهو كان مبسوط امبارح وسعيد بالعرض وتكريمه يبقي كده جون لينا الحمد لله 🙏🙏 يعني بعد موقف امبارح اللي هو واجب علينا للنجم #مؤمن_زكريا كريا لما اتحاد الكورة يقرر يعمل ممر شرفي له في مبارك القمة النهارده بعد اللي حصل امبارح !! كده احنا عملنا دورنا .. ده دور الفن ياجماعة بس اللي يفهم 😉 ثانيا : الحراق #مؤمن_زكريا كريا . حبيب القلوب . والله ده اقل حاجة نقدره بيها . قلوبنا معاه كانت بتتقطع امبارح عليه . ربنا يشفيه ويرجعه تاني يمتع جمهوره وكلنا ندعيله 🙏 كل فرقة علاء الدين امبار ح كانت بتعمل دورها في المجتمع برسالة حب من الفن المصري الي الانسانية .. اطمنت اننا لسه عايشين والله ياجماعة لما الناس قامت تصقف ربع ساعة علشان بتقدر #مؤمن_ذكريا وقلوبها معاه حاجة جميلة من #جمهور واعي مثقف محب للفن ويقدر الاخر الفنان تحياتي له 🙏😍 وتحياتي لكل اعضاء فرقة علاء الدين اطمنت علي قلوبكم كل فرقة #علاء_الدين لما بكيتم اتقطعت قلوبنا .. الحمدلله علي نعمة الاحساس . 🙏 شكراً فرقة علاء الدين ربنا يجعل ديماً قيمة الانسانية في قلوبكم وتكونوا ديما سفراء الفن المصري ثالثا :وشكرًاللنجم #احمد_زاهر حضوره والكلام الحلو اللي قاله عن العرض ♥️♥️🙏 تحية منا وحب واحترام وتقدير منا #شابووو #احمد_عز #محمد_ثروت #تارا_عماد #كريم_عفيفي #هشام_اسماعيل #سامي_مغاوري #محمد_جمعه #مسرحية_علاءالدين #مؤمن_زكريا #CairoShow شكرا فعلاً #كايروشو ♥️

A post shared by Magdy Elhawary (@magdyalhawary) on Aug 22, 2020 at 5:56am PDT

ويُعاني مؤمن زكريا من مرض في الجهاز العصبي أدى لابتعاده عن الملاعب، وبدأ رحلة علاجية في الولايات المتحدة الأمريكية.

مسرحية "علاء الدين" إخراج مجدي الهواري وبطولة النجم أحمد عز، ويشاركه البطولة تارا عماد (ياسمين) ومحمد ثروت (الجني)، وهشام إسماعيل (الوزير جعفر) وسامي مغاوري (السلطان)، كريم عفيفي (قفة)، محمد جمعة (فرعون).

اقرأ أيضًا:

تفاصيل ومعلومات- فيلم "جريمة على ضفاف النيل" عن رواية أجاثا كريستي.. تم تصويره في مصر والبطلة إسرائيلية

بالفيديو- رقص يسرا وإلهام شاهين وهالة صدقي على "بنت الجيران"