شهيرة تكشف معاناتها النفسية: خايفة أكون داخلة على اكتئاب

إيمان مندور | فى حياة المشاهير

شهيرة

الجمعة , 7 أغسطس 2020 - 11:14

كشفت الفنانة شهيرة عن معاناتها النفسية خلال الآونة الأخيرة، لا سيما بعد حادث انفجار بيروت.

كتبت شهيرة عبر حسابها على Facebook: "مش عارفه ليه بقى عندي بلادة يعني تناحة من ناحية الكل، لا قريب ولا صديق ولا بعيد ولا قريب، مش عايزة أشوف خلقة حد، داهية لأكون داخلة على حالة نفسية، مش عايزة أفسر في وشكم وأقول اكتئاب.. يارب لأ.. استرها معايا يارب. بصوا بقا لا تنزعجوا ممكن موضوع لبنان كمل علينا".

كانت الفنانة شهيرة قد كشفت مؤخرا تطورات الحالة الصحية لزوجها الفنان محمود ياسين، موضحة أنه لا يتحسن، وكل أمنياتها ألا تسوء الحالة لما هو أصعب من ذلك.

أضافت شهيرة خلال مداخلة هاتفية مع الإعلامي وائل الإبراشي ببرنامج "التاسعة" على القناة الأولى المصرية، أن مرضه لا علاج له، لذلك لا تملك من الأمر شيء سوى الدعاء، قائلة: "الحالة مش بتتحسن، ربنا موجود مش عارفه هنعمل ايه، الواحد بيقول يارب تعدي الأزمة، الموضوع إنه ملوش علاج، ربنا يرفع عنه ويشفيه".

تابعت: "حالته ساعات تبقا إلى حد ما الواحد يتقبلها، وساعات اتهز أوي، ولادي يقولوا لي يا مامي ما احنا عارفين تطورات الموضوع، لكن عشان أنا ملزماه باستمرار أي تفصيلة ولو صغيره بتأثر معايا، أنا بس بتمنى من ربنا الحالة متدهورش، لو حتى هتثبت على كده أنا راضية.. يعني حتى هقول الحمد لله حسه في الدنيا".

اقرأ أيضا:

صور- أحمد خالد صالح وهنادي مهنى على شاطئ البحر

تعرف على سعر ساعة محمد إمام