قصة بكاء أحمد راتب بسبب الخوف من تجميل أنفه

إيمان مندور | فى حياة المشاهير

أحمد راتب

الأربعاء , 29 يوليو 2020 - 10:07 | اخر تحديث: الأربعاء , 29 يوليو 2020 - 11:07

علقت الفنانة شيرين على انتشار عمليات التجميل في السنوات الأخيرة، لا سيما بين مشاهير الفن والإعلام.

أكدت شيرين خلال مداخلة هاتفية مع الإعلامي وائل الإبراشي ببرنامج "التاسعة" على القناة الأولى المصرية، أن الجمال جمال النفس والروح، قائلة: "الإناء ينضح بما فيه، مش لازم شفايفي تكون مترين والناس كلها تبقى شبه بعضها، ربنا خلقنا كلنا في أجمل صورة، واذا لم يكن هناك ضرورة طبية لهذه العمليات فلا داعي لها".

وروت شيرين قصة حدثت للفنان أحمد راتب، أثناء تصوير فيلم "بخيت وعديلة" حين ضربه الفنان مصطفى متولي في وجهه في أحد المشاهد فكُسر أنفه على الفور، مضيفة: "جرينا بيه مستشفى السلام الدولي، وعملنا عملية لمناخيره.. أول حاجة وهو في البنج قال مناخيري قولناله مناخيرك عملنالك فيها عملية.. يشهد على الكلام ده ربنا وزوجة أحمد راتب.. عيط وقال لأ أنا عايز مناخيري الأولانية اللي خلقني بيها ربنا".

تابعت: "روحت خلعت مراية الحمام وحطتها قدامه وبص وقلت له مناخيرك كويسة أهي مغيرناش فيها حاجة، عالجناك بس.. راح نايم.. لما فاق مراته قالتله ايه اللي أنت عملته ده.. قالها مناخيري علامة من علامات تكوين شخصيتي مش عايز أغيرها، هو راضي وحاببها كده، مع انه قادر يروح يجملها، لكنه حابب خلقة ربنا وشخصيته وصورته اللي الناس عارفاه بيها".

View this post on Instagram

A post shared by القناة الأولى المصرية (@channel1) on Jul 28, 2020 at 3:27pm PDT

من ناحية أخرى، تصور شيرين حاليا دورها في مسلسل "القاهرة كابول" من بطولة طارق لطفي وفتحي عبد الوهاب وحنان مطاوع وخالد الصاوي، وتدور أحداثه حول الإرهاب في إطار بوليسي تشويقي، ‏ومن إخراج حسام علي وتأليف عبد الرحيم كمال‎.‎

اقرأ أيضا:

بالصور- سونجول أودان بإطلالتين مختلفتين في حفل زفافها

فاروق فلوكس يوضح حقيقة حبس ابنته