هشام ماجد يتضامن مع يوسف الشريف: اتفضلوا استلموني معاه!

محمد سلطان محمود | فى حياة المشاهير

هشام ماجد

الأحد , 28 يونيو 2020 - 11:06 | اخر تحديث: الأحد , 28 يونيو 2020 - 13:06

أثارت تصريحات الفنان يوسف الشريف في برنامج "مساء dmc" من تقديم الإعلامي رامي رضوان، حالة من الجدل بسبب تطرقه إلى رفضه تقديم أعمال فنية تحتوي على مشاهد جريئة أو ساخنة.

اقرأ أيضا- كريم فهمي مدافعا عن يوسف الشريف: حر في رأيه

تضامن الفنان هشام ماجد مع تصريحات يوسف الشريف ودافع عنه عبر صفحته على Facebook، حيث كتب: "في بعض الناس سواء شغالين فالمجال الفني او صحفيين او ناس عادية استغلوا الكلام اللي قالوا يوسف الشريف في برنامجه مع رامي رضوان و ابتدوا يهاجموه و قاموا ناشرين حاجات لأفلام قديمة عملها عشان يثبتوا انه كان بيعمل الحاجات دي عادي و انه يعني كدة بيدعي الفضيلة و كدة."

أضاف: "الفصيلة دي من البني ادمين هما تاني اسوأ حاجة بعد الكورونا ... كل الأحترام ليوسف الشريف... فنان راقي و محترم بيتعب علي شغله و بيحترم جمهوره..و كل الإحترام لأي حد متفق او مختلف مع كلامه بس بإحترام".

أوضح هشام ماجد: "كل واحد له الحرية في أفكاره طالما بيحترم اللي حوليه ومبيأذيش حد... مش عاجبك كلامه تقدر ماتتفرجش علي أعماله أو تقدر متشغلوش.. انما تطلع تقطع و تشوه فيه بحجة أنك المحامي المدافع عن حق الفن و حرية الإبداع تبقي شخص ناقص.. بس كدة...كلمتين كانوا حزئني... اتفضلوا استلموني معاه".

يذكر أن عددا كبيرا من الفنانين خرجوا ليدافعوا عن حرية يوسف الشريف في تحديد ما يقبله أو يرفضه خلال عمله، فيما ألتزم يوسف الشريف الصمت حتى الآن.

اقرأ أيضا:
ناهد السباعي مدافعة عن يوسف الشريف: الناس بتطالب بالحرية الجنسية وتنتقده

أشرف زكي عن تصريحات يوسف الشريف: مش متابع.. قضية وهمية!