بعد نجاحه في رمضان 2020... دياب: كانت أصعب سنين حياتي

إيمان مندور | فى حياة المشاهير

دياب

السبت , 23 مايو 2020 - 10:05

إشادات كثيرة تلقاها الفنان محمد دياب بسبب مشاركاته في الموسم الرمضاني الحالي، في مسلسلات "الاختيار" و"البرنس" و"فرصة تانية".

اقرأ أيضا: ساخر- بعينين متورمتين... زوجة دياب تنفي سوء معاملته

أعرب دياب عن امتنانه لكل ما حدث له هذا العام، رغم انه كان الأصعب في حياته، على كل المستويات، موجها الشكر لكل من وقف إلى جانبه وسانده، حيث كتب عبر حسابه على Facebook: "الحمد لله دائماً وأبدا الحمد لله ملئ السماوات والأرض.. والله والله والله مافيش أحسن ولا أحلى ولا أجمل من اختيارات ربنا سبحانه وتعالى لينا فى كل حاجة فى حياتنا وده مش مجرد كلام إنشائى وخلاص لا والله ده عن يقين وتجارب حياتية كتير أوى وكلها دايماً ربنا بيختارلى الأحسن ليا على كل المستويات".

تابع: "والحمد لله وصلت لمرحلة يقين إن أى حاجة ربنا يبعدها عنى إن كانت شغل أو أى حاجة بتكون فى مصلحتى اللى عمرى ما هشوفها بس خلاص بقيت لما يحصل معايا أى موقف ممكن يزعل أو يوجع بقيت أقول لربنا يارب أنا ملكك وكل اللى عندك خير ودايماً ربنا يفاجئنى بتعويض أكبر من أحلامى أصلا".

أضاف دياب: "جوايا كلام كتير أوى و مشاعر كتير أوى نفسى أعبر عنها بس للأسف مينفعش كل حاجة تتقال.. لكن المهم إن مافيش أجمل من تعويض ربنا وطبطبة ربنا على قلوبنا الحنان المنان بحمد ربنا على كل حاجة حصلت معايا السنة دي.. الصعب قبل السهل والوجع قبل الفرحة السنة دى ممكن تكون من أكتر سنين حياتى اللى مريت فيها بحاجات صعب جداً حد يتحملها لكن سلمتها لرب العباد وكرمه وعطفه عليا كان خير تعويض".

واختتم حديثه: "ربنا يطبطب على قلوبكم ويعوضكم خير عن أى وجع شكراً لكل حد ربنا جعله سبب عشان أقدر أقف وأكمل الحمد لله على كل حاجة ربنا يفرح قلوبكم".

يُذكر أن أبرز أدوار دياب هذا الموسم كان من خلال مسلسل "فرصة ثانية"، بطولة ياسمين صبري وأحمد مجدي وهبة مجدي وأيتن عامر وإدوارد ومحمود ‏البزاوي ‏وأشرف ‏زكي وهبة عبد الغني وابتهال الصريطي، ومن تأليف مصطفى جمال هاشم وإخراج مرقس عادل وإنتاج شركة ‏سينرجي‎.‎

اقرأ أيضا:

كواليس آخر أيام تصوير "فلانتينو"... ماذا قال الزعيم؟

بعد الحلقة الأخيرة من "الفتوة".. رسالة أحمد صلاح حسني لياسر جلال