بعد مدحها لـ تامر مرسي... ريهام سعيد للجمهور: قررت أشتغل برا مصر

هالة أبو شامة | فى حياة المشاهير

ريهام سعيد وتامر مرسي

الجمعة , 15 مايو 2020 - 11:13 | اخر تحديث: الجمعة , 15 مايو 2020 - 11:20

وجهت الإعلامية ريهام سعيد، رسالة للمنتج تامر مرسي، شكرته فيها على إنتاجه للعديد من مسلسلات الموسم الرمضاني الحالي.

اقرأ أيضًا: بعد ترشيحه... شريف منير يكشف سبب عدم مشاركته في "الاختيار"

وعبر حسابها الشخصي على موقع Instagram، نشرت سعيد، صورة مرسي، وعلقت كاتبة: "تامر مرسي اشتغلت معاه واختلفنا كتير ومكنتش أعرف إن كل الجبل ده شايله علي أكتافه".

تابعت: " الراجل ده لازم نقدم له كل التحية لأن هو اللي أنتج كل المسلسلات اللي إنتوا معجبين بيها دلوقتي وحديثكوا طول الوقت عنها، ركزنا في الممثلين والمخرجين ونسينا إن من غير إنتاج محترم بيختار أعمال محترمة وبيقدم كل الأدوات للممثلين والمخرجين عشان يبدعوا و يقدموا لنا اللي احنا شايفينه دلوقتي، صور وأنتج وعرض في وقت عصيب وكان بيطالب إنه يوقف تصوير عشان التجمعات".

أردفت: " صمم والناس كلها عرضت حياتها للخطر لإسعادكوا، تخيلوا وسط الزهق ده مفيش مسلسلات أو مفيش مسلسلات تشد وقيمة كان نفسيتنا هانكون إزاي؟ أيوه هو شهر عبادة لكن بعد ما نتعبد الوقت اللي كنا بنتزاور فيه وبنشتغل فيه وبنخرج فيه كان هايتملي إزاي؟ تامر مرسي وراه جهاز محترم ودولة محترمة وراه ساعدته كتير على إتمام المهمة من أصغر عامل في اللوكشن لمديرين إنتاج لملابس وماكياج وإضاءة شكرا".

اختتمت: " بقول من قلبي شكرا و بقول ان هناك جندي مجهول اسمه الأستاذ تامر مرسي يجب كل فنان تألق السنه دي يقول له شكرا وواجب علينا كلنا نقولك شكرا على المجهود الجبار وشكرا على احترام عقولنا وشكرا على انك كنت عامل مساعد إن نفسيتنا ماتتعبش، مصر بتنتج وبتحاول تعيش طبيعي في أوحش الظروف، تحيا مصر.. معلومة أنا قررت أشتغل بره مصر وهاتكون عودتي قوية جدا باذن الله تعالي".

يشار إلى أن محكمة جنح مستأنف الجيزة قد أصدرت قرارها منذ فترة، ببراءة الإعلامية ريهام سعيد في الدعوى المقامة ضدها ‏من ‏قبل سيدتين من أصحاب الوزن الزائد بسبب تصريحاتها عن السمنة‎.‎

ورفضت المحكمة الدعوى المقامة من المحامي أشرف ناجي لسنة 2019 ضد الإعلامية ريهام سعيد والاتهامات الموجهة إليها ‏بإهانة ‏الأشخاص الذين يعانون من أمراض السمنة، خلال إحدى حلقات برنامجها على إحدى القنوات الفضائية‎.‎

وفي حيثيات الحكم قالت المحكمة بأن مقيم الدعوى لم توجه إليه المتهمة ثمة إساءة بصفة شخصية وخلو الأوراق من ذلك‎.

اقرأ أيضًا:

بالفيديو- موقف محرج لريهام سعيد في محل مجوهرات: أنا اتهزقت

ريهام سعيد تعلن عودتها للشاشة قريبًا