شقيق ياسمين عبد العزيز يدافع عن ياسمين صبري

إيمان مندور | فى حياة المشاهير

ياسمين صبري وياسمين عبد العزيز

الاثنين , 27 أبريل 2020 - 10:53 | اخر تحديث: الاثنين , 27 أبريل 2020 - 10:53

رد الفنان وائل عبد العزيز على الانتقادات التي وجهت للفنانة ياسمين صبري، عقب مشاركتها في برنامج "رامز مجنون رسمي"، أمس.

كتب عبد العزيز عبر حسابه على Facebook: "ياسمين صبري زاي القمر وعسل وروحها تجنن في البرنامج".

وردا على الصورة المتداولة على تغير شكلها في بداياتها الفنية والآن، وأنه بسبب عمليات التجميل، كتب عبد العزيز: "أنا حابب أفهم الناس حاجة عن الهجوم علي ياسمين صبري.. ياسمين صبري بلغه سوقنا اسمها ڤيديت. والڤيديت في تاريخ السينما العالمية والعربية وحتى الهندية لازم ينطبق عليها مميزات معينة".

شاهد- أحمد العوضي يستعين بأغنية تامر حسني ليصف علاقته بياسمين عبد العزيز

تابع: "يعني الرشاقهة والجمال وطلّة مميزة عن غيرها ووش تحبه وترتاح ليه عشان تأدي الأدوار الرومانسية وآخر شيء التمثيل .. لو رجعنا للزمن ورا شويا هنلاقي اكتر ڤيديدات السينما فيهم المميزات دي وتمثيلهم في الاول كان علي قدهم .. إلى أن ارتقي من كتر الشغل والأدوار المختلفة غير الشغل علي النفس".

أضاف عبد العزيز: "أحب اقولكم إن الشغلانة دي كل ما تقف قدام كاميرا أكتر كل ما تتقل وتلمع وتبقي معلم في حتتك .. وبعدين الناس زعلانه ليه يكون عندنا ممثلات حلوين بدل العاهات اللي الواحد بيشوفها كل يوم طيب انا هفكركوا قدام شويه ياسمين صبري القمر دي هتبقي نجمه مصر مع الوقت".

رسالة ياسمين صبري لأحمد أبو هشيمة بعد حلقتها مع رامز جلال
واختتم تعليقه: "من الآخر كده للمنتقد طبعًا ده شيء يرجعلك وحريه شخصية.. بس هيبقي شكلك وحش قوي لما ترجع تحبها قدام ويبان في عينيك".

كانت أزمة كبيرة قد اشتعلت خلال الشهور الماضية بين الفنان وائل عبد العزيز وشقيقته ياسمين عبد العزيز، بعدما وجه لها انتقادات قاسية عبر السوشيال ميديا، بسبب ما تردد من شائعات حول ارتباطها بالفنان أحمد ‏العوضي.، كاتبا: "هنهرتل وتروحي تعرفي واحد أصغر منك بـ 10 سنين لا من سنك وتتصوري صور مالهاش أي ‏لازمة على حساب سمعتك وسمعتنا لا ومحدش هيسمح، من إمتى واحنا بنعمل أعياد ميلاد وتنزل علي السوشيال ميديا، من إمتي ‏الناس بتجيب في سيرتنا !؟ ونقعد نتعاكس علي السوشيال ميديا".‏

شاهد- أحمد العوضي يستعين بأغنية تامر حسني ليصف علاقته بياسمين عبد العزيز

وتابع: "ومع ذلك حياتك وأنتي حرة فيها، أنا هتكلم على الشق الي يخصني، أنتي مقاطعه كل العيلة عشان تعملي الي على مزاجك .. ‏إحنا دلوقتي عايزين نفهم العلاقه دي إيه و رايحة على فين".‏

استطرد شقيق ياسمين عبد العزيز: "أما بالنسبة للأخ الي ماشي وراكي في كل حتة وشايفك البيضة الدهب الي هتفقسله كل يوم أحب ‏أقولك يا راجل لما تيجي تدخل بيت تدخله من بابه يا راجل !! وتقعد مع رجالة البيت !!..دي الأصول وده الاحترام .. وطبعا لأنك ‏عارف إنك مرفوض رفضا باتا فعمرك ما هتعمل ده ومعندكش غير طريق الشمال الي أنت سالكه من سنين مع بنات الناس".‏

اتهام بالتحرش ومواصفات فتاة أحلامه... تعرف على وائل شقيق ياسمين عبد العزيز

اختتم وائل حديثه بقوله: "أنا من رأيي كفاية عليك البطولة الي أخدتها والعربية المرسيدس الهدية .. وتركز في شغلك وتسيبنا في حالنا ‏لأن طول عمرنا في حالنا ومحدش سامع عننا حاجة وملوش لازمة جو الصور والمعاكسات ده وأنا مبخفش من تهديد حد".‏

اقرأ أيضا

أنا ناجح بيكي... أحمد العوضي يغازل ياسمين عبد العزيز‏

‎"‎أنت حياتي"... رومانسية متبادلة بين أحمد العوضي وياسمين عبد العزيز