الرئيسية جديد سكوب ألبومات فيديوهات الجونة 2020 المجلة حياة المشاهير سينما وتلفزيون موسيقى وحفلات آراء الكتاب الأكثر مشاهدة خدمة الرسائل القصيرة RSS خدمة الخصوصية

ميدو يطالب بتخفيض أجور الرياضيين والفنانين

إيمان مندور | فى حياة المشاهير

أحمد حسام ميدو

7 أبريل 2020

نظرا للظروف التي تمر بها الدولة عقب أزمة فيروس كورونا المستجد، طالب أحمد حسام ميدو، نجم الزمالك والمدير الفني السابق لمصر المقاصة، بضرورة تخفيض أجور الإعلاميين والفنانين والرياضيين لكي تتساوى مع قطاعات الصحة والتعليم في الدولة.

كتب ميدو عبر حسابه على Twitter: "أكثر حاجه لازم الدولة تتعلمها إن لازم يحصل تعديل في الموازنة العامة لازم الصحة والتعليم يتخصص لهم نسبة اكبر بكتير لازم يتم تخفيض عدد الموظفين الحكوميين لازم الفلوس اللي بتتصرف على الكورة والإعلام والفن يتم تخفيضها بشكل كبير!! لازم بتعمل سقف مرتبات للاعبين والمدربين والاعلاميين!".

تابع: "ماينفعش العاملين بالقطاع الصحي والقطاع التعليمي يبقوا بيعانوا واللاعبين والمدربين والإعلاميين والفنانين بيتقاضوا مئات أضعافهم.. وهنا الموضوع مش موضوع أرزاق.الخوضوع موضوع عدل. لازم يبقى في نسبه وتناسب.. لازم نستغل الظروف اللي بنمر بيها وحاجات كتيرة تتعدل".

أضاف: "ماينفعش لاعيب أو مدرب في الدوري المصري المتواضع جدا فنيا يكون دخله مئات أضعاف العاملين في القطاع الصحي والقلاع التعليمي بالذات.. اه لاعيب الكورة والمدرب لازم يأخذ يتم تقديره بشكل جيد لانها موهبة ومهنة صعبة جدا لكن الفروق لازم ماتكونش بعيده اوي كده!!.. مثلا زوج اختي دكتور مخ وأعصاب في مستشفى كبيرة جدا وعندما علمت عن دخله السنوي صعقت!! ازاي واحد درس سبع سنين طب موت نفسه فيهم وبيشتغل اقل حاجه ١٦ ساعه في اليوم يكون ده دخله!! على فكرة ده الوضع في العالم كله مش في مصر بس..في رأيي ان كل ده لازم يتغير".

واختتم ميو حديثه: "لازم الوزير أشرف صبحي والأستاذ عمرو الجنايني يشتغلوا اه مفيش عقد لأي لاعب أو مدرب يتم اعتماده إلا بسقف معين يزيد كل ٣ سنوات السقف ده ١٥٪..الأندية المصرية كلها بلا استثناء بتخسر ملايين.. وايه العائد؟ مفيش اي عائد!! دوري تعبان من غير جمهور بيفرز ٢ او ٣ لاعيبه مميزين كل موسم!!".