أحمد مالك "تائه" بسبب أزمة كورونا

إيمان مندور | فى حياة المشاهير

أحمد مالك

الاثنين , 30 مارس 2020 - 16:03

كشف الفنان الشاب أحمد مالك عن رأيه في أزمة فيروس كورونا المستجد، والتي يعاني منها العالم بأسره، وسط قرارات من الحكومات بضرورة الالتزام بالإجراءات الوقائية، للحد من انتشار الفيروس.

كتب مالك عبر حسابه على Twutter: "كنت ناوي أكتب حاجة فيها هزار عن الفلوس والحالة المادية، بس لاحظت إني مش في أزمة قوية زي ناس فعلا حياتها ممكن تكون في خطر بسبب الوضع الحالي.. بعدين فكرت في الوضع الحالي.. أنا حاسس إني معنديش حاجة أقولها أو أعملها، ومش قادر حتى أقول لنفسي أعمل إيه".

أضاف: "حاسس إني تايه ومتلخبط بس حاسس إني مش لوحدي وده شعور غريب بشكل حلو.. حاسس إني عايز أفضل ساكت وأتفرج.. مش عايز أجري، مش عايز آخد كورس أونلاين، مش عايز أعمل أي تحدي، مش عارف عايز أو مفروض أعمل إيه..انا بعترف إني مش فاهم حاجة".

تابع: "عارف إن كلامي ممكن يميل للضلمة بس حاسس إن دي مش مشكلة ومش مفروض تخوفني.. حاسس إن دي مرحلة نادرة الإنسانية بتعدي بيها وكلنا جزء منها.. العالم في حالة صمت، صمت له صوت أنا مستغرب ومستمتع بقوته.. أنا معنديش حاجة مضطر أعملها أو أقولها غير إني أتأمل اللحظة دي وألاقي نفسي وسطيها".

اختتم مالك حديقه كاتبا: "مش عارف لو العالم هيتغير أو لا بعد اللي بيحصل، بس أكيد هنفهم حاجة جديدة وحتى لو مفهمناش أكيد هنحس.. أتمنى الخسارة تكون خفيفة علينا ومتحمس لليوم اللي هنحتفل فيه بمرور كل ده".

على صعيد آخر، كان أحمد مالك، قد شارك في موسم رمضان 2019، من خلال مسلسل "زي الشمس" الذي حقق نجاحًا كبيرًا بعد عرضه، وهو من بطولة دينا الشربيني، وأحمد ‏السعدني، وأحمد داود، وريهام عبد الغفور، وسوسن بدر وتأليف مريم ناعوم، وإخراج سامح عبد العزيز‎

اقرأ أيضا:

ممثلة شهيرة تنشر صورها في مرحلة الطفولة.. هل تعرفت عليها؟

محمد إمام لأوس أوس: منك لله عرفتني سكة الحاجات دي