لا زالت ردود فعل الفنانين على أزمة الفنانة ياسمين عبد العزيز وشقيقها وما كتبه عبر حسابه على Facebook مستمرة.
فيديو- إدوارد لشقيق ياسمين عبد العزيز: أنت مريض نفسي؟
علقت الفنانة وفاء عامر على الموضوع وقالت في مداخلة هاتفية مع برنامج "القاهرة اليوم"، إن ياسمين عبد العزيز لم تخطئ في شيء عندما قالت إنها تحب أحمد العوضي.
أضافت مشددة على أن ياسمين طوال عمرها محترمة ولم تُكتب كلمة سيئة عنها، وتقدم طوال الوقت أدوارا جيدة، مطالبة الجميع بالتحدث عن الأعمال التي تقدمها وليس عن حياتها الشخصية، قائلة "كان نفسي معملش المكالمة دي وأتكلم عن أشياء شخصية، أنا متأكدة من أن وائل هيراجع نفسه ومتأكدة من ربايته وأن عمر الدم ما هيبقى مايه، وأنه هيعتذرلها على العام أمام الناس كلها، هو غيران على أخته لكن عمر ما يقدر حد يشهر بيها".
وأكدت وفاء عامر أنها تدعم ياسمين عبد العزيز ومن جمهورها وستظل تحبها، وناشدت وائل عبد العزيز أن يعتذر لها.
كان أحمد العوضي قد رد على شقيق ياسمين كاتبا: "أنهي بيت اللي أدخله من بابه.. إن كانت هي اللي بتصرف عليك وعلى ابنك اللي مخبيه وراميه وهي بتدفع له مصاريف مدرسته".
وجاء ذلك ردا على ما وجهه الفنان وائل عبد العزيز من انتقادات قاسية لشقيقته، كاتبا: "هنهرتل وتروحي تعرفي واحد أصغر منك بـ 10 سنين لا من سنك وتتصوري صور مالهاش أي لازمة على حساب سمعتك وسمعتنا لا ومحدش هيسمح، من إمتى واحنا بنعمل أعياد ميلاد وتنزل علي السوشيال ميديا، من إمتي الناس بتجيب في سيرتنا !؟ ونقعد نتعاكس علي السوشيال ميديا".
أحمد العوضي لشقيق ياسمين عبد العزيز: بيت ايه اللي أدخله من بابه!
وتابع: "ومع ذلك حياتك وأنتي حرة فيها، أنا هتكلم على الشق الي يخصني، أنتي مقاطعه كل العيلة عشان تعملي الي على مزاجك .. إحنا دلوقتي عايزين نفهم العلاقه دي إيه و رايحة على فين".
استطرد شقيق ياسمين عبد العزيز: "أما بالنسبة للأخ الي ماشي وراكي في كل حتة وشايفك البيضة الدهب الي هتفقسله كل يوم أحب أقولك يا راجل لما تيجي تدخل بيت تدخله من بابه يا راجل !! وتقعد مع رجالة البيت !!..دي الأصول وده الاحترام .. وطبعا لأنك عارف إنك مرفوض رفضا باتا فعمرك ما هتعمل ده ومعندكش غير طريق الشمال الي أنت سالكه من سنين مع بنات الناس".
بعد أزمة التشهير بفنانة... ناهد السباعي: جتكم القرف أنتم الاتنين
اختتم وائل حديثه بقوله: "أنا من رأيي كفاية عليك البطولة الي أخدتها والعربية المرسيدس الهدية .. وتركز في شغلك وتسيبنا في حالنا لأن طول عمرنا في حالنا ومحدش سامع عننا حاجة وملوش لازمة جو الصور والمعاكسات ده وأنا مبخفش من تهديد حد".
اقرأ أيضا:
ياسمين عبد العزيز للعوضي: بحبك يا أحمد
محمد محمود عبد العزيز عن أزمة "العوضي وياسمين": يا خسارة الرجولة