محمد محمود عبد العزيز عن أزمة "العوضي وياسمين": يا خسارة الرجولة

إيمان مندور | فى حياة المشاهير

ياسمين عبد العزيز والعوضي ومحمد محمود عبد العزيز

الأربعاء , 4 مارس 2020 - 11:23 | اخر تحديث: الأربعاء , 4 مارس 2020 - 11:24

جدل كبير أثير على مواقع التواصل الاجتماعي، عقب الاتهامات والانتقادات القاسية التي وجهها الفنان وائل عبد العزيز لشقيقته الفنانة ياسمين عبد العزيز، بسبب ما تردد من شائعات حول ارتباطها بالفنان أحمد ‏العوضي.‏

اقرأ أيضا: شقيق ياسمين عبد العزيز ينتقدها: خليتي سيرتنا على لسان الناس

أبدى الفنان محمد محمود عبد العزيز اندهاشه مما قاله شقيق ياسمين، مؤكدا أن ما حدث لا يمت للرجولة والأخلاق بصلة، حيث نشر فيديو عبر حسابه على Instagram، علق عليه كاتبا: "ألف خسارة على الرجولة لما أخ يتكلم عن أخته كده.. ياسمين ب١٠٠٠ راجل".

وقال عبد العزيز خلال الفيديو: "أنا مش داخل أعاتب شخص بعينه لأن مش من حقي أعاتب حد، بس بما إن الموضوع تحول لإننا بنفضح بعض وإخوات في بعض وبنتكلم على بعض.. فا اللي بيحصل ده ملوش علاقة بأي حاجة اسمها رجولة ولا أخوة ولا تربية ده خرج برا نطاق المنطق".

تابع: "أنا فاكر زمان إن أهالينا علمونا نتلم مع بعض ونحابي على بعض بس ده للي اتربى يعني.. الأخ اللي دخل كتب كده ده على أخته دماغه مبتفكرش !! كتب أول سطر ماشي كان مختل ساعتها ولا حاجة، وبعد كده بقيت السطور بقيت الكلام مفكرتش إنت بتعمل ايه !.. يا عم دا لو واحد مصاحب واحدة وسابها مش هيجرؤ إنه يتكلم عنها كده.. طب يا بني اتكلم عن واحدة منعرفهاش اتكلم عن واحدة مش معروف إنها بألف راجل وجدعة".

View this post on Instagram

ياسمين ب١٠٠٠ راجل (اسألكم الفاتحه و الدعاء لابويا و لكل من رحلوا عنا)

A post shared by محمد محمود عبدالعزيز (@mohamedmahmoudabdelaziz_) on Mar 3, 2020 at 5:12pm PST

كان الفنان وائل عبد العزيز قد وجه انتقادات قاسية لشقيقته الفنانة ياسمين عبد العزيز بسبب ما تردد من شائعات حول ارتباطها بالفنان أحمد ‏العوضي.، كاتبا: "هنهرتل وتروحي تعرفي واحد أصغر منك بـ 10 سنين لا من سنك وتتصوري صور مالهاش أي ‏لازمة على حساب سمعتك وسمعتنا لا ومحدش هيسمح، من إمتى واحنا بنعمل أعياد ميلاد وتنزل علي السوشيال ميديا، من إمتي ‏الناس بتجيب في سيرتنا !؟ ونقعد نتعاكس علي السوشيال ميديا".‏

وتابع: "ومع ذلك حياتك وأنتي حرة فيها، أنا هتكلم على الشق الي يخصني، أنتي مقاطعه كل العيلة عشان تعملي الي على مزاجك .. ‏إحنا دلوقتي عايزين نفهم العلاقه دي إيه و رايحة على فين".‏

استطرد شقيق ياسمين عبد العزيز: "أما بالنسبة للأخ الي ماشي وراكي في كل حتة وشايفك البيضة الدهب الي هتفقسله كل يوم أحب ‏أقولك يا راجل لما تيجي تدخل بيت تدخله من بابه يا راجل !! وتقعد مع رجالة البيت !!..دي الأصول وده الاحترام .. وطبعا لأنك ‏عارف إنك مرفوض رفضا باتا فعمرك ما هتعمل ده ومعندكش غير طريق الشمال الي أنت سالكه من سنين مع بنات الناس".‏

اختتم وائل حديثه بقوله: "أنا من رأيي كفاية عليك البطولة الي أخدتها والعربية المرسيدس الهدية .. وتركز في شغلك وتسيبنا في حالنا ‏لأن طول عمرنا في حالنا ومحدش سامع عننا حاجة وملوش لازمة جو الصور والمعاكسات ده وأنا مبخفش من تهديد حد".‏

اقرأ أيضا:

بعد أزمة التشهير بفنانة... ناهد السباعي: جتكم القرف أنتم الاتنين

أحمد العوضي لشقيق ياسمين عبد العزيز: بيت ايه اللي أدخله من بابه!