بعد أزمة محمد رمضان... يسري نصر الله يدعم باسم سمرة

إيمان مندور | فى حياة المشاهير

يسري نصر الله وباسم سمرة

الثلاثاء , 25 فبراير 2020 - 12:02 | اخر تحديث: الثلاثاء , 25 فبراير 2020 - 12:02

جدل كبير أثير خلال الأيام الماضية عقب تداول رواد مواقع التواصل الاجتماعي، لمقطع فيديو يظهر فيه الفنان باسم سمرة أثناء دفعه للفنان محمد رمضان على المسرح، في إحدى المناسبات، وتبع الأمر تصريحات متبادلة من الطرفين.

اقرأ أيضا: باسم سمرة لمحمد رمضان: مش هرد عشان أنا ابن ناس محترمة

دافع المخرج يسري نصر الله عن باسم، عبر حسابه على Facebook، كاتبا: "باسم سمرة بالإضافة لكونه ممثل مدهش، أطيب وأجدع إنسان أعرفه. فيه حاجة واحدة ممكن تخليه (وتخلي أي واحد عنده سنة نخوة) يتعصب: إن حد يدوسله أو يدوس لحبايبه علي طرف أو يتعامل معاه ومع حبايبه بعجرفة. باسم يعرف معنى الصداقة والأصول".

تابع: "ومحمد رمضان يعرف ده كويس قوي من يوم ما اشتبك أثناء تصوير فيلم في خناقة عنيفة مع ناس من نزلة السمان وإللي خلصه منها تحديدا باسم... باسم في كل تعاملاتي معاه بيدي للدور كل مشاعره وكل انضباته. وكل إللي عملوا في أفلامي يعرفوا ده عنه.. عمري ماشفت باسم بيتباهى باللي عنده وباللي ماعندوش. وعمري ما شفته بيفعص أو يأذي حد أقل منه".

أضاف: "وفي حواره مع عمرو أديب عجبتي جدا إنه يتكلم عن إزاي الصحافة والإعلام بيتجاهلوا شغل الممثلين وبيتلهفوا على الكلام عن خناقتهم. وعجبني دعوته لمحمد رمضان إنهم يعملوا فيلم روائي قصير من بطولتهم هما الإتنين".

كان رواد مواقع التوصل الاجتماعي قد تداولوا فيديو يظهر خلاله باسم سمرة أثناء دفعه للفنان محمد رمضان، رغم وجودهم وسط عدد كبير من الجمهور، الأمر الذي برره سمرة في تصريحات صحفية بانه غير مقصود.

اقرأ أيضا:

محمد رمضان: قسما بالله لأخلي أولادكم يغنوا "نمبر وان" في البيت

عباس أبو الحسن مهاجماً محمد رمضان: "بوظ وش معجب"