عمرو مصطفى لـ محمد رمضان: أنت ماتعرفش السلم الموسيقي من سلم بيتكم

محمد عاشور | فى حياة المشاهير

عمرو مصطفى ، محمد رمضان

الأحد , 23 فبراير 2020 - 14:18 | اخر تحديث: الأحد , 23 فبراير 2020 - 16:54

بعد التصريحات التي أدلى بها محمد رمضان في حواره على التليفزيون المصري، قرر الملحن والمطرب عمرو مصطفى الرد عليه.

‎ ‎صورة‎ ‎

ونشر عمرو مصطفى عبر حسابه على Facebook صورة لتعليق الشاعر تامر حسين على نفس التصريحات، وعلق عليها بنفسه:

"اعتقد أن رد تامر بسيط بالنسبة لو أنا رديت، تقول (نمبر وان) على الممثلين الساكتين عن التجاوزات بتعتك ماشي ملناش دعوة، لكن عند الغناء والموسيقي بلاش علشان هتزعل، الموسيقي والغناء وعمرو دياب تحديدًا (خط أحمر )، وهو أنت بتمتهن مهنة أو ليك فيها عشان اي حد في المهنة يغير منك ويحاربك، يا ابني أنت ماتعرفش السلم الموسيقي من سلم بيتك".

علق الشاعر تامر حسين على ما كتبه المحامي أشرف عبد العزيز، ليرد على الفنان محمد رمضان بعدما اتهمه أنه وراء حملة الطيار أشرف أبو اليسر ضده.

محامي عمرو دياب يكذب محمد رمضان

كتب حسين عبر حسابه على Facebook:الحقيقة مش عارف احنا بقينا نستحل نتهم الناس بالباطل ازاى؟

"وهل يُعقل راجل مُتربع على قمة الغناء 30 سنة ومطرب وبيغنى ويسلطن ومواكب ومتطور وشايل صناعة بحالها على كتافه ومشرف مصر بقاله سنين بسيرته وأعماله ونجاحاته وقدوة بجد للشباب ومختلف الأجيال والأعمار ومطرب كبير"

تابع، مش بيقول (راب) ولا دخيل على الشُغلانة حايفكر يمنع ممثل أو مؤدى من الغُنا أو حايحاربك مثلاً... ياجماعة اتقوا الله واعقلوا اللى بيتقال الناس مش حاتتعاطف مع الهزى ده الناس بتشمئز من الكلام اللى مفيهوش ريحة المنطق ... وربنا يهدى.

وأكمل، أدى رد محامى المطرب عمرو دياب على الإتهام الباطل، ياريت يا أستاذ يللى بتتهم الناس بالباطل نحافظ على رموزنا الحقيقين والمؤثرين بالإيجاب ونجومنا الكبار اللى فاضلين لنا عشان لما تبقى حضرتك ناجح 30 سنة على التوالى نتشرف بيك وبانجازاتك وبسيرتك ونقف ضد اللى يمسك بكلمة... الكبير له مقامه واحترامه وتقديره ... وياريت ننجح بشرف.

‎ ‎صورة‎ ‎

كان محمد رمضان قال خلال لقاء في برنامج "التاسعة" مع وائل الإبراشي على القناة الأولى والفضائية المصرية، إن محامي مطرب كبير وراء حملة ضده لأنه موكل الطيار في ذات الوقت.