لأول مرة ... عمرو دياب يتحدث عن دينا الشربيني

إيمان مندور | فى حياة المشاهير

عمرو دياب ودينا الشربيني

الأحد , 16 فبراير 2020 - 00:02 | اخر تحديث: الأحد , 16 فبراير 2020 - 11:02

علق الفنان عمرو دياب على احتفاله بنجاح ألبومه الأخير "سهران"، وبعيد الحب مع الفنانة دينا الشربيني، في أول تعليق تليفزيوني له حول علاقته بالأخيرة.

أوضح دياب خلال مداخلة هاتفية مع الإعلامي عمرو أديب على قناة "mbc مصر"، أن دينا تعرف جيدا كيف تجعله يخرج أفضل ما لديه في العمل والحياة، قائلا: "دينا بتعرف تخليني أطلع إنتاج كويس، ودي أهم حاجة في حياتي، وميزة مش موجودة في حياة ناس كتير"، ليرد أديب: "يعني هدية دينا أنها بتخليك تطلع إنتاج كويس.. طب إنت جبت حاجة"، ليرد الهضبة ضاحكا: "جبت".

وعن طرحه لـ 12 أغنية جديدة في الألبوم، قال: "جمهوري له حق عليا إني اعملهم كل شيء جديد.. وأنا نفسي معايا مجموعة محترمة جدا من الفنانين والموزعين والملحنين الموهوبين.. مكنش ينفع إني أفضل قاعد معملش حاجة وأسلم الأغاني الموجودة اللي نزلت واحط عليهم أغنيتين ولا تلاتة.. لا كان لازم اعمل أغاني جديدة، وده اللي قدرت اعمله بفضل المجموعة اللي معايا بصراحة".

وبسؤاله عن اختيار توقيت نزول الألبوم مع تصاعد التريندات مؤخرا عن بعض الأزمات الموسيقية، والجدل المثار حولها، قال: "بحاول ع قد ما اقدر أشوف أذواق الجمهور وأواكب أذواقهم، أنا والله ما كنت اعرف إن في حاجة من دي، أنا بقالي 40 يوم قافل على نفسي خالص نهائي ولا أعرف إن في حاجة بتحصل اصلا بالشكل ده، ميعاد نزول الألبوم كان يوم 12 أنا كنت شغال يومها لحد الساعة 10 ونص، والله ما كان عندي فكرة إيه بيحصل ولا أي حاجة".