زهرة رامي تفوز بجائزة أحسن ممثلة في مهرجان أمريكي

ولاء مطاوع | فى سينما وتلفزيون

زهرة رامي

السبت , 15 فبراير 2020 - 12:51

‏كشفت الإعلامية زهرة رامي عن مشاركتها بفيلم قصير في مهرجان ‏Rolly wood inrernational film festival‏.‏

نشرت رامي عبر حسابها الخاص على Facebook بوستر فيلم "داين تدان" الذي شاركت في بطولته قبل 8 سنوات، وكتبت معلقة عليه: " ‏هو فى خبر أنا بحاول لسه أستوعبه وكده خبر صدق أو لا تصدق ستايل من 8 سنين تقريبا صورت فيلم قصير مع أصدقائي، كانت ‏بالنسبالي تجربه لذيذة وسريعة و بلعب مع صحابي و مبسوطة و كده".‏

تابعت: "مخرج الفيلم الجميل كريم الشافعي طلع الفيلم تاني وعمله إعادة مونتاج وحاجات نظرا لأن موضوع الفيلم والموبايلات مثلا ‏المستخدمة قديمة جدا وقالي إنه بعته مهرجان‎ Rolly wood inrernational film festival ‎في أمريكا".‏

أضافت زهرة رامي: " اتبسطت جدا إن الفيلم لسه عايش وافتكرت إنى عملته والفكرة فضلت لذيذة وكنت عايزه أفتكره بقى وافتكر أنا ‏مثلت إيه أساسا وكده، والدنيا وخداني خالص و لسه ما قابلتش كريم لحد دلوقتى ولا شوفت الفيلم".‏

اختتمت رامي: "المفاجأة بقى مش عارفة أجيبهالكوا إزاى بس الفيلم كسب أحسن فيلم أجنبي دراما وأنا كسبت أحسن ممثلة والله".‏
‎‎
يُذكر أن زهرة رامي انضمت لإذاعة "إنرجي" لتقديم برنامج "اصحى بإنرجي" تزامنا مع العام الجديد 2020، وكان أول ظهور لها في ‏حلقة الأحد الموافق 5 يناير‎.‎

لم تقتصر تجربة زهرة رامي، على التقديم الإذاعي فقط ولكنها قدمت عروضا مع فرقة "أيامنا الحلوة"، كما خاضت تجربة الـ "ست ‏كوم" في "تامر وشوقية".‏

اقرأ أيضًا:

في عيد الحب... محمد علي رزق ينفصل عن زوجته

فيديو- شام الذهبي تعلن ارتباطها العاطفي برسالة رومانسية