"طلّقني"... تفاصيل الكتاب الأول لـ أسما شريف منير

إيمان مندور | فى حياة المشاهير

أسما شريف منير

السبت , 25 يناير 2020 - 19:01 | اخر تحديث: السبت , 25 يناير 2020 - 19:01

كشفت الإعلامية أسما شريف منير عن إصدار كتابها الأول "طلّقني"، الصادر عن دار الوطن للنشر والتوزيع، والذي من المقرر إقامة حفل توقيعه بمعرض الكتاب، يوم 1 فبراير المقبل.

أوضحت أسماء عبر حسابها على Instagram، رحلتها مع الكتاب، وكواليس الفكرة منذ بداياتها، وتفاصيل مساندة زوجها الفنان محمود حجازي لها، والدعم الكبير الذي قدمه لها بعض أصدقائها، لكي يخرج هذا الكتاب للنور.

كتبت أسما: "وأنا صغيرة كنت بحب اروح المكتبة جدًا، كانت فسحة بالنسبة لي، بعشق الكتب وبحب اقتنيها، ريحة الكتب وملمس الورق ليهم سحر بالنسبة لي، لسه فاكره رحلة المدرسة لمعرض الكتاب وسعادتي وأنا هناك مكنتش اتخيل أبدًا إنّي هكون بشارك بكتاب في يوم من الأيام، اه طول عمري عندي حلم بعيد كده إني في يوم هكتب كتاب مش عارفه عن إيه ولا امتي بس كنت حاسّه إنّي في يوم هعمل كده، بس كنت فاكره انه هيكون في يوم أبعد بكتير عن دلوقتي".

تابعت: "لمّا رحت المعرض السنة اللي فاتت كنت بقول لحجازي يومًا ما كتابي هيبقى هنا وضحكت، مكنتش اعرف إنه قريب كده.. بس هشام ساعدني احقق حلمي أقرب ما كنت بتخيل، هشام رجب صديقي وأخويا اشتغلنا مع بعض قبل كده في البرنامج وبعد كده كل واحد فينا اتسحل في شغله.. وفجأة لقيته بيكلمني بيقولي ها هتشتغلي علي أول كتاب إمتي (من غير ما أقوله أصلاً إنّي نفسي اعمل كده).. قلتله كمان كام سنة كده إن شاء الله، قالي لأ.. يلا هو السنادي، قلتله وش كده! .. قالي اه هو وش كده، أنا عارف انك هتعملي حاجه حلوة وأنا هساعدك".

أضافت: "وفعلاً اشتغلنا علي الموضوع وساعدني لحد ما كلّمني وقالي إن الكتاب اتطبع.. رحلة خطيرة وكلها سهر وتطبيق، مفيش نوم وحاجة كده فيها أدرينالين لدرجة إنّي أول ما خلّصت قلت أنا لازم اشتغل علي المشروع اللي جاي من كتر ما هو إحساس ممتع.. دي أول تجربة ليا.. يا رب تعجبكم وتفيدكم وبجد هستنى رأيكم، استخدموا #طلقني عشان اعرف آرائكم واعملولي "تاج" عشان اشوف كل اللي هتكتبوه.. مش قادرة أقولكم إنّي قاعدة من ٤ الفجر مستنياكم تصحوا عشان اقولكم علي الخبر ده".

واختتمت أسما حديثها كاتبة: "أنا عايزه اشكر دار النشر (دار الوطن) اللي ماتأخرتش عليا في أي حاجة وعلى شياكتهم في المعاملة والتعاون الغير عادي، ليا الشرف إن أول كتاب يكون معاهم وعايزة اشكر الفنان كريم آدم علي تصميم الغلاف بجد أنت عبقري.. وعايزه اشكر ليلى أختي، بلال صديق عمري، حنان إسماعيل وهلا علي وقفتهم جنبي ومساعدتهم ليّا في رحلة الكتاب لحد ما دخل المطبعة، وجوزي حبيبي وحياتي علي وقفته جنبي وفرحته بيا.. بحبكم".

View this post on Instagram

وأنا صغيرة كنت بحب اروح المكتبة جدًا، كانت فسحة بالنسبالي، بعشق الكتب و بحب اقتنيها، ريحة الكتب وملمس الورق ليهم سحر بالنسبالي، لسه فاكره رحلة المدرسة لمعرض الكتاب وسعادتي وأنا هناك ماكنتش اتخيل ابدًا إنّي هكون بشارك بكتاب في يوم من الأيام، اه طول عمري عندي حلم بعيد كده إني في يوم هكتب كتاب مش عارفه عن ايه و لا امتي بس كنت حاسّه إنّي في يوم هعمل كده بس كنت فاكره انه هيكون في يوم أبعد بكتير عن دلوقتي، لمّا رحت المعرض السنة اللي فاتت كنت بقول لـ "حجازي" يومًا ما كتابي هيبقى هنا وضحكت، مكنتش اعرف انه قريب كده .. بس "هشام" ساعدني احقق حلمي اقرب ما كنت بتخيل، "هشام رجب" صديقي وأخويا اشتغلنا مع بعض قبل كده في البرنامج و بعد كده كل واحد فينا اتسحل في شغله.. وفجأة لقيته بيكلمني بيقولي ها هتشتغلي علي أول كتاب إمتي "من غير ما أقوله أصلاً إنّي نفسي اعمل كده" .. قلتله كمان كام سنة كده ان شاء الله، قالي لأ .. يلا هو السنادي، قلتله وش كده! .. قالي اه هو وش كده، أنا عارف انك هتعملي حاجه حلوة وأنا هساعدك وفعلاً اشتغلنا علي الموضوع وساعدني لحد ما كلّمني وقالي ان الكتاب اتطبع .. رحلة خطيرة وكلها سهر وتطبيق، مفيش نوم وحاجه كده فيها أدرينالين لدرجة إنّي أول ما خلّصت قلت أنا لازم اشتغل علي المشروع اللي جاي من كتر ما هو احساس ممتع.. دي أول تجربة ليا .. يا رب تعجبكم و تفيدكم وبجد هستنى رأيكم، استخدموا #طلقني عشان اعرف آرائكم واعملولي "تاج" عشان اشوف كل اللي هتكتبوه .. مش قادرة أقولكم إنّي قاعدة من ٤ الفجر مستانيكم تصحوا عشان اقولكم علي الخبر ده .. أنا عايزه اشكر دار النشر "دار الوطن" اللي ماتأخرتش عليا في أي حاجه وعلى شياكتهم في المعاملة والتعاون الغير عادي، ليا الشرف ان أول كتاب يكون معاهم و عايزة اشكر الفنان كريم ادم علي تصميم الغلاف بجد انت عبقري.. وعايزه اشكر "ليلى" أختي، "بلال" صديق عمري، "حنان إسماعيل" و"هلا" علي وقفتهم جنبي ومساعدتهم ليّا في رحلة الكتاب لحد ما دخل المطبعة، وجوزي حبيبي و حياتي علي وقفته جنبي و فرحته بيا .. بحبكم. ودي كل التفاصيل 👇🏼 ——————————————— معرض القاهرة الدولي للكتاب 2020 ———————————————- دار الوطن للنشر والتوزيع كتاب طلّقني أسما شريف منير ———————————————- هتلاقوا الكتاب في: قاعة 2 B12 ___________________________________ بإذن الله حفلة توقيع يوم السبت ١ فبراير متحمسه جداً إني أشوفكم... ———————————————————————————- Directed by @minodirector Project manager @mohamedheshamragab Cover design @karimadam.designs

A post shared by Asma Sherif Moneer (@asma.sherif.moneer) on Jan 25, 2020 at 5:56am PST

يشار إلى أن أسما، كانت قد شاركت والدها شريف منير، مؤخرًا، في تقديم الموسمين الأول والثاني من ‏برنامج ‏‏"أنا ‏وبنتي"، ‏الذي ‏ناقش في كل حلقة ‏أحد الموضوعات التي تناولت الفرق بين الأجيال، من خلال ‏مجموعة ‏من ‏الضيوف ‏المختلفين‎.‎