بعد تجاهل نجوم مسرح مصر في المهرجانات... حمدي الميرغني: عندنا بِدل والله

إيمان مندور | فى حياة المشاهير

حمدي الميرغني

السبت , 28 ديسمبر 2019 - 01:20 | اخر تحديث: السبت , 28 ديسمبر 2019 - 01:21

أعرب الفنان حمدي الميرغني عن انزعاجه بسبب عدم دعوة نجوم مسرح مصر لحضور المهرجانات السينمائية المصرية، موضحا أن الأمر "غريب"، ولا يعرفون سببه حتى الآن.

أضاف حمدي خلال حواره مع الإعلامية منى الشاذلي ببرنامج "معكم" على قناة cbc، أنهم لا يعلمون هل هذا التجاهل مقصود أم بسبب العشوائية، وأضاف ساخرا: "مع إن عندنا بِدل والله.. إحنا واخدين الموضوع بهزار، وبنضحك إن مهرجان سينمائي نلاقي ناس عمرها ما مثلت في السينما موجودين فيه، وكمان ناس مش ممثلين أصلا".

وأشار إلى أنهم تواصلوا مع عدد من مظمي المهرجانات الفنية ولم تنجح تلك المحاولات، قائلا: "كلمت ناس من المنظمين يقولك: والله!! ايه ده بجد هو ينفع تيجوا؟.. آه ما نيجي هو إحنا علينا حظر تجوال؟!، فيقولك طبعا السنة الجاية لازم تيجوا وكل سنة بتعدي ومبنروحش".

من جانبها، طلبت منى الشاذلي من حمدي بأن يوجه رسالة عبر برنامجها للمهندس نجيب ساويرس وشقيقه سميح بشأن حضور مهرجان الجونة، ليرد الميرغني ضاحكا: "يا بشمهندس نجيب ويا بشمهندس سميح أنا مش هطلب شقة أنا مش هطلب حاجة صعبة.. وأنا عاملك فولو يا بشمهندس نجيب على تويتر.. هبقا ابعتلك رسالة أفكرك إن أنا السنة الجاية موجود في المهرجان، أنا عزمت نفسي عشان لو لقتوني محدش يتصدم ويقول ايه ده".

يُذكر أن حمدي الميرغني انشغل مؤخرا بتصوير مسلسل "فلانتينو" من بطولة الفنان عادل إمام، داليا البحيري، ودلال عبد العزيز، وعمرو وهبة، ورانيا محمود ياسين، وبدرية طلبة، وهدى المفتي، وسليمان عيد، وعدد كبير من الوجوه الجديدة، وتأليف أيمن بهجت قمر، وإخراج رامي إمام.

اقرأ أيضا:

صورة- "قبل وصول تمارا"... حمدي الميرغني وزوجته في اللحظات الأخيرة من الحمل

نوبة ضحك تصيب رامي إمام وحمدي الميرغني بسبب مشهد للزعيم في "فلانتينو"