دعاء فاروق تنفعل على المتابعين: ممنوع التعليق على شكل ولادي

إيمان مندور | فى حياة المشاهير

دعاء فاروق

الجمعة , 27 ديسمبر 2019 - 18:53 | اخر تحديث: الجمعة , 27 ديسمبر 2019 - 18:53

نشرت الإعلامية دعاء فاروق عدة صور جمعتها بابنها وابنتها عبر حسابها على Instagram، لكنها تلقت العديد من الانتقادات والتعليقات المسيئة لها ولأولادها.

كتبت إحدى المتابعات تعليقا على الصور: "يعني أنتي داعية وبنتك لابسه بنطلون مقطع وبشعرها! أتأمرون الناس بالبر وتنسون أنفسكم"، لتنفعل دعاء وترد عليها كاتبة: "ممكن بعد إذن حضرتك ملكيش دعوة ببنتي خالص تلبس مقطع تلبس مهربد ده ميخصش مخلوق، وفضلا وليس أمرا اللي هيتكلم في اللي ميخصوش هعمله بلوك".

ومع استمرار التعليقات المسيئة، أجرت دعاء تعديلا على تعليقها على الصور كاتبة: "تعديل: من فضلكم بمنتهى الأدب والأخلاق اللي في الدنيا.. ممنوع منعا باتا التعليق علي لبس أي حد من ولادي ولا شكلهم ولا حلوين ولا وحشين ولا شبهي ولا مش شبهي.. إذا هتدعولهم ربنا يكرمكم ويبارك لكم في أولادكم ولكم بالمثل، إنما كل حد يدخل ينظر علي ولادى وعلي لبسهم ده مش مقبوووول".

تابعت: "أنا حرة أحط صور ولادي علي صفحتي للذكرى ولتسجيل اللحظة إنما مش من حق مخلوق يدخل يناقشني في شكلهم أو لبسهم وبعد إذن حضراتكم اللي كاتبه أو كاتب تعليق من هذا القبيل يدخل يمسحه بهدوء لأن أي تعليق من هذا القبيل هعمل بلوك فورا، ولكم مطلق الحرية إنكم تعملوا أنفولو للأكاونت بتاعي".

أضافت دعاء: "محدش بيستحمل علي عياله الهفوة.. وأنا مش بستحمل.. ربوا عيالكم أنتوا بالطريقة اللي تحبوها ومالكوش دعوة بعيال حد تاني حتي لو عيال أختك.. شكررا. ومرة تانية بشكر كل اللي بيقول كلمة محترمة واللي بيعلق تعليق لطيف واللي بيحافظ علي مشاعر الغير".

يذكر أن دعاء فاروق تقدم برنامجا اجتماعيا بعنوان "اسأل مع دعاء" ويعرض على قناة "النهار".‏

اقرأ أيضًا:

فيديو- دعاء فاروق عن خلع حلا شيحة وصابرين للحجاب: ربنا يحمينا من شر الفتن

فيديو- دعاء فاروق تحاول إقناع متصل بعدم الانتحار