حياتنا مش حلوة باستمرار... علا رشدي: لا تصدقوا السوشيال ميديا

إيمان مندور | فى حياة المشاهير

علا رشدي وزوجها

الأربعاء , 18 ديسمبر 2019 - 13:12

علقت الفنانة علا رشدي على تأثير مواقع التواصل الاجتماعي على الجيل الجديد من الشباب والمراهقين، ومدى انبهارهم بما يرونه في حياة المشاهير عبر هذه المواقع.

وجهت علا عبر حسابها على Instagram، رسالة لهؤلاء الشباب مؤكدة أن ما يرونه على السوشيال ميديا ليس حقيقيا في أغلب الأوقات، قائلة: "مش كل صورة تشوفوها تصدقوا إن ده الواقع اللي البني آدم ده عايش فيه طول حياته.. مش عشان حاطه ميكب وعامله شعرها ولابسة حلو جدا وشادة وشها تبقا حياتها حلوة.. دي بتقلع كل ده بعد الصورة ما تخلص وتبقا عادية".

تابعت: "متتأثروش بالناس دي وتقولوا يارتني كنت زيهم ازاي حياتهم حلوة كده وازاي صورهم حلوة كده أكيد عايشين حياة حلوة.. مفيش حد عايش الحياة بالشكل ده كل الناس عندها مشاكل وبتكتئب وبتبقا تعيسة وشكلها مش مبسوط عادي.. في أيام حلوة وأيام وحشة.. مفيش حد حياته حلوة طول الوقت.. لكن السوشيال ميديا للاسف مش بيبان عليها الأوقات الصعبة".

View this post on Instagram

كلنا بنمر بأوقات سعيدة وأوقات صعبة ومعظم الأوقات... السوشيل ميديا للاسف مش بيبان عليها الأوقات الصعبة.... #البرد_مخلص_عليا

A post shared by Ola Roshdy (@ola.roshdy) on Dec 17, 2019 at 8:41am PST

يشار إلى أن علا رشدي، شاركت مؤخرًا في فيلم "قصة حب" بجانب كلاً من أحمد حاتم، وهنا الزاهد، وحنان سليمان، وياسر طوبجي، وهو قصة وإنتاج ياسر صلاح، سيناريو وحوار أماني التونسي، مدير تصوير أحمد يعقوب، موسيقي تصويرية أشرف محروس، مونتاج عبد الرحمن كرم الدين، وتوزيع شركة دولار فيلم، ومن إخراج عثمان أبو لبن.

اقرأ أيضا:

بالفيديو- علا رشدي تسخر من موظفة دعاية تُحدثها عبر الهاتف

كنت طلعتلك في الكوابيس... علا رشدي ترد على متابع