موقف إنساني من أحمد زكي مع الكلاب.. يكشفه مجدي الهواري

محمد عاشور | فى حياة المشاهير

أحمد زكي

الأحد , 27 أكتوبر 2019 - 13:10

الفنان أحمد زكي واحدا من أهم الممثلين الذي جاءوا في تاريخ السينما المصرية، وله العديد من الأعمال التي ستظل خالدة مع الجمهور إلى الأبد.

وهذه المرة نشر مجدي الهواري صورة لأحمد زكي عبر حسابه على Instagram وكتب عليها موقف حدث بين الفنان الراحل أحمد زكي والفنان إبراهيم نصر، ليؤكد من خلاله على إنسانيته الكبيرة حتى مع الحيوانات.

وكتب: مجدي

"صباح الخير عليكم.. عايز اكلمكم النهارده عن هذا البطل .. الفتي الأسمر
أحمد ذكي رحمة الله عليه.. إبراهيم نصر بيحكي وبيقول كنت قاعد مستني أحمد زكي في مكان ما بسيط كده بشرب شاي .. جه في ميعاده ولقيته بيقولي هروح استلم جايزتي عن فيلم (أنا لا أكذب ولكني اتجمل) في السريع كده وارجع بسرعة خليك قاعد".
"بيقول راح وجه متأخرش وراجع بتاكسي ومطلع إيده من التاكسي وعمال يقولي الجايزة اهي .. وكأنه بيقولي هي دي بقى البتاعة اللي الكل بيجري عليها .. هو ماكنش بيهمه الجوائز لدرجة إنه نسي شهادة التقدير في التاكسي والسواق قعد يقوله الورقة يا أستاذ نسيت الورقة".
"المهم .. قالي أنا جعان تعالى أنا عازمك على كباب وكفتة .. ولأنه كان راجل بسيط جدا رحنا لمحل كده هو كان بيحبه كانت قعدته على الرصيف .. بدأ يتحطلنا الأكل .. وعلى ريحة الأكل إتجمع كلاب الشارع .. كلب ورا كلب ورا كلب .. أول ما صاحب المحل شاف المنظر جري ناحية الكلاب ومسك كلب وقعد يضرب فيه برجله .. أحمد زكي قام وراح حايشه ومنعه ومزعقله وقاله أنت بتضربه ليه .. جعان يا أخي ذنبه إيه .. إرحم يا أخي .. وراح قايله خش هاتله كيلو كباب وكفتة واعمله هنا على الرصيف (سرفيس) كامل وشوكة وسكينة وسلطات وكل حاجة كأنك بتنزل لزبون".
"بيقول وفعلا الراجل دخل وجاب الكباب والكفتة .. وفرش للكلب على الأرض ..وكل شوية أحمد زكي ينده عليه ويقوله هاتله سلطة .. هاتله مخلل .. هاتله عيش .. وكأنه عاوز يبسطه وينسيه تعب الضرب والأهانة".
"الغريب أن الكلب كان بياكل وهو خايف وعمال يبص وراه .. لأنه اتعود أن مفيش لقمة بتيجي سالكة كده .. راح أحمد زكي باصصلي وقايلي : (شوف خايف ازاي حتى والأكل جايله مخصوص مش سرقة .. صعب انك تخلي حد يطمن بعد ما عاش طول حياته في خطر .. اللي بينكسر مننا وبيتخان مبيصدقش أن ممكن حد يحافظ عليه تاني .. وبيعيش حياته بيتلفت وراه كده .. لو الناس تعرف الأذى اللي بتسببه للحيوانات والبشر هيعرفوا أنه مبيتنسيش مهما طال الزمن وهنعيش مروشيين بسببهم)".
وتابع مجدي: "أحمد ذكي بيحكي عن الخوف والرعب ..والإرهاب النفسي اللي ممكن تعمله الناس في الحيوانات وفي بعضها الضرب والإهانة والمهانة والترهيب والتعذيب".
"الله عليك يافخر المهنة والبشرية.. نهاركم جميل".

View this post on Instagram

صباح الخير عليكم 🌹 عايز اكلمكم النهارده عن هذا البطل .. الفتي الأسمر #احمد_ذكي ❤️رحمة الله عليه #إبراهيم_نصر بيحكي وبيقول كنت قاعد مستني أحمد زكي في مكان ما بسيط كده بشرب شاي .. جه في ميعاده ولقيته بيقولي هروح أستلم جايزتي عن فيلم أنا لا أكذب ولكني أتجمل في السريع كده وارجع بسرعة خليك قاعد بيقول راح وجه متأخرش وراجع بتاكسي ومطلع إيده من التاكسي وعمال يقولي الجايزة اهي .. وكأنه بيقولي هي دي بقى البتاعة اللي الكل بيجري عليها .. هو ماكنش بيهمه الجوايز لدرجة إنه نسي شهادة التقدير في التاكسي والسواق قعد يقوله الورقة يا أستاذ نسيت الورقة المهم .. قالي أنا جعان تعالى أنا عازمك على كباب وكفتة .. ولأنه كان راجل بسيط جدا رحنا لمحل كده هو كان بيحبه كانت قعدته على الرصيف .. بدأ يتحطلنا الأكل .. وعلى ريحة الأكل إتجمع كلاب الشارع .. كلب ورا كلب ورا كلب .. أول ما صاحب المحل شاف المنظر جري ناحية الكلاب ومسك كلب وقعد يضرب فيه برجله .. أحمد زكي قام وراح حايشه ومنعه ومزعقله وقاله إنت بتضربه ليه .. جعان يا أخي ذنبه إيه .. إرحم يا أخي .. وراح قايله خش هاتله كيلو كباب وكفتة واعمله هنا على الرصيف سرفيس كامل وشوكة وسكينة وسلطات وكل حاجة كإنك بتنزل لزبون بيقول وفعلا الراجل دخل وجاب الكباب والكفتة .. وفرش للكلب على الأرض ..وكل شوية أحمد زكي ينده عليه ويقوله هاتله سلطة .. هاتله مخلل .. هاتله عيش .. وكأنه عاوز يبسطه وينسيه تعب الضرب والأهانة بيقول الغريب إن #الكلب كان بياكل وهو خايف وعمال يبص وراه .. لانه اتعود ان مفيش لقمة بتيجي سالكة كده .. راح أحمد زكي باصصلي وقايلي : شوف خايف ازاي حتى والأكل جايله مخصوص مش سرقة .. صعب انك تخلي حد يطمن بعد ما عاش طول حياته في خطر .. اللي بينكسر مننا وبيتخان مبيصدقش ان ممكن حد يحافظ عليه تاني .. وبيعيش حياته بيتلفت وراه كده .. لو الناس تعرف الأذى اللي بتسببه للحيوانات والبشر هيعرفوا انه مبيتنسيش مهما طال الزمن وهنعيش مروشيين بسببهم #احمد_ذكي بيحكي عن الخوف والرعب ..والإرهاب النفسي اللي ممكن تعمله الناس في الحيوانات وفي بعضها الضرب والإهانة والمهانة والترهيب والتعذيب الله عليك #يافخر_المهنة_والبشرية 🙏👏❤️ نهاركم جميل❤️

A post shared by Magdy Elhawary (@magdyalhawary) on Oct 27, 2019 at 3:30am PDT

يذكر أن الفنان أحمد زكي رحل عن عالمنا في 27 مارس عام 2005 بعد صراع طويل مع المرض، وكانت آخر أعماله السينمائية فيلم "حليم"، الذى كان يرصد السيرة الذاتية لعبد الحليم حافظ، وتوفى أثناء تصويره.

اقرا أيضا

بالفيديو- انفعال رانيا يوسف بعد سؤالها عن نادية الجندي

أحمد فهمي لهنا الزاهد: بتحبني أكتر منك