تعرضت الفنانة سارة نخلة لأزمة صحية أمس، نقلت على إثرها للمستشفى لتلقي العلاج، بسبب "قرصة نملة".
نشرت سارة عبر حسابها على Instagram صورة لها من داخل المستشفى، كشفت من خلالها أنها توجهت للمستشفى بسبب تعرضها للدغة نملة، أدت لحدوث التهابات عديدة، كاتبة: "دي كانت ليلتي في المستشفى بعد ما روحت البيت بعدين حسيت بوجع رهيب روحت المستشفى وعملت نقدر نقول نصف عمليه عشان التخدير كان موضعي عشان مش عارفة استحمل الألم".
أضافت: "غير إن أنا كان عندي برد أصلا وبقالي أربع ايام مش باكل كويس ومش بنام كويس وكل شوية بدوخ بس السبب اللي دخلني المستشفى بالليل وبكل بساطة هو نملة، صدقوني نملة ... تخيلوا لما تبقوا طول الوقت بتحاولوا تبقوا أقوى وكويسين وتيجوا على نفسكوا وفي الآخر نملة تدخلكو العمليات".
تابعت: "ببساطة نملة قرصتني عملت التهاب بعدين خراج وكل دا أنا فاكرة انها ناموسة عادية عشان أنا جسمي حساس جدا بس وصلت لدرجة بالليل إني مش عارفة اقعد دقيقة من الوجع والسخونية والدوخة ودخلت الطوارئ على طول والدكتور فتح الخراج طبعا كنت بموت من الوجع بس الحمدلله عدت على خير".
واختتمت نخلة حديثها كاتبة: "الحمدلله على كل حال وأنا في بيتي دلوقتي بس يارب ابقى احسن والجرح يلم بسرعة عشان اقدر أوقف تاني".
يشار إلى أن سارة نخلة عرض لها مؤخرا حكاية "كله بالحب" من مسلسل "نصيبي وقسمتك 3"، بطولة شريف سلامة وإيمان العاصي وأيمن عزب وهاجر أحمد ومحمد عبد المعطي ونور قطامش وإبراهيم ظريف وأحمد هلال ومصطفى درويش تأليف عمرو محمود يس إخراج محمد جمعة وإنتاج شركة سينرجي وأحمد عبد العاطي.
اقرأ أيضا:
هل ترضي تموتي بالفستان ده؟.. سارة نخلة ترد على المنتقدين
والدة أحمد عبد الله محمود تعرض منزلها للبيع لسداد ديونه لسارة نخلة