هنا الزاهد ناعية طلعت زكريا: معرفتش كلمة بابا غير وأنا معاك

نهال ناصر | فى حياة المشاهير

هنا الزاهد وطلعت زكريا

الأربعاء , 9 أكتوبر 2019 - 02:26 | اخر تحديث: الأربعاء , 9 أكتوبر 2019 - 02:26

بكلمات حزينة نعت الفنانة هنا الزاهد الفنان الراحل طلعت زكريا، طليق والدتها.

صورة وفيديو- آخر ظهور لطلعت زكريا في حفل زفاف هنا الزاهد

نشرت هنا عبر حسابها على Instagramآخر صورة جمعتها بطلعت زكريا، كانت التقطت في كتب كتابها على الفنان أحمد فهمي، وكتبت معبره عن حبها الكبير له ومؤكدة أنه كان بمثابة والدها، فهو من قام بتربيتها.

الموت يخطف طلعت زكريا قبل تصوير فيلمه الجديد بأيام

قالت هنا: "دي آخر صورة اتصورتها في كتب كتابي مع أبويا وحبيبي وسندي اللي كبرت معاه سنين. أنا فتحة الصورة دي من بدري وعايزة أقولك أنك ربنا هيدخلك الجنة يا أطيب خلق الله أنت ربيت ٣ بنات وكأنك أبوهم أكتر".

الدويتوهات الأشهر في مشوار طلعت زكريا

تابعت: "أنا عايزة أقولك أني معرفتش كلمة بابا غير وأنا معاك. عمري مقولت أصلا تقريبا بابا غير ليك. كنت بجري عليك أول معمل حاجة غلط عشان تدافع عني قدام ماما. فاكرة أول بيض أومليت وقولتلي أعملي مطعم "بالهنا و الشفاه" وأديتني ١٠٠ جنيه عشان تشجعني أطبخ. كنت دايما تقولي أنت هتبقى حاجة كبيرة وكنت بتشجعني. كنت فخور بيا لما اتخرجت وعيط اليوم ده".

اختتمت كلامها: "أنا عمري محسيت أنك مش أبويا اللي مخلفني. أنا مش مصدقة أني مش هشوفك تاني وأقولك زازي يا زازي.. نفسي ترجع وأقولك قد إيه أحنا بنحبك كلنا وأقولك أنك أعظم ممثل. أنا بحبك أوي ومكنتش أعرف أني بحبك أوي كده. هتوحشني يا أحن إنسان عرفته في حياتي. أرجو الدعاء".

View this post on Instagram

دي اخر صورة اتصورتها في كتب كتابي مع ابويا و حبيبي و سندي اللي كبرت معاه سنين. انا فتحة الصورة دي من بدري و عايزة اقولك انك ربنا هيدخلك الجنة يا اطيب خلق الله انت ربيت ٣ بنات و كأنك ابوهم و اكتر. انا عايزة اقولك اني معرفتش كلمة بابا غير و انا معاك. عمري مقولت اصلا تقريبا بابا غير ليك. كنت بجري عليك اول معمل حاجة غلط عشان تدافع عني قدام ماما. فكرة اول بيض اوملين و قولتلي اعملي مطعم " بالهنا و الشفاه" و اديتني ١٠٠ جنيه عشان تشجعني اطبخ. كنت دايما تقولي انت هتبقى حاجة كبيرة و كنت بتشجعني. كنت فخور بيا لما اتخرجت و عيط اليوم ده. انا عمري محسيت انك مش ابويا اللي مخلفني. انا مش مصدقة اني مش هشوفك تاني و اقولك زازي يا زازي.. نفسي ترجع و اقولك قد ايه احنا بنحبك كلنا و ا قولك انك اعظم ممثل. انا بحبك اوي و مكنتش اعرف اني بحبك اوي كده. هتوحشني يا احن انسان عرفته في حياتي. ارجو الدعاء

A post shared by هنا الزاهد (@hannahelzahed) on Oct 8, 2019 at 5:00pm PDT

ورحل طلعت زكريا عن عالمنا أمس، الثلاثاء 8 أكتوبر عن عمر 58 عاما، بعد صراع مع المرض.

طلعت زكريا... خطفه الفن من الشرطة وأنقذه المرض من الغرور

تقام جنازة الفنان الراحل طلعت زكريا اليوم الأربعاء، من مسجد "العمري" في حي العطارين من مدينة الإسكندرية.

اقرأ أيضا:

تعرف على موعد جنازة طلعت زكريا

طلعت زكريا ... 11 وجها تضحك بمجرد رؤيتها