خاص ردود أفعال الفنانين على أزمة محمد صلاح

إيمان مندور | فى حياة المشاهير

تفاعل النجوم مع أزمة صلاح

الأربعاء , 25 سبتمبر 2019 - 11:47 | اخر تحديث: الأربعاء , 25 سبتمبر 2019 - 11:47

جدل كبير أثير على مواقع التواصل الاجتماعي بسبب قيام اللاعب محمد صلاح المحترف في صفوف فريق ليفربول الإنجليزي بتعديل معلوماته الشخصية على حسابه في Twitter، وحذف ما يشير إلى وجوده في المنتخب.

تزامنت خطوة صلاح مع نشر الاتحاد الدولي لكرة القدم نتائج التصويت الخاصة بأفضل لاعب في العالم لعام 2019، وظهر فيها عدم تصويت ممثلي مصر له. (لمزيد من التفاصيل)

تفاعل عدد من المشاهير مع الأزمة وأعلنوا دعمهم لصلاح، وانتقادهم للاتحاد المصري لكرة القدم بسبب ما حدث.. نستعرض أبرز تعليقاتهم فيما يلي:

أحمد السعدني

انتقد الفنان أحمد السعدني ما حدث لمحمد صلاح كاتبًا عبر حسابه على Twitter: موضوع صلاح ده بجد محبط ومقرف سواء حدث عن طريق السهو أو متعمد زي ما قال الأخ دانيال ده مش مجبر اختار صلاح لأ حضرتك احنا اللي مش مجبرين إنك تمثلنا اصلاً جتها نيله اللي عايزه خلف.. كلمة أخيره لصلاح اسم بلدك لازم يرجع ينور التويتر بتاعك تاني".

موضوع صلاح ده بجد محبط و مؤرف سواء حدث عن طريق السهو او متعمد زي ما قال الاخ دانيال ده مش مجبر اختار صلاح لأ حضرتك احنا اللي مش مجبرين انك تمثلنا اصلاً جتها نيله اللي عايزه خلف
كلمه اخيره لصلاح اسم بلدك لازم يرجع ينور التويتر بتاعك تاني ❤️@MoSalah

— Ahmed L Saadany (@AhmedLSaadany) September 25, 2019

حسن الرداد

هاجم الفنان حسن الرداد الممثل الإعلامي لمصر في التصويت للجائزة والذي لم يعطي صوته لصلاح، كاتبًا عبر حسابه على Twitter: "في صحفي كدة ماعرفش حاجة عنه ومش عايز اعرف، كان بيصوت فى جائزة #the_best، وحضرته اختار مانيه ثم رونالدو وأخيرا محمد صلاح، عايز اعرف أنت مصري ازاى عشان ماتختارش ابن بلدك اللى هو مكسر الدنيا، ده مصرى زيه زيك يا جهبز، مش عارف دى نفسنه ولا ايه. ماتزعلش يا صلاح".

@MoSalah فى صحفي كدة ماعرفش حاجة عنه و مش عايز اعرف، كان بيصوت فى جائزة #the_best ، و حضرته اختار مانيه ثم رونالدو و اخيرا #محمد_صلاح، عايز اعرف انت مصرى ازاى عشان ماتختارش ابن بلدك اللى هو مكسر الدنيا، ده مصرى زيه زيك يا جهبز،مش عارف دى #نفسنه ولا ايه.#ماتزعلش_يا_صلاح

— hassan elraddad (@hassanelraddad) September 25, 2019

نبيل الحلفاوي

الفنان نبيل الحلفاوي برر رد فعل صلاح في التعبير عن ضيقه، كاتبًا عبر Twitter: "محمد صلاح معذورفي التعبيرعن ضيقه بحذفه لصفته كلاعب في المنتخب من الBio.. وإن كنت أرى أن Bio أي لاعب يكفي فيه الإشارة لناديه لأنها الصفة الأكيدة إلى حين الانتقال لناد آخر. أما كونه في المنتخب فهو احتمال إلى أن ترسل قائمة المنتخب رسميا.. صلاح معذورلأن عدم إرسال التصويت هو قطعا مقصود".

#محمدصلاح معذورفي التعبيرعن ضيقه بحذفه لصفته كلاعب في المنتخب من الBio.
(وإن كنت أرى أن Bio أي لاعب يكفي فيه الإشارة لناديه لأنها الصفة الأكيدة إلى حين الانتقال لناد آخر. أما كونه في المنتخب فهو احتمال إلى أن ترسل قائمةالمنتخب رسميا)
صلاح معذورلأن عدم إرسال التصويت هو قطعا مقصود.

— نبيل الحلفاوي (@nabilelhalfawy) September 24, 2019

رامي جمال

دعم الفنان رامي جمال اللاعب محمد صلاح، مبررًا حقه في الغضب لما تعرض له، كاتبًا: "أنت الفخر وأنت معنى الطموح وأنت الأمل موصلتش غير بمجهودك محدش دعمك غير أهلك ورغم كده وصلت ما شاء الله قلوب كتير من العالم بقت معاك وأغلب المصريين معاك اعمل لنفسك ولبلدك ومتستناش رد.. العشم بيزعل وحقك تزعل بس مفيش وقت غير للنجاح ربنا معاك".

@MoSalah انت الفخر وانت معني الطموح وانت الأمل موصلتش غير بمجهودك محدش دعمك غير اهلك ورغم كده وصلت ما شاء الله قلوب كتير من العالم بقت معاك واغلب المصريين معاك اعمل لنفسك ولبلدك ومتستناش رد ..العشم بيزعل وحقك تزعل بس مفيش وقت غير للنجاح ربنا معاك pic.twitter.com/m7yQt0jPEt

— Ramy Gamal (@RamyGamal) September 25, 2019

مصطفى بسيط

كتب الفنان مصطفى بسيط عبر حسابه على Twitter: "إن لاعب مصرى يوصل للعالمية دى حاجه مش هتحصل غير كل ١٠٠ سنه يقوم سعتك بغرورك وحقدك ونفسنتك ما تصوتش لابن بلدك؟!؟ الموضوع ده بجد محتاج تحقيق حصل كده ليه و لمصلحه مين؟ هما بجد الناس دى؟! محمد صلاح حقه يزعل وبلاش مقارنه بين صلاح وتريكه اتحاد فاشل وناس فشله وحقد فى كل مكان".

ان لاعب مصرى يوصل للعالميه دى حاجه مش هتحصل غير كل ١٠٠ سنه يقوم سعتك بغرورك و حقدك و نفسنتك ما تصوتش لابن بلدك؟!؟ الموضوع ده بجد محتاج تحقيق حصل كده ليه و لمصلحه مين؟!🤔 هما بجد الناس دى؟! #محمد_صلاح حقه يزعل و بلاش مقارنه بين صلاح و #تريكه ❤️ اتحاد فاشل وناس فشله وحقد فى كل مكان

— Mostafa Baseet (@MostafaBaseet) September 24, 2019

اقرأ أيضا:

شريهان عن محمد صلاح: حاجة تشرف

لماذا شبّهت أصالة نفسها بمحمد صلاح؟