تفاصيل رحلة باسل الزارو للعاصمة السورية

ولاء مطاوع | فى حياة المشاهير

باسل الزارو

الثلاثاء , 20 أغسطس 2019 - 22:08 | اخر تحديث: الثلاثاء , 20 أغسطس 2019 - 22:08

تحدث الفنان باسل الزارو عن تفاصيل رحلته للعاصمة السورية دمشق، عقب انتهاء سلسلة رحلاته التي ‏تضمنت الأردن وبيروت ومناطق مصرية، إلى جانب 17 بلد أوروبية.‏

نشر باسل الزارو عبر حسابه الشخصي على Instagram، مجموعة من الصور التقطت أثناء زيارته الأخيرة ‏لسوريا، التي زارها بعد تردد خوفًا مما تذكره وسائل الإعلام المختلفة عمّا يحدث هناك، وقال باسل معلقًا على ‏رحلته: "‏لما شاركت خططي علي السوشيال ميديا لقيت في رسائل كتيرة قوي من سوريا باعتينلي‎، إنت ليه مبتجيش ‏سوريا! هو إنت خايف تيجي؟؟ ففكرت بيني و بين نفسي، أيوه بصراحة أنا خايف! هو أنا مش المفروض ‏أخاف يعني باللي بيحصل فيها! بس جه في راسي وقت الثورة وما بعد الثورة في مصر لما كانت الدنيا أمان ‏قوي بس الميديا دايما مطلعة إنه خطر أي حد يزور مصر و ده كله كان كذب! والسياحة اتضربت و اتبهدلنا"‏

تابع: "فقمت مكلم صحابي السوريين و سألتهم، أخبار الدنيا عندكم إيه؟ كله قال نفس الكلام، الدنيا أمان وعايشيين حياتنا عادي وكل اللي بتسمعه دي إشاعات و كذب، وقعدوا يعزموا عليا إني أجي وفجأه بقى ‏عندي مليون بيت مفتوحلي في سوريا، بعدها بكام ساعة كلمني ماجد عجلاني مذيع في راديو ميلودي إف إم ‏‏-شاب محترم ولطيف جدا وبيعشق شغله- قالي إحنا سمعنا إنك بتفكر تيجي، إحنا عازمينك من أول ما ‏تتحرك من بيروت لحد ما نرجعك تاني، وكمان هنفسحك".‏

استطرد الزارو: "فقولت يلا بينا العمر واحد والرب واحد‎ بس الحقيقة واللي شفته و اللي مكنتش متوقعه، إنه بجد سوريا حلوة قوي و ناسها مفيش أطيب منهم وفيها ‏تاريخ كبير وعريق وجميل، وشبه مصر جدا بشوارعها، بحواريها ومناطقها الشعبية اللي بجد تفتح ‏النفس، ورغم كل الظروف الصعبة اللي عدوا و بيعدوا بيها لسه الضحكة علي وشوشهم و لسه كرمهم ‏مغرق ضيوفهم".‏

اختتم باسل الزارو: "شكرا سوريا شكرا لشعب سوريا الجميل وربنا يفتحها في وشكم ويباركلكم، من الآخر، ‏سوريا أمان و ناسها جدعان
و لو بتفكر تزورها، جمد قلبك و اتكل علي الله‎ ‎ده رأيي الشخصي".‏

View this post on Instagram

بعد ما سافرت ١٧ بلد في اوروبا من بعد رمضان و اتبسط جدا .. حسيت انو ليه ما أزورش كام بلد عربي كده و اتفسح و اتفرج علي بلادنا الحلوه و اشوف الناس الاصيله .. فقررت اني ارجع علي مصر 🇪🇬، علي الساحل الشمالي و القاهرة.. و بعديها قلت طب ما اعدي علي بلدي التاني الأردن اشوف اهلي و اصحابي و بعديها قلت طب ما لبنان قريبه من الأردن! اعدي كده اصبح علي اللبنانيين 🇱🇧 و اقضي معاهم اسبوع . لما شاركت خططي علي السوشيال ميديا لقيت في رسائل كتيره قوي من سوريا باعتينلي 🇸🇾، انت ليه مابتجيش سوريا ! هو انت خايف تيجي ؟؟ ففكرت بيني و بين نفسي .. ايوه بصراحه انا خايف ! هو انا مش المفروض اخاف يعني باللي بيحصل فيها ! بس جه في راسي وقت الثورة و ما بعد الثورة في مصر لما كانت الدنيا أمان قوي بس الميديا دايما مطلعه انو خطر اي حد يزور مصر و ده كله كان كذب ! و السياحه اضربت و اتبهدلنا . فقمت مكلم صحابي السوريين و سألتهم.. اخبار الدنيا عندكم ايه ؟ كله قال نفس الكلام .. الدنيا أمان و عايشيين حياتنا عادي و كل اللي بتسمعه دي إشاعات و كذب .. و قعدوا يعزموا عليا اني اجي و فجأه بقي عندي مليون بيت مفتوحلي في سوريا 🙏🏼 بعدها بكام ساعه كلمني ماجد عجلاني مذيع في راديو ميلودي ف م (شاب محترم و لطيف جدا و بيعشق شغله) ... قالي احنا سمعنا انك بتفكر تيجي .. احنا عازمينك من اول ما تتحرك من بيروت لحد ما نرجعك تاني ... و كمان هنفسحك 😁😁😁 فقلت يلا بينا .. العمر واحد والرب واحد 😂🙌🏼 بس الحقيقيه واللي شفته و اللي مكنتش متوقعه .. انو بجد سوريا حلوه قوي و ناسها مفيش اطيب منهم و فيها تاريخ كبير و عريق و جميل .. و شبه مصر جدا و بشوارعها ، بحواريها و مناطقها الشعبيه اللي بجد تفتح النفس .. و رغم كل الظروف الصعبه اللي عدوا و بيعدوا بيها لسه الضحكه علي وشوشهم و لسه كرمهم مغرق ضيوفهم ❤ شكرا سوريا 🇸🇾❤ شكرا لشعب سوريا الجميل 🙏🏼 و ربنا يفتحها في وشكم و يباركلكم 🙏🏼 من الاخر .. سوريا أمان و ناسها جدعان ❤ و لو بتفكر تزورها .. جمد قلبك و اتكل علي الله 😘 ده رأيي الشخصي 😘 شكرا #ماجد_عجلاني و #ميلودي_فم 😁 @majedajlany @melodyfmsyria . . #سوريا #دمشق #باسل_الزارو #syria #Damascus #safe #basselalzaro #bassel_alzaro #summer #summer2019 #syriaissafe

A post shared by Bassel Alzaro باسل الزارو (@basselalzaro) on Aug 20, 2019 at 12:51pm PDT

جدير بالذكر أن آخر عمل درامي لباسل الزارو، كان عبر مشاركته في مسلسل "الحرملك"، الذي عرض ‏خلال شهر رمضان الماضي، مع مجموعة من نجوم الوطن العربي منهم درة وجمال سليمان وباسل خياط ‏وسلافة معمار وباسم ياخور وسامر المصري، ومن تأليف سليمان عبدالعزيز، إخراج تامر إسحاق‎.‎

‎‎

اقرأ أيضًا:

باسل الزارو يقنع متابعة بالموافقة على عريس

بالفيديو- باسل الزارو يتحدث عن علاقته بمريم أوزرلي لأول مرة.. هذه رسالته لها