بهذا المشهد.. عمرو سعد يستعيد ذكريات تصوير "دكان شحاتة"‏

ولاء مطاوع | فى سينما وتلفزيون

عمرو سعد

الأحد , 18 أغسطس 2019 - 16:08 | اخر تحديث: الأحد , 18 أغسطس 2019 - 16:08

استعاد الفنان عمرو سعد ذكريات تصوير فيلم "دكان شحاتة" بمشهد من المشاهد التي تطلبت تركيزًا عاليًا منه.‏

نشر عمرو سعد عبر حسابه الشخصي على Instagram، صورة من مشهد خروج شحاتة من السجن، وزيارته للدكان القديم المغلق، ‏وكتب معلقًا: "يومها طلبت من المخرج إني أركز لوحدي تمامًا، وهو في نفس الوقت بدأ يحضر المشهد وطلب من الجميع ‏الهدوء، أخدت ساعة تقريبًا لغاية ما هزيت راسي إني جاهز واتحركت ناحية مكان التصوير وفجأة وأنا في الطريق شوفت الدكان ‏المقفول لقيت نفسي بتحرك زي المسحور ناحيته المخرج خالد يوسف فهم بسرعة إن في حاجة هاتحصل وقرب ناحيتي وبص بهدوء ‏وقال لي عاوز إيه؟!".‏

تابع عمرو سعد: "شاورت على الدكان المقفول ورغم إنه كان جاهز لمشهد في مكان تاني إلا إنه جري بسرعة وحرك كل اللوكيشن ‏والإضاءة ناحيتي، وصرخ للكاميرا تدور بسرعة وصور فعلا المشهد ده، النهاردة عدى عشر سنين علي اليوم ده وطول الوقت الناس ‏بتفكرني بالمشهد ده وكأنه خرج من ذاكرتي لذاكرتهم هما وهو ده اللي طول الوقت بتمناه".‏

اختتم عمرو سعد قائلًا: "بدعي ربنا إني أعمل حاجة تعيش ويفتكرها الناس بعد ما أكون مشيت أو توصل بصدق، دعواتكم إني ‏أعرف أعمل ده والمشاهد اللي تعبت فيها، تكون جزء من الذاكرة مش تبقي لحظة وخلاص".‏

View this post on Instagram

يومها طلبت من المخرج اني اركز لوحدي تماما وهو في نفس الوقت بدأ يحضر المشهد وطلب من الجميع الهدوء .. اخدت ساعة تقريبا لغاية ما هزيت راسي اني جاهز واتحركت ناحية مكان التصوير وفجأة وانا في الطريق شوفت الدكان المقفول لقيت نفسي باتحرك زي المسحور ناحيتة المخرج خالد يوسف فهم بسرعة ان في حاجة هاتحصل وقرب ناحيتي وبص بهدوء وقاللي عاوز ايه؟!.. شاورت علي الدكان المقفول ورغم انه كان جاهز لمشهد في مكان تاني الا انه جري بسرعة وحرك كل اللوكيشن والإضاءة ناحيتي وصرخ للكاميرا تدور بسرعة وصور فعلا المشهد ده النهاردة عدي عشر سنين علي اليوم ده وطول الوقت الناس بتفكرني بالمشهد ده وكأنه خرج من ذاكرتي لذاكرتهم هما وهو ده اللي طول الوقت باتمناه وبادعي ربنا اني اعمل حاجة تعيش ويفتكرها الناس بعد ما أكون مشيت او توصل بصدق ...، دعواتكم اني اعرف اعمل ده والمشاهد اللي تعبت فيها. تكون جزء من الذاكرة مش تبقي لحظة وخلاص #دكان_شحاته

A post shared by Amr Saad (@amrsaad.official) on Aug 18, 2019 at 6:46am PDT

‎‎

اقرأ أيضًا:

بالفيديو- عمرو سعد يستعرض جمهور فيلمه "حملة فرعون": "دي الحقيقة"

نصيحة روجينا لتحقيق الأحلام