شذى تكشف تفاصيل مرض هيثم شاكر: لا يستطيع الأكل

نهال ناصر | فى حياة المشاهير

هيثم شاكر وشذى

الجمعة , 16 أغسطس 2019 - 16:07 | اخر تحديث: الجمعة , 16 أغسطس 2019 - 17:24

فوجئ جمهور الفنان هيثم شاكر أمس بكشفه عن مروره بأزمة صحية خلال الفترة الماضية، وإصابته بمرض خبيث وتعافيه منه.

هيثم شاكر يكشف إصابته بمرض خبيث

لم يكشف شاكر عن تفاصيل مرضه، واكتفى بإعلان أن هذا كان سبب غيابه لفترة طويلة عن الساحة الفنية.

لكن صديقته المطربة شذى قررت الحديث عن الأمر، ونشرت صورتها مع شاكر عبر حسابها على Instagram وكتبت أن عدد كبير من أصدقائها يلومنها لأنها لم تخبرهم بمرض هيثم شاكر، موضحه أنه كان يعاني لفترة طويلة ولا زال، إذ لا يستطيع الأكل بشكل طبيعي.

"من امبارح بيجيلي تليفونات اللي زعلانين مني علشان أنا من أصحاب هيثم القريبين وكنت عارفه ومقولتش على مرضه واللي أصلا بيشكك أن هيثم كان تعبان عموما علشان مش هينفع أرد على كل المكالمات هيثم كان فعلا مريض بمرض خطير ربنا يبعد كل شر عن أي حد يا رب والحمدلله هو تعافى بس هو لسه في حاجات كتير محروم منها و أهمها حاجه أساسية لأي كائن حي وهي نعمة الأكل هيثم لحد دلوقتي وهيفضل كده ميقدرش ياكل بشكل طبيعي وده سبب اختفاءه كل الفتره دي".

تابعت: و( توضيح ) وسبب أن هو فقد كتير جدا من وزنه عموما محدش بيسيب نجاحه بمزاجه ويختفي ومش معنى أن أي حد بينزل صور ولا بيبين أنه مبسوط أن دي بتكون الحقيقة كل واحد عندوا حته مستخبيه محدش عارف عنها حاجه أنا كتبت كده علشان محدش يلومني ليه مكنتش بقول وعموما برضوا هيثم هو اللي مكنش حابب حد يعرف حاجة عن كل معاناته دي علشان أصحاب النفوس المريضة ميفهموش أن هو بيعمل أي حوارات علشان يبرر بيها غيابه ولما قرر يعرف جمهوره وأصحابه عرفهم وهو منور وفرحان بنجاح ألبومه اللي في وسط كل ده كان مهتم برضوا مينزلش بأي حاجه وكان عندوا إصرار يعمل ألبوم محترم مبروووك يا هيثوم وحمدلله على سلامتك وأفرح بتعبك في ألبومك وبالناس اللي بتحبك".

View this post on Instagram

#shaza#shazaofficial #shazaofficialshaza #شذى# @haythamshakerofficial #من امبارح بيجيلي تليفونات اللي زعلانين مني علشان انا من اصحاب هيثم القريبين و كنت عارفه و مقولتش على مرضه و اللي اصلا بيشكك ان هيثم كان تعبان #عموما علشان مش هينفع ارد على كل المكالمات #هيثم كان فعلا مريض بمرض خطير ربنا يبعد كل شر عن اي حد يا رب و الحمدلله هو تعافى بس هو لسه في حاجات كتير محروم منها و أهمها حاجه أساسيه لأي كائن حي و هي نعمه الأكل هيثم لحد دلوقتي و هيفضل كده ميقدرش ياكل بشكل طبيعي و ده سبب اختفاءه كل الفتره دي و ( توضيح ) و سبب ان هو فقد كتير جدا من وزنه #عموما محدش بيسيب نجاحه بمزاجه و يختفي و مش معنى ان اي حد بينزل صور و لا بيبين انه مبسوط ان دي بتكون الحقيقه #كل واحد عندوا حته مستخبيه محدش عارف عنها حاجه # انا كتبت كده علشان محدش يلومني ليه مكنتش بقول و عموما برضوا هيثم هو اللي مكنش حابب حد يعرف حاجه عن كل معاناته دي علشان اصحاب النفوس المريضه ميفهموش ان هو بيعمل اي حوارات علشان يبرر بيها غيابه و لما قرر يعرف جمهوره و اصحابه عرفهم و هو منور و فرحان بنجاح ألبومه اللي في وسط كل ده كان مهتم برضوا مينزلش بأي حاجه و كان عندوا اصرار يعمل البوم محترم #مبروووك يا هيثوم و حمدلله على سلامتك # و افرح بتعبك في ألبومك و بالناس اللي بتحبك #معرفه_قديمه #❤️😘😘#egypt

A post shared by SHAZA (@shazaofficialshaza) on Aug 16, 2019 at 6:48am PDT

يشار إلى أن هيثم شاكر طرح ألبومه الجديد "معرفة قديمة" منذ أيام وييضم 14 أغنية، كما طرح مؤخرا فيديو كليب أغنية "ماتوصونيش"، وهي كلمات أيمن بهجت قمر، وألحان عمرو ‏مصطفى، ‏وتوزيع شريف مكاوي، وإخراج المخرج اليوناني يانيس ديموليتساس‎.‎

اقرأ أيضا

هيثم شاكر يشكر جمهوره بعد طرح ألبومه ويعتذر

تعرف على سبب تأجيل ألبوم هيثم شاكر "معرفة قديمة"