إنجي وجدان للجمهور: والله ما دخلت الفن بالواسطة

هالة أبو شامة | فى حياة المشاهير

السبت , 27 يوليو 2019 - 19:19 | اخر تحديث: السبت , 27 يوليو 2019 - 19:19

أعربت الفنانة إنجي وجدان، عن استيائها الشديد، ممن يتهمونها بأنها دخلت إلى عالم الفن من خلال "الواسطة"، مؤكدة أنها من أسرة لا تنتمي بشكل أو بأخر إلى الوسط الفني.

نشرت "وجدان" عبر حسابها الشخصي على موقع twitter، عدة تدوينات كتبت فيها: "أرجع تاني أقول والله ما ليا واسطة مدخلاني الوسط الفني، أبويا وأمي دكاترة، وأصلا كانوا ضد الفكرة تماما، قرايبي كلهم بعيد عن الوسط، دخلت والحمد لله عملت شغل حلو، وجت فترة مش أحسن فترة واتبهدلت واتحاربت من كذا اتجاه، وكنت كل مرة أقول خلاص كفاية ربنا يبعتلي حاجة كويسة".

ارجع تاني اقول و الله ما ليا واسطة مدخلاني الوسط الفني... ابويا و امي دكاترة و اصلا كانوا ضد الفكرة تماما. قرايبي كلهم بعيد عن الوسط. دخلت و الحمدلله عملت شغل حلو. و جت فترة مش احسن فترة و اتبهدلت و اتحاربت من كذا اتجاه و كنت كل مرة اقول خلاص كفاية ربنا يبعتلي حاجة كويسة

— إنجي وجدان (@anouj7) July 27, 2019

تابعت: "عمري ما جيت على مبادئي ولا كرامتي علشان أشتغل، مش باخد ملايين برضه على فكرة والحمد لله أنا بعرف أعيش كويس سواء معايا ٥ جنيه أو ٥٠٠ جنيه في المحفظة، عمري ما كنت بشتغل علشان الشهرة والفلوس، لو كنت بشتغل لسبب منهم كان زماني في حتة تانية".

عمري ما جيت على مبادئي و لا كرامتي علشان اشتغل. مش باخد ملايين برضه على فكرة و الحمدلله انا بعرف اعيش كويس سواء معايا ٥ جنيه او ٥٠٠ جنيه في المحفظة. عمري مكنت بشتغل علشان الشهرة و الفلوس، لو كنت بشتغل لسبب منهم كان زماني في حتة تانية

— إنجي وجدان (@anouj7) July 27, 2019

أردفت: "بحب التمثيل بجد هو فعلا الحاجة الوحيدة إللي بتبسط وأنا بعملها، متعب وبيخلي الواحد بعيد عن عيلته لفترة طويلة، ولكن بصحى كل يوم عايزة أروح الشغل علشان بحب الشغل"، "عمري ما أذيت حد، ولا بحب أذي حد، يمكن يكون في شوية خلافات أو حصل شوية خلافات ما بيني وبعض الزملاء، لكن مبحبش أقعد أعمل منها حوارات وخناقات على السوشيال ميديا".

بحب التمثيل بجد هو فعلا الحاجة الوحيدة الي بتبسط و انا بعملها. متعب و بيخلي الواحد بعيد عن عيلته لفترة طويلة و لكن بصحي كل يوم عايزة اروح الشغل علشان بحب الشغل

— إنجي وجدان (@anouj7) July 27, 2019

عمري ما اذيت حد و لا بحب اذي حد. يمكن يكون في شوية خلافات او حصل شوية خلافات مابيني و بعض الزملا لكن مبحبش اقعد اعمل منها حوارات و خناقات على السوشيال ميديا.

— إنجي وجدان (@anouj7) July 27, 2019

أوضحت: "يمكن مشكلتي الكبرى إني صريحة بزيادة، ومش بعرف أنافق، وده ساعات بيسبب لي مشاكل من غير ما أخد بالي، لكن بجد لما مش بحب حد مش بعرف أبقى لذيذة، وبيبان عليا جدا و لما بيبقى حد من إللي المفروض أصدقائي وياخد رأي في حاجه هو عملها ومعجبتنيش بقول كده، ساعات بيتقبلوها وساعات لا".

وعن آخر أعمالها الفنية، كتبت: "الحمد لله طلعت روحي، أقدر أقول عليه إنه أكبر نجاح ليا وإنه هيفضل دايما في قلبي ليه مكانة خاصة، مبسوطة الحمد لله من رد الفعل في كل حته، سوشيال ميديا أو في الشارع، وحابة بجد أشكر كل إللي اشتغلوا على العمل ده لأنهم بجد كلهم كانوا حابينه جدا جدا"، وإن شاء الله العمل إللي جاي هيبقى حلو جدا إن شاء الله، الواحد بيحاول دايما يفضل متفائل علشان الحاجات الحلوة تحصل، وده أنا متاكدة منه إن شاء الله"، وعارفة إن اليومين دول يمكن يكون الدنيا مش ماشية بسرعة، ولكن زي ما بيقولوا في التأني السلامة وفي العجلة الندامة".

الحمد لله #طلعت_روحي اقدر اقول عليه انه اكبر نجاح ليا و انه هيفضل دايما في قلبي ليه مكانة خاصة . و مبسوطة الحمدلله من رد الفعل في كل حتة، سوشيال ميديا او في الشارع. و حابة بجد اشكر كل الي اشتغلوا على العمل ده لانهم بجد كلهم كانه حابينه جدا جدا

— إنجي وجدان (@anouj7) July 27, 2019

يشار إلى أن إنجي وجدان، قد شاركت مؤخرًا في بطولة مسلسل "طلعت روحي" الذي عُرض على شاشة cbc، والذي حققت من خلاله نجاحًا كبيرًا، وهو من بطولة نيقولا معوض وهبة عبد العزيز، وإسلام إبراهيم، وأحمد فريد، وميار الغيطي، وإنعام سالوسة، ومن تأليف السيناريست شريف بدر الدين، ووائل حمدي.

اقرأ أيضا:
إنجي وجدان تعترف: "فكرت أسيب التمثيل واشتغل بشهادتي"

صورة- هكذا تعاملت إنجي وجدان مع رسالة تنمر وصلتها