ريهام سعيد تهاجم محمود العسيلي: كرهتك

رحيم ترك | فى حياة المشاهير

ريهام سعيد ومحمود العسيلي

الأربعاء , 17 يوليو 2019 - 22:07 | اخر تحديث: الخميس , 18 يوليو 2019 - 02:07

رغم تضامن عدد من الفنانين مع المطرب محمود العسيلي في أزمته الأخيرة خاصة بعد اعتذاره، إلا أن المذيعة ريهام سعيد كان لها رأي آخر، وشنت هجوما شديداً عليه.

نشرت ريهام سعيد صورة لمحمود العسيلي من واقعة حفله الغنائي مع معجبه الذي رفض التقاط صورة معه، وقارنتها بصورة أخرى للمطربة الشهيرة أديل التي قبلت يد معجبة محجبة في حفلها عام 2017 بأستراليا.

وهاجمت ريهام سعيد المطرب محمود العسيلي، وأوضحت أنها كانت دائما تنتقده بسبب غروره غير المبرر على حد وصفها ولكنها الآن بعد واقعة احراجه لمعجبة أصبحت تكرهه.

وكتبت ريهام سعيد عبر حسابها على Instagram "كنت دايما لما بشوفك بنتقدك عشان غرورك غير المبرر بس دلوقتي كرهتك إالا كسر الخواطر. النجومية أخلاق".

View this post on Instagram

كنت دايما لما بشوفك بننتقدك عشان غرورك الغير مبرر بس دلوقتي كرهتك الا كسر الخواطر. النجوميه اخلاق .

A post shared by Reham Saeed (@rehamsaidofficial) on Jul 17, 2019 at 12:13pm PDT

يشار إلى أن محمود العسيلي تعرض لهجوم شديد بسبب موقفه من أحد المعجبين ورفضه التقاط صورة معه اثناء حفله الغنائي.

وكان العسيلي نشر علي حسابه بموقع Instagram اعتذارًا رسميًا للجمهور، عن تصرفاته تجاه هذا الشخص، كاتبًا: "أي فنان عارف إنه من غير جمهوره ولا حاجة وصفر عالشمال، وإن من تواضع لله رفعه.. بعتذر بشدة لكل الناس اللي اتضايقت من الفيديو اللي انتشر وبعترف إني كنت غير موفق تماماً في اختيار الألفاظ، ولكن الصورة والله ناقصة وكان كل نيتي عدم تمييز حد عن حد أثناء الحفلة. أنا اسف مرة تانية"

تابع: "النقطة التانية إني حاولت أقول للشخص اللي بكلمه إن ماينفعش عشان الناس دي كلها لازم تتصور ٣ مرات برا المايك، ولكن هو كان لحوح جدا وكان مصمم وكان صوته عالي جدا وبيزعق وأنا مش عارف اغني، فللأسف قلتله كدة بحسن نية وللأسف كل الكلام دة مش باين في الفيديو. اعتذار"

ريهام سعيد