23 تصريحا لـ فرح الزاهد في "من إمبارح للنهاردة": منة شلبي كتلة موهبة وهنا الزاهد "الجمال" وطلعت زكريا كان أبويا الثاني نفسي أقدم برنامج في الراديو

فى سينما وتلفزيون

حلت الفنانة فرح الزاهد ضيفة على برنامج "من امبارح للنهاردة" الذي تقدمه الإعلامية همسة إمام على محطة "ميجا إف إم" تحدثت فيها في العديد من الموضوعات.

الأحد , 16 نوفمبر 2025 - 11:06 | اخر تحديث: الأحد , 16 نوفمبر 2025 - 20:25

- ابتديت في مسلسل "الطاووس" والناس اتبسطت من دوري ومجهودي فيه.

اتدربت على الأدوار اللايت كوميدي، وكنت بستمتع بيهم بس ما كنتش بلاقي نفسي فيهم أوي، عشان كده لاقيت نفسي في دور سعاد في مسلسل "لينك"، وحبيت الأدوار الجادة أكتر.

"سعاد" كانت شخصية حقيقية جدا، ومسلسل "لينك" مستوحى من قصة حقيقية، وأنا شوفتها ولما جالي دورها حسيت بالمسئولية.

- شخصية "سعاد": في مسلسل "لينك" بتمثل ستات كتير جدا في الواقع.

- بشكر جدا مخرج مسلسل لينك لأنه آمن بيا وإداني ثقة كبيرة في نفسي، وسلط الضوء أكتر على الألم الداخلي اللي بتعيشه الست من العنف اللفظي.

- أحلى كلمة جاتلي من جمهوري: اللي بيطلع من القلب بيوصل للقلب .

- أي دور هيبجي ليا هيخوفني، عشان بحاول ما ينزلش عن مستوى أدواري خصوصا آخر دور.

- درست إعلام قسم إذاعة وتليفزيون، وبمثل عشان بحب اللي بعمله.

- من طفولتي كنت بحب أقلد الممثلين جدا، وبحب أدخل دايما في تحدي مع نفسي.

- ما كنتش عايزة حد يقارن بيني وبين أختي هنا الزاهد، وبحاول تكون ليا بصمة خاصة.

- الحلقة الأخيرة من مسلسل "لينك" هتتعرض آخر الأسبوع.

- كنت أحب اشترك في مسلسل "ريا وسكينة"، ولو هعمل بطولة تكون مع الفنان يحيي الفخراني، وبحب السينما جدا والأدوار التراجيدي.

- بحب من جيل الأبيض وأسود الفنان رشدي أباظة وعبد الحليم حافظ وسعاد حسني.

- بحب أعمال المخرج يوسف شاهين والفنان كريم عبد العزيز.

- الفنان طلعت زكريا كان أب تاني ليا، وبموت في إسعاد يونس لأنها أيقونة السعادة، وسيد رجب راجل حنين جدا.

- الفنانة منه شلبي عبارة عن كتلة موهبة، وهنا الزاهد هلخصها في كلمة واحدة وهي "الجمال"، ده غير إنها أكتر شخص بيضحكني.

- تعاملت مع المخرج محمد عبدالرحمن حماقي أول مرة في مسلسل "روج أسود"، وهو مسلسل تقيل ولسه ما اتعرضش، ودوري فيه تراجيدي وحبيته جدا، وكان اسمي فيه "حبيبة"، واستمتعت بيه جدا.

- اللي رشحني لمسلسل "روج أسود" المؤلف أيمن سليم.

- بحب جدا شغل المخرج كريم الشناوي، وحبيت جدا مسلسل "لام شمسية" لأنه جريء

- نفسي أكون على الشاشة صوت لمن لا صوت له، والفن رسالة ولازم يحقق تغيير في المجتمع.

- نفسي أعمل دور بشكل مكثف عن مرض الوسواس القهري، وعملت فيلم قصير عن المرض ده لكنه لسه ما اتعرضش.

- بحب من أفلام الأبيض والأسود فيلم "مراتي مدير عام" و"صغيرة على الحب" و"الزوجة الـ13".

- بعشق الراديو جدا، ونفسي أقدم برنامج من خلاله.

- ابتديت في مسلسل "الطاووس" والناس اتبسطت من دوري ومجهودي فيه.
- اتدربت على الأدوار اللايت كوميدي، وكنت بستمتع بيهم بس ما كنتش بلاقي نفسي فيهم أوي، عشان كده لاقيت نفسي في دور سعاد في مسلسل "لينك"، وحبيت الأدوار الجادة أكتر.
- "سعاد" كانت شخصية حقيقية جدا، ومسلسل "لينك" مستوحى من قصة حقيقية، وأنا شوفتها ولما جالي دورها حسيت بالمسئولية.
- شخصية "سعاد": في مسلسل "لينك" بتمثل ستات كتير جدا في الواقع.
- بشكر جدا مخرج مسلسل لينك لأنه آمن بيا وإداني ثقة كبيرة في نفسي، وسلط الضوء أكتر على الألم الداخلي اللي بتعيشه الست من العنف اللفظي.
- أحلى كلمة جاتلي من جمهوري: اللي بيطلع من القلب بيوصل للقلب.
- أي دور هيبجي ليا هيخوفني، عشان بحاول ما ينزلش عن مستوى أدواري خصوصا آخر دور.
- درست إعلام قسم إذاعة وتليفزيون، وبمثل عشان بحب اللي بعمله.