رديت بالدين على بنت عمرو دياب والوسط الفني بيكره المحجبات ومش هقارن حلا شيحة بالصحابة ومش لاقية راجل ارتبط بيه …حوار ساخن لـ عبير الشرقاوي في "تفاصيل"

فى حياة المشاهير

عبير الشرقاوي

الاثنين , 16 يونيو 2025 - 12:41 | اخر تحديث: الاثنين , 16 يونيو 2025 - 12:41

بداية شهرتي كانت في مسرحية "عطية الإرهابية" كنت بديلة للفنانة سهير البابلي، وكانت تجربة مرعبة لأن أنا كنت في الجامعة الأمريكية بدرس مسرح وتمثيل وكنت لسه متخرجتش، لقيت بابا بيقولي أنا محطوط في مأزق وانتي اللي هتحليه هتشتغلي بدل سهير البابلي في المسرحية افتتاح المسرحية كان بعد أيام قليلة، وكل فنانين مصر حضروا منهم عادل إمام وطلع على المسرح ومسك إيدي ورفعها لفوق عشان يدعمني ومش قادرة انسى الموضوع دا الفترة دي بهتم بابني وبقعد أسمع تفسير القرآن، واتفرج على مسلسلات الحياة عموما مش مريحة، ومن وقت الكورونا والمصايب نازلة على العالم، وربنا يرفع عنا، الحاجات دي بتخلينا نعيش في توتر دائم لو هنقارن ما بين أيام ما كنت بمثل ودلوقتي نفسيا أنا أهدى كتير وأحسن كتير مش سهل التمثيل بالحجاب، باستثناء الفنانة عفاف شعيب، وحتى هي في وقت بطلوها وقعدوها في البيت، وكمان منى عبد الغني عملت أدوار قليلة جدا كان في ناس عزيزة جدا على قلبي، أول ما عرفوا إني اتحجبت اتحولوا، في واحد شافني بصلي من فوق لتحت كده، رغم إنه مش متطرف، ولا حتى ملتزم أوي الوسط الفني بيكره المحجبات، ممكن يلبسوا الحجاب في مشهد عشان يمثلوا المجتمع، لكن إنك تفضلي محجبة بشكل حقيقي ده مش مقبول عندهم لو جالي دور بالحجاب وكان مناسب ممكن أوافق، معنديش مانع أنا مش شايفه أن الفن حرام بالعكس هو رسالته سامية وعظيمة، أنامش عايزة حد يمسك إيدي أو يحضني دا حرام بابا متكرمش زي ما يستحق، كان إنسان بيقول الحق من غير ما يخجل، وده مكنش بيخلي الناس تحبه لأن في ناس بتحب الحقيقة ناقصة وفيها مجاملات، لكن بابا كان مختلف بابا كان جيشي، كان بيحميني بطريقة مشوفتهاش في حد تاني، وفاكرة وأنا صغيرة كنت بتمشى وواحدة زعقتلي، روحتله وأنا بعيط، جابلي حقي في ساعتها بابا قسي عليا لما اتجوزت لأنه مكنش موافق على الجوازة، وأنا ما سمعتش كلامه، وفعلاً طلع عنده حق بنسبة 60%، لكن اللي زعلني إنه مخضش المشوار ده معايا حتى لو شايفني غلط، لكنه كان قاسي معايا في القرار ده والدي لم يتبرأ مني لما اتحجبت، لما اتنقبت دا اللي ضايقة هو مش بيحب النقاب مرتبط في ذهنة بالتطرف، هو زعل مني وساب البيت وساعتها أنا قلعت النقاب، لكن هو مكنش غضبان مني مش بفكر في الجوا.، البضاعة بايظة إلا من رحم ربي، الستات متربية وفيها جدعنة وإخلاص، ومش لاقيه راجل ارتبط بيه، الرجالة عندهم مشكلة كبيرة أنا متبرأتش من أعمال والدي، كل واحد مسئول عن أعماله هو عمل أعمال عظيمة وخالدة أنا عندي صفحة على فيسبوك وبحب اكتب آرائي لو شفت مسلسل بقول رأيي هكتب فين غير هناك، مش شايفة أن فيها عيب ببقى عايزة أشوف تعليقات الناس تردد حلا شيحة في لبس وخلع الحجاب عادي جدا، مش هقارن حلا بصحابة الرسول ولكن بفكر الناس أن في ناس من الصحابة ارتدوا عن الإسلام أصلا، الفتن اللي بتحصل في الحياة إحنا في زمن رهيب حلا شيحة لازم تبقى أقوى من كده خاصة أنها مشهورة والناس بتقلدها سواء في لبس أو خلع الحجاب، لكن الفتنة مش بعيدة عن حد لما اتكلمت عن نور عمرو دياب كان عشان هي أعلنت أنها هتروح تعيش مع خطيبها في بيته، وزي ما هي قالت في العلن الرد يكون في العلن يعني إيه يا حبيتي واحدة مصرية تروح تعيش في بيت خطيبها!؟، ردي كان رد ديني وكنت بعمل بيه وبقولها عيب وحرام علشان ربنا ميخسفش بينا الأرض لأن الساكت عن الحق شيطان أخرس

رغم غيابها عن الساحة الفنية لفترة طويلة عاد اسم الفنانة عبير الشرقاوي للتريند من جديد بسبب تصريحاتها عن سبب ابتعادها عن الفن وعلاقتها بوالدها الراحل الفنان جلال الشرقاوي.

وكان لعبير الشرقاوي مداخلة ببرنامج "تفاصيل" مع نهال طايل عبر قناة "صدى البلد" وتحدثت عن علاقتها بوالدها المخرج الراحل جلال الشرقاوي، مؤكدة أن والدها لم يكن شخصا قاسيا سوى لمرة واحدة فقط عندما رفض زواجها من طليقها، ولكنها تزوجته رغم رفضه الشديد له.

وقالت إن والدها كان مصدر الحماية والدعم في حياتها، قائلة: "بابا كان جيشي، كان بيحميني بطريقة مشوفتهاش في حد تاني، وفاكرة وأنا صغيرة كنت بتمشى وواحدة زعقتلي، روحتله وأنا بعيط، جابلي حقي في ساعتها".

وتطرقت عبير إلى خلافها مع والدها بسبب زواجها، قائلة: "بابا قسي عليا لما اتجوزت لأنه مكنش موافق على الجوازة، وأنا ما سمعتش كلامه، وفعلاً طلع عنده حق بنسبة 60%، لكن اللي زعلني إنه مخضش المشوار ده معايا حتى لو شايفني غلط، لكنه كان قاسي معايا في القرار ده".

وأشارت عبير الشرقاوي، أن والدها لم يتبرأ منها بسبب الحجاب حسبما قال البعض، بل كان راضيا عنها رغم رفضه الشديد للحجاب، لأنه كان يرى بأن النقاب تطرف، رغم أن هناك شخصيات منتقبة محترمة للغاية، لكن هذه الأقاويل غير صحيحة، ولم يكن والدي المخرج الراحل جلال الشرقاوي غاضباً مني.

المزيد من التصريحات في الألبوم.