عمرو دياب ومصطفى قمر وحماقي منهم ... مظاهرة حب ودعم لعمرو مصطفى من نجوم الموسيقى

فى حياة المشاهير

عمرو مصطفى وعمرو دياب ومحمد حماقي ومصطفى قمر

الثلاثاء , 25 فبراير 2025 - 21:13 | اخر تحديث: الثلاثاء , 25 فبراير 2025 - 21:13

نشر عمرو دياب صورة تجمعه بعمرو مصطفى، وكاتب: أخي عمرو مصطفى، ألف سلامة عليك، ودايمًا تفضل تمتع جمهورك بفنك وكتب مصطفى قمر معلقا على صورتهما: ألف حمد الله على سلامتك ياعمور أنا اطمنت عليه ياجماعة وهو زي الفل الحمد لله إنت إخويا الغالي ياعمور ورفيق النجاح من أول بداياتك وإنت معايا وطول عمري عارف إن قلبك طيب وفنان مهم وملحن عبقري ربنا يتمم شفاءك شفاء لايغادر سقما وكتب محمد حماقي: أخويا وصديقي وعشرة عمري عمرو مصطفى. ألف سلامة عليك يا حبيبي، إن شاء الله بسيطة وانت عودتني إنك قوي ودايماً بتقدر على أي محنة بإرادتك الحديد اللي مافيش زيها. سلامتك يا حبيبي ألف سلامة وكتب تامر حسني: بطمن عليه كل يوم، وبجد الرجاء من كل محبيني ومتابعيني ومن كل الناس الدعاء للملحن الكبير عمرو مصطفى بالشفاء العاجل. ربنا يشفيك يا عمرو يا حبيبي، وشدة وهتزول إن شاء الله. إنت قدها ونص يا بطل، وكلنا معاك، وربنا يشفي كل مريض وكتبت دنيا سمير غانم: ألف سلامة عليك يا عمرو، عامل عملية وجاي يشتغل في أغاني مسلسل عايشة الدور شكرا جدا، وأيمن بهجت قمر مش بيتأخروا عنى أبدا وكتب تامر حسين: بعيداً عن أى خلافات دنيوية مالهاش تلاته لازمه عمرو مصطفى أخويا وحبيبى وعشرة عُمر وإتصالحنا من شهر و صفينا كُل الزعل وربنا يعافيه ويقومه ب ألف سلامة ويحفظه من كُل سوء يارب ويخليه ل بيته وأولاده ونسمع عنهُ كل خير دايما. سلامتك ياعمورة وأشوفك دايماً بخير. وكتب المطرب أحمد جمال: كنا بنسجل أغنية جديدة و بسأله مالك يا عمرو قالي واخد برد في ضهري وخبى علينا، و اعرف بعدها انه استئصال ورم سلامتك يا حبيبي الف سلامة ربنا يتم شفاءك على خير وكتب الملحن وليد سعد: الف سلامه علي اخويا الملحن الكبير عمرو مصطفي وربنا ان شالله يحفظك لولادك ولكل حبايبك يارب وكتب الشاعر الغنائي أمير طعيمة: أخويا الغالي وعشرة العمر واللي بنا أغاني ونجاحات معرفش عددها، ألف سلامة عليك يا مرمر وربنا يتمم شفاك على خير بإذن الله وكتبت مي فاروق: ألف سلامه عليك يا عمرو شفاك الله وعافاك أزمه وتعدي وترجع زي الفل بإذن الله تمتعنا بفنك اللي طول عمره مميز ومفرحنا صديق غالي وطيب القلب شد حيلك واجمد ربنا بحق الأيام الكريمه هيرفع عنك ويشفيك وتفضل منور حياة حبايبك وعيلتك وجمهورك واحنا كمان ربنا يرفع عنك اي اذي و تقوم منها معافى بإذن الله وكتبت المطربة ياسمين علي: من قريب جه علي بالي وفضلت جوايا عايزة اكلمه واسال عليه بشكل غريب..كلمته وفضلت اطمن عليه وف اخر المكالمه لقيته بيقولي انه عنده ورم وهايعمل عمليه. وبجد كأن حد دلق علي ميه ساقعه. فضلت اقوله بامر الله هاتعدي وهاترجع احسن من الاول وهاتكسر الدنيا وقفلت ومارضتش اقول لحد ولا اكتب لاني شوفت انه مااعلنش ده واحترمت سكوته وحسيت انه عايز يعدي المحنة دي من غير ماحد يحس بوجعه ومن غير دوشه. لكن بعد ماكل المواقع كتبت عن تعبه وبعد مافي فنانين كتير اعلنوا بتمني منكم انكم تدعوله يارب يحفظه ويشفيه ويعديه منها علي خير ويرجع لاهله واولاده ولجمهوره بكل صحه وعافيه ويقوم بالسلامة يارب من فضلكم ادعوا للغالي عمرو مصطفي وكتبت نانسي عجرم: الحمدلله عالسلامة انشالله بتمرق هالأزمة عن قريب وبترجع لأهلك ومحبينك وتقدملنا أحلى الأعمال عمرو مصطفى وكتب المستشار تركي آل الشيخ: خالص التمنيات للأخ العزيز عمرو مصطفى إثر العملية الجراحية التي أجراها وكتب أحمد العوضي: أخويا الغالي والملحن الكبير عمرو مصطفي شفاك الله وعفاك وان شاء الله ترجع لكل محبينك بالسلامه، وستظل انت الملحن الاكثر نجاحا في الوطن العربي. لو كل واحد فينا دور جوه دماغه اخر ٢٥ سنه هيلاقي ان معظم الاغاني اللي علقت معاه من الحانك يا غالي ربنا يقومك لاهلك ولكل جمهورك بالف سلامه وكتب الملحن مدين: الف سلامه عليك و يارب يتم شفاك على خير بالصحه والعافيه و تقوم بالف سلامة ان شاءالله و ترجع لابداعاتك الحلوة و الناس اللي بيحبوك

حرص عدد كبير من النجوم عن توجيه رسائل دعم للمطرب والملحن عمرو مصطفى، بعد الأنباء التي ترددت عن إصابته بالسرطان، وخضوعه لعملية جراحية لإزالة ورم.

وبحسب ET بالعربي، فإن مصدرا مقربا أكد إصابة عمرو مصطفى بمرض السرطان خلال الفترة الماضية، حيث قام بإجراء عملية جراحية.

وكشف المصدر أن عمرو مصطفى خضع لعملية جراحية ناجحة لاستئصال الورم منذ 3 أسابيع، وحالته الصحية مستقرة في الوقت الحالي.

وبالرغم من هذه الأزمة الصحية، حرص الفنان عمرو مصطفى على مواصلة أعماله، ومنها مشاركته في تحضير أغاني مسلسل "عايشة الدور"، الذي تخوض به النجمة دنيا سمير غانم سباق رمضان 2025.

وقام عدد من النجوم بكتابة رسائل دعم للفنان عمرو مصطفى عبر حساباتهم في مواقع التواصل الاجتماعي المختلفة، ومنهم عمرو دياب، مصطفى قمر، محمد حماقي، تامر حسني، دنيا سمير غانم، أحمد جمال، تامر حسين، وليد سعد، أمير طعيمة، مي فاروق، ياسمين علي، نانسي عجرم، تركي آل الشيخ، أحمد العوضي، والملحن مدين، ونستعرض في هذا الألبوم رسائل الفنانين لدعم عمرو مصطفى في أزمته الصحية.

ويشارك عمرو مصطفى في أغاني مسلسل "عايشة الدور"، بطولة دنيا سمير غانم: محمد ثروت، ومحمد كيلاني، وفدوى عابد، وأميرة أديب، وفدوى عابد، وماجد القلعي، تأليف أحمد الجندي وكريم يوسف، وإخراج أحمد الجندي.

تدور أحداث مسلسل "عايشة الدور" في 15 حلقة، ويقدم قصة تدور أحداثها بين الدراما الاجتماعية والتشويق.

الألبوم إعداد – محمد سليم