الأرض مش كروية و90% من المسلسلات شوهت صورة المرأة و"مدرسة المشاغبين" قللت قيمة المعلم … 19 تصريحا لـ محمد صبحي في "نظرة" أثاروا الجدل

فى حياة المشاهير

محمد صبحي

الأحد , 21 يوليو 2024 - 13:42 | اخر تحديث: الأحد , 21 يوليو 2024 - 15:19

أنا مش بتنبأ لكن في معلومات بتقول إن الشهور القادمة فيها خطورة مناخية الأبحاث أثبتت أن الأرض مش كروية ومش نهاية الأرض القطبين لكن في أراضي إحنا منعرفهاش ولا نقدر نوصلها انزعجت لما تم الإعلان عن "تكوين" لأنه بقى صراع بين ناس مندوبين ربنا وناس بيقولوا إحنا اللي مندوبين ربنا ودا فتنة كان زمان ممنوع أي حد يطلع في التليفزيون ويهرتل كان في برامج بتفهمنا وتوعينا السبب في دمار مصر في نهاية عصر مبارك هو فتح الإعلام لكل من هب ودب، وكان المقصود هو عمل استخباراتي علشان يعرفوا مين بيتكلم ويمسكوه اتعرض عليا منصب وزير الثقافة 4 مرات ورفضت، سبب رفضي لأن وزير الثقافة يدير الثقافة هو اللي بيعمل الخريطة لكن الفنان هو صانع الثقافة أحرم نفسي ليه عشان منصب، في ناس واخدة دكتوراه وأنا معنديش وعلمهم أكبر في الإدارة أنا بدافع أن يكون فيه حرية في التفكير لكن متبقاش خناقة فتنة في "ونيس" أنا ناقل كل الأحداث اللي مرت عليا وأنا بربي أولادي في أعمال كنت فيها محمد صبحي مكنتش بمثل وهما "ونيس" و"ماما أمريكا" "مدرسة المشاغبين" منحت الطلاب الجرأة على المعلم وقللت من قيمة المعلم سهير البابلي طلعت في برامج قبل وفاتها وقالت إنها كانت منزعجة إن ده بيحصل قدام ولادنا، ومدرسة المشاغبين بالنسبة للأعمال اللي طلعت بعد كده تعتبر شكسيبر وفن راقي في رجالة بتلبس حلق ويقولوا حرية شخصية، من أين أتيت بهذه الثقافة لمن يقول إنها ثقافة، لو دي حرية شخصية طيب أنا أقلع ملط وأمشي في الشارع وأنا حر، ده نفس المنطق، ابقى البسه في البيت، وإذا كنت بتلبس معه قميص نوم يبقى هايل، دي مش بلدنا ولا عروبتنا ولا إسلامنا ولا مسيحيتنا 90% من المسلسلات فيها المرأة يا إما عاهرة أو مدمنة مخدرات أو منحلة، ودي مش حرية إبداع، دي حرية قلة أدب وهدم للوطن في ناس الفن بتقول لي أصل الفن ترفيه وتفاهة وكل حاجة، بس كفاية المتعة التي نحققها للمشاهد إنه يضحك، لأ هو ما بيضحكش وعيب تقول إن قدراتك كلها علشان تضحك تكون قليل الأدب أنا مش مستكتر عليك الـ 50 مليون علشان يقولوا أصله ما بيشتغلش، أنا بشتغل بفلوسي في المسرح، لكن ما بقدمِش مسلسلات في القنوات لأنها قد تكون غير مستحبة لو المواطن هيعيش بـ 10 آلاف مستورة يا دوب، أنا كفنان أقول هأخذ قد المواطن ألف مرة، دخل المواطن في السنة 120 ألف أضرب أنت في ألف مرة يبقى 12 مليون، أطلب 12 مليونا أو حتى 15 مليونا إسفاف الفكرة أخطر من إسفاف الألفاظ، الخبثاء يقولون إن الأعمال محاكاة للواقع جالي عرض إني أقدم 4 أيام مسرحية "خيبتنا" بـ4 مليون دولار ورفضت لأني من حقي أقول إني عايز اشتغل باسم وزارة الثقافة لما أفكر في الاعتزال لن استخدم التريند لكن محدش هيعرف إني اعتزلت محمد صبحي

حل الفنان محمد صبحي ضيفا على برنامج "نظرة" من تقديم الإعلامي حمدي رزق عبر قناة "صدى البلد".

وخلال الحلقة تحدث محمد صبحي في الكثير من الأمور وكشف العديد من الأسرار عن حياته وأعماله.

وكان لمحمد صبحي العديد من التصريحات في الحلقة التي أثارت الجدل منها عن رأيه في بعض الأعمال التي تعرض الآن واتهمها بالإسفاف وأنها يقال فيها ألفاظ لا يستطيع قولها.

كما تحدث محمد صبحي عن تقديم صورة المرأة بشكل سلبي موضحا أن 90% من المسلسلات تظهر فيها المرأة إما عاهرة أو مدمنة مخدرات.

وكشف محمد صبحي أنه عرض عليه وزارة الثقافة 4 مرات لكنه رفضها لأنه يرى أن الفنان هو من يصنع الثقافة أما الوزير يخطط ويدير وهناك من هم أحق منه بذلك.

كما تحدث محمد صبحي عن الأزمات المناخية وقال إن هناك معلومات تؤكد أن الفترة المقبلة بها خطورة مناخية، وأن الأبحاث أثبتت أن الأرض ليست كروية.

كما كشف محمد صبحي عن رفضه لمؤسسة تكوين وقال إنه انزعج منها لأنه يدافع حتى يكون هناك حرية فكر ولكن ليست شجارات وخلافات تسبب فتنة.

وانتقد محمد صبحي ظهور بعض الرجال يرتدون "حلق" قائلا: "في رجالة بتلبس حلق ويقولوا حرية شخصية، من أين أتيت بهذه الثقافة لمن يقول إنها ثقافة، لو دي حرية شخصية طيب أنا أقلع ملط وأمشي في الشارع وأنا حر، ده نفس المنطق، ابقى البسه في البيت، وإذا كنت بتلبس معه قميص نوم يبقى هايل، دي مش بلدنا ولا عروبتنا ولا إسلامنا ولا مسيحيتنا".

المزيد من التصريحات في الألبوم.