ملخص تصريحات نجلاء بدر: بقالي فترة مش بتعاكس والست الحلوة بيتعمل لها حساب وبنات المناطق الشعبية قادرة وقوية

فى حياة المشاهير

نجلاء بدر

الاثنين , 25 سبتمبر 2023 - 14:09 | اخر تحديث: الاثنين , 25 سبتمبر 2023 - 16:09

الست نكدية أكتر من الراجل عشان إحنا مخزون مشاعر بنخزن الأحزان وبنستدعى النكد الراجل فرفوش ومش بيحب المشاكل نجلاء بدر بقالي فترة مش بتعاكس ومش فاكرة كلمة اتقالتلي وقت المعاكسة في ستات قادرة البنات اللي في المناطق الشعبية قادرين وست بمليون راجل نجلاء بدر في مرة كنت بصور في منطقة ما ولقيت ستات كتيرة لابسين عبايات سودة مطرزة وحاطين مكياج، سألت رايحين فرح؟ قالولي لأ رايحين يضربوا واحدة في شارع تاني الست في الأرياف ضعيفة بتخاف تعلي صوتها أو تعترض أكتر موقف حسيت فيه إني قادرة ومش قادرة كان وفاة والدي تركيبة غريبة، إن مش قادرة أكمل الحياة بدون وجود الأب السند والضهر والمثل الأعلى، وقادرة لأني لازم أقف لأنه علمني إني أقف على رجلي نجلاء بدر المرأة عدوة نفسها إحنا من أكتر الناس اللي بنجرح نفسنا ونضايق نفسنا، واحد عاوز يسيبك تفضلي تكلميه؟ المجتمع بيغفر للست الحلوة كل حاجة، الست الحلوة معاها شهادة مرور ومسامحة، حتى الستات بتعمل حساب للست الحلوة نجلاء بدر أنا ضد مثل "ضل راجل ولا ضل حيطة"، مش قادرة أصدق أن الراجل يوافق أنه يتشبه بالحيطة أنا بحب الرجالة ومهم أنهم يكونوا موجودين في حياتنا، واختار ضل حيطة لأن الحيطة مش هتقع ومش هتتعب ومش هتخرج وتسيبني أنا ضد مقولة "الراجل ميعيبوش غير جيبه" ممكن يبقى معاه فلوس الدنيا بس عشرته صعبة، الراجل آخر حاجة تعيبه جيبه، الجيب مش هيعوضني عن خفة الدم مش بحب الراجل اللي دمه تقيل وعصبي وبخيل نجلاء بدر نجلاء بدر

كشفت الفنانة نجلاء بدر عن رأيها في المرأة وبعض الصفات فيها منها أنها نكدية أكثر من الرجل.

وفي لقاء مع Girls’ Space تحدثت نجلاء بدر بصراحة عن فكرة الزواج والبقاء في المنزل دون عمل، وقوة المرأة ووصفتها بـ"الست القادرة" وإن كانت تتعرض للمعاكسة.

كذلك تحدث عن المرأة الجميلة ونظرة المجتمع لها والصفات التي تحبها في الرجل.

يشار إلى أن نجلاء بدر تشارك في مسلسل "صوت وصورة" بطولة حنان مطاوع، نجلاء بدر، مراد مكرم، وليد فواز، محمد كيلانى، ناردين فرج، ولاء الشريف، محمد كيلانى، وآدم الشرقاوى وصدقى صخر وعدد آخر من الفنانين، تأليف محمد سليمان عبد المالك، وإخراج محمود عبد التواب "توبة"، وإنتاج شركة أروما للمنتج تامر مرتضى.

يذكر أن نجلاء بدر شاركت في رمضان 2023 بمسلسل "سره الباتع".

ومسلسل "سره الباتع" بطولة أحمد فهمي، أحمد السعدني، حنان مطاوع، التي تظهر في الجزء التاريخي من المسلسل بدور فلاحة وقت مقاومة الاحتلال في الريف المصري، وحسين فهمي، الذي يجسد دور أحد العلماء الذين حضروا مع نابليون بونابرت إلى مصر واسمه كليمان، هذا العالم حضر لمصر مع العالم شامبليون، وأحب مصر وعاش ومات فيها، وهي شخصية حقيقية من العلماء الذين رافقوا الحملة الفرنسية إلى جانب العسكريين.

كما شاركت في الجزء الثاني من مسلسل "رمضان كريم".

شارك في بطولة مسلسل رمضان كريم 2 كل من سيد رجب، بيومي فؤاد، سلوى عثمان، صبري فواز، محمد لطفي، أحمد صيام، نجلاء بدر، نهى صالح، كريم الأبنودي، كريم عفيفي، رانيا فتح الله، شريف حسني، ويزو، إنعام سالوسة، سلوى خطاب، والمسلسل من تأليف أحمد عبدالله، وإخراج سامح عبد العزيز.