ملخص تصريحات ياسمين صبري مع عمرو أديب: أنا شخصية "نادرة" وبيشبهوني بجورجينا عشان نفس لون الجلد وأي راجل هيحبني إلا لو شيطان وهذا رأيي في كيم كاردشيان

فى حياة المشاهير

ياسمين صبري

الاثنين , 25 سبتمبر 2023 - 11:28 | اخر تحديث: الاثنين , 25 سبتمبر 2023 - 11:56

لو مكنتش ممثلة كنت هكون سيدة أعمال أو محامية، واختياراي لمهنة محامية لأني بعرف اتفاوض وبالي طويل الحلاوة بتساعد في الحظ لكن ممكن تضيع لو أسأت استخدامها بيقولوا إني شبه جورجينا رودريجز يمكن عشان نفس لون الجلد والشعر والروح والمنظر عندنا مشكلة كعرب بنمجد أوي في الشيء الأجنبي والعربي نشوفه نمبر 2، دي مشكلة ثقافية عندي براند باسمي مستحضرات تجميل هينزل السوق السنة اللي جايه أنا عمري ما بلعب في شكلي ولا وشي ولا بصبغ شعري، لما عملت مرة حاجة في وشي بوظت نفسي ورحت شايلاها أنا من الناس اللي لو غيرت حاجة في نفسي ببقى أوحش كيم كاردشيان مش نموذج ليا في الحياة لكن بشوفها ست عرفت تستخدم مشاكلها صح، هي بتمسك أي حاجة تخليها دهب لأنها براند لوحدا لكن دا نموذج سيء دا مش إنجاز أخت كيم كاردشيان الأصغر أقوى منها، هما سبحان الله جيناتهم جميلة لكنهم نموذج مش حلو الفلوس ممكن تتعمل بطرق كتيرة المهم تكون مشرفة ولما نكبر منندمش عليها أي حاجة ماشية في البحر باكلها أي مخلوق بحري بأكله، الناس لما بتشوفني باكل سمك وقواقع بيستغربوا باكل بإيدي أنا لا أكون عداءات ومعنديش أصدقاء كتير عندي صديقتين قريبين ليا صعب يكون عندي صديق راجل لأن بيحصل تكوين مشاعر ولو ظهرت مع صديق هيفتكروه أكتر من كده ويتكلموا وأنا صغيرة كنت بشيل صاج الكحك أوديه للفرن وأكل على السلم وأنا راجعه أي راجل هيحبني إلا لو شيطان أنا بقول إني أتحب مش عشان الشكل الخارجي، لكن أنا في الحقيقة بسيطة وهادية وبنت بلد، عمرك ما تشوفني في أفتر بارتي، أنا شخصية محافظة وافتخر والميزة دي بقيت نادرة الانتقام غباء وتضييع وقت ومعناه إني مهتمة، وأنا بهتم بنفسي ثم نفسي ثم نفسي لغاية ما تيجي حاجة مهمة اهتم بيها فلسفتي إن الحياة جميلة، ومؤمنة بنظرية النظارة الوردية أنا لما أكون مع صاحبتي وجوزها يوصل لازم أمشي، وأخلي الست مرتاحة، إلا إذا أصرت إني أكون موجودة أنا بحب الستات وأقدرهم جدا، وأبسط حاجة تسعد الست، الكلمة الحلوة للست صدقة جارية وجبر خواطر طول عمري من وأنا سنين 4 سنين بلعب رياضة وجدتي خلتني أمارس السباحة، ولغاية سن 18 سنة كنت سباحة محترفة الحديد بيعمل تقسيم للجسم، ويخلي الست شبه الحصان، وده نوع جمال أنا بحبه، بحب الست الممشوقة اللي عضلاتها مرسومة زي الأبنوس الراجل هو اللي بيوصل الست لإنها لا تشعر بالأمان والثقة في رجاله بتخاف تكلمني عشان بيحسوا أنهم مش قدي وهيقدمولي إيه الطائرة الخاصة بتبقى جزء من تعاقداتي، والطيارة الخاصة مش بتعمل إنسان، لكن الإنسان هو اللي بيعمل الطيارة الجمال بقى مش ميزة وفيه وفرة، المهم ثقل الإنسان ورزانته وقوته العقلية، وإنه لا ينكسر حتى لو قابل الوحش في آخر ليڤل بشوف تعليقات بتقول هي بتصرف كل الفلوس دي، لكن أنا مش بصرف جنيه، ده بيحصل لما علامة تجارية تقول أنا عايزة الست دي تمثلني ربنا أنعم عليا بنعمة الشكل، وده ساعدني أكون واجهة، وكملت الباقي بالإستايل واللبس الممثل ممكن يستخدم نفسه بطرق أكثر من المهنة، وهو عبارة عن علامة تجارية لازم يستثمر فيها ياسمين صبري

حلت الفنانة ياسمين صبري ضيفة على برنامج "الحكاية" مع الإعلامي عمرو أديب ويعرض عبر قناة mbc مصر، وخلال اللقاء كشفت ياسمين صبري الكثير من الأسرار عن حياتها وفلسفتها في الحياة.

كما ردت ياسمين صبري على كل من يتهمها بتقليد جورجينا رودريجز وتشبيهها بكيم كاردشيان، كما وجهت نصائح للمرأة والاهتمام بنفسها.

وأوضحت ياسمين صبري خلال حديثها أنها لا تمتلك طائرة خاصة والطائرة التي تظهر فيها هي جزء من تعاقدها مع بعض الشركات العالمية لتكون وجها لهم، مؤكدة أن الفنان مهنته ليست التمثيل فقط بل هو علامة تجارية أيضا.

وكشفت ياسمين صبري إنها تستعد لطرح علامة تجارة لمستحضرات التجميل العام المقبل وأن هذا هو المشروع الخاص بها الذي تعمل عليه منذ فترة.

كما تحدث ياسمين صبري عن اهتمامها بالرياضة وممارستها لليوجا وكيف تؤثر على صحة الإنسان.

على جانب آخر، عرض لياسمين صبري في دور العرض السينمائية في مصر والوطن العربي فيلم "البعبع" الذي نافس في موسم عيد الأضحى.

وتعد تجربة فيلم "أبو نسب" هي الثالثة لياسمين صبري مع محمد إمام، بعدما قدما فيلمي "جحيم فى الهند" إخراج معتز التوني عام 2016 و"ليلة هنا وسرور" إخراج حسين المنباوي والذى تم عرضه عام 2018.

تدور أحداث الفيلم في إطار كوميدي يجسد من خلاله محمد إمام دور طبيب، بينما تقدم هالة فاخر شخصية والدته، ويجسد ماجد الكدواني دور والد ياسمين صبري، وفي هذا الفيلم يعاني محمد إمام من أزمة النسب ويكشف الفيلم المشكلات التي تحدث بين النسايب وبعضهم البعض إلى جانب المشكلات الاجتماعية التي يعاني منها الشباب.