36 تصريحا لـ دينا في "شو القصة": عمري ما شربت "بيرة" وحاولت الانتحار مرتين ونفسي يفتكروني بعد ما أموت "أني كنت صاحبة مدرسة رقص" ولا أخاف سوى الله ونيتي إني مبعملش معصية ولو مرقصتش كنت برضه هلبس عريان

دينا

السبت , 16 مايو 2026 - 15:01 | اخر تحديث: السبت , 16 مايو 2026 - 15:10

أنا برقص في أي حته حتى في الشارع أنا بحب الرقص في أي وقت أكتر وقت ببقى حاسه فيه إني حرة وأنا برقص في عندنا قيود غصب عننا اتربينا عليها، أنا برقص أه لكن في حاجات مش بقدر اعملها، كانوا بيقولوا أنك تاكلي "لبانة" عيب ولحد دلوقتي مش باكل اللبانة الولد ممكن نتقبل أنه يعمل علاقة قبل الجواز وربنا يسامحه بقى، لكن البنت مش من حقها معنديش مشكلة "علي" ابني يرتبط براقصة المهم تكون محترمة وشبه عيلتنا، لما الناس بتبقى شبه بعضها مش بيحصل اختلافات، احنا عيلة متفتحة بس في شوية ملتزم أختي منقبة وبنتها محجبة وأنا راقصة وكل واحد حر في حياته يعمل فيها اللي يعمله بما أنه مبيضرش حد قبل ما ابدأ وصلة الرقص بقول "اللهم خير حافظا وهو ارحم الراحمين من أمامي ومن خلفي ومن يميني ومن يساري ومن تحتي ومن فوقي" وبقول أدعية تانية لأن ممكن نلجأ لمين غير ربنا؟ هو أحسن حاجة في الحياة هعمل إيه قبل ما ابدأ أي حاجة أنا بخاف من ربنا هو الوحيد اللي بخاف منه، حب الفن دا حاجة واحترامك لنفسك كبني آدمة دا موضوع تاني، افعل ولا تفعل أنا اللي بحط قوانني لنفسي معنديش حد فوقي يحطلي قوانين لما بقول مش هعمل كذا بيبقى أنا مش عايزة أعمل كذا أنا بتعامل مع نيتي لربنا أنا مبعملش معصية، النية من جوا مفيهاش معصية، وأنا حتى لو مرقصتش كنت هلبس عريان كنت هرتكب نفس الحرمانية مش هتفرق اتعرفت على أمي وأنا عمري 15 سنة وقبل كده كانوا قالولي أنها متوفية، وكان يوم عيد الأم دا يوم كئيب قبل ما أقابلها كنت شقية وأنا صغيرة بلعب زي الأولاد وفي المدرسة كنت كل يوم بروج و"الجيبة" مقطوعة بسبب اللعب كنت بشيل "دبوس" وأنا بركب الأتوبيس عشان التحرش أي حد يقرب مني أضربه فيه كنت عضوة في فرقة رضا لكن مشاركتش في أي عرض معاهم، ولما كبرت زعلت إني مشاركتش في أي عرض ودي كانت غلطة أول مرة أجرب أرقص لوحدي بعدي عن الفرقة كان عندي 17 سنة وكان في دبي في الفرق الشعبية مكانوش بيحبوا يلبسوا بدل رقص عشان عريانة، أنا طول عمري معنديش مشكلة اللبس العريان دي مش عندي أنا بتمرن كتير جدا وبروح الجيم 3 مرات في الأسبوع ونص الأكل مش باكله، مش باكل دقيق ولا منتجات الألبان ولا فراخ معملتش شد وجه، عملت مناخيري، وعمري ما عملت عملية تجميل في جسمي والدي مكانش عنده مشكلة إني أرقص في فرقة فنون شعبية، لكن لما رقصت لوحدي اتخانق معايا وقاطعني سنتين أنا عمري ما شربت حتى بق "بيرة" في حياتي كلها ولا مرة شربت حاجة بقعد اتفرج على اللي بيشربوا، لأني من سن صغير وأنا برقص شفت ناس بتدخل شكلها كويس ولما بيشربوا بيتبهدلوا، وأنا مش بحب طعم الحاجة الوحشة أول جوازة كان عمري 17 سنة كان زميلي في فرقة "رضا" وكان بابا بيضايقني وأنا عايزة أكمل رقص، بس كان بيضربني وأنا فتحت له دماغه وكان ممكن يموت تاني جوازة كانت بعد سنين لأني كنت اتعقدت شوية، كان عمري 19 سنة وكان أكبر مني سنا، قعدنا 3 سنين وانفصلنا بسبب خيانته أنا مش معترفة أن الست تصاحب أنا بتجوز مصاحبش الراقصات أكتر ناس بتتخان عشان معندهمش وقت يحلقوا على الراجل تالت زيجة كانت قصة حب قوية ولسه موجودة، محدش بيحب أكتر من مرة، ومكملناش بسبب ظروف مش كل حاجة بتنجح في الجواز مش بفتكر ترتيب زيجاتي ممكن أفتكر الأسامي لكن كانوا بيعملوا إيه لا، في فترة كنت بتجوز بعد ما العدة تخلص على طول الزيجة الخامسة كانت من سامح الباجوري والد ابني "علي"، واستمر سنتين لأنه مات بعدها وكان أكتر راجل احترمته وفهمته وفهمني وحبني اتجوزت 9 مرات، وآخر زواج كان من كتير، أسعد لحظات حياتي وأنا مش متجوزة أنا بحب كل اللي حواليا أنا مش جعانة حب أنا شبعانة حب الزواج لو يبقى بعقد مؤقت يتجدد بين الطرفين يبقى زي الفل يبقى كل سنتين ونشوف يا نجدد يا لأ، أنا بهزر بس بقول الحقيقة الناس بقت بتزهق بسرعة قابلت سهير زكي في حياتي مرات هي أستاذة في الرقص، عندها طريقة رقص ليها مدرسة، مشيت بهدوء لأنها سابت الفن بهدوء أيام كورونا كانت صعبة جدا تعبت قعدت 21 يوم في البيت ومنهم 10 أيام درجة حرارتي 40، ابتديت اكتب وصيتي وكتبت كل اللي بمتلكه في حياتي عشان ابني يعرف ومكنتش بفكر غير في ابني بس كان هو اللي مخوفني إني أمشي مش بخاف من الموت لأني بحب ربنا وعايزة أروحله واليوم دا هيكون يوم فرح اللي بيخوفني هو الفراق بياثر فيا أوي وعشته كتير، جوزي أبو ابني وأبويا فراقه كان صعب أوي، وفقدت معاه سري، لأن سري مقدرش أقوله لحد حاولت الانتحار مرتين، مرة وأنا عمري 15 سنة بعد ما واحد كنت بحبه انتحر، قطعت شراييني، ومرة تانية كنت مخنوقة وشربت دواء ولحقوني وكان السبب إني عايزة اتطلق من حد وقالي أنه هيدمر مستقبلي فقررت انتحر نفسي يفتكروني لما أموت إني صاحبة مدرسة رقص، أنا بدرس في العالم كله من سنين طويلة لو قالولي أن بكرا آخر يوم في حياتي هقعد أصلي طول الوقت وأدعي مش هعمل أي حاجة في الدنيا لأني رايحة للامتحان