آية سماحة: تعرضت للتحرش في طفولتي ونصحت أبويا وأمي بالطلاق ومريت بأزمة مادية بعت فيها هدومي ومش هخلف عشان أنا لسه مش عارفة انا عاوزه إيه

فى سينما وتلفزيون

تعرضت للتحرش في طفولتي ونصحت أبويا وأمي بالطلاق ومريت بأزمة مادية بعت فيها هدومي ومش هخلف عشان أنا لسه مش عارفة انا عاوزه إيه

الثلاثاء , 25 مارس 2025 - 13:11 | اخر تحديث: الثلاثاء , 25 مارس 2025 - 13:11

أسرتي اتعرضت لأزمة مادية أدت إلى تغير مستوى معيشتها، كنا في مستوى معين، ولما الفلوس قلت كتير فضلت وسط ناس في نفس المستوى، لكن أنا مبقتش في نفس المستوى. اتعلمت من الموقف ده إني مينفعش أقول دي الظروف، كل واحد بيتحمل ظروفه. مريت بفترة معدنيش شغل، فابتديت أفكر إزاي أعمل فلوس، بعت هدومي وحاجات بتاعتي مش عايزاها على إنستجرام. واشتغلت في شركة سياحة، وخرجت من الجامعة في سنة تالتة، وبدأت آخد ورش تمثيل علشان ده اللي بحبه.

اتعرضت للتحرش بس عرفت أتعامل، كنت صغيرة جدا 11 أو 12 سنة، ولما كنت أروح أقول لأمي كانت بتعرفني إزاي أتصرف في المواقف دي وكانت دايما في ظهري. وكمان تجربة العمل في مجال الإعلانات اللي مريت بيها في سن صغيرة علمتني كيفية التعامل مع التجاوزات. قابلت كل المواقف اللي ممكن تضايق وكل حاجة ممكن تتخيليها، تقابلي سخافات ومواقف مكانتش لطيفة علمتني أعرف أوقف أي حد عند حده. من أول ما بدأت مجال الإعلانات، حد حط إيده على بشكل سخيف، وعرفت أقول له إيدك لأقطعهالك.

نصحت بابا وماما بالانفصال، كان بينهم مشاكل كبيرة وخناقات وكلام سخيف مش عايزين نسمعه. مكنتش شايفة حب في البيت، ولا علاقة صحية بين أب وأم، وشايفة إنهم متوترين جدا مع بعض، وكان الانفصال أفضل للاتنين. بابا كان راجل وسيم وجنتل، اتجوز على ماما، وهي بعد الانفصال اتجوزت هي كمان. بابا الله يرحمه كان بالنسبة لي الأمان، ولسه عايشة في شعور الأمان ده لحد دلوقتي رغم رحيله بسبب سيرته الطيبة.

بابا مكانش "أب" بس، كان معروف في المنطقة اللي اتولدت فيها جدا، ومجرد إني أنزل الناس عارفين مين أنا من الشبه. بابا اتجوز صغير جدا، ومن وجهة نظره ده الحب لبنته الأولى، مش عايز حد يبص عليها، ولا تلبس بشكل معين، وأنا ساعتها كنت طفلة عايزة أبقى براحتي وأجرب أكثر. مكنتش فاهمة إن اللي بيعمله معايا ده حب، كنت فاهمة إنه تحكم وحماية زيادة وغلاسة، فهمت بعد ما توفى، وتصالحت مع حاجات كتير كنت أتمنى أفهمها وهو موجود. زوجي المنتج محمد السباعي عوضني عن حاجات كتير، افتقدتها في طفولتي، إداني الإحساس بالأمان والاستقرار والصداقة، وخلاني بني آدمة أحسن.

معنديش رغبة في الإنجاب حاليا، مش قادرة أتحمل المسئولية ومش قادرة أضحي، وحاسة إني عايزة آخد بالي من نفسي فترة، مش قادرة أجيب حد يبقى حياتي، أنا محتاجة حياتي اكتر. ليه أجيب بني آدم وأنا لسه مش عارفة أربي دلوقتي، ومش عارفة إيه الصح وإيه الغلط اللي المفروض أقوله له، أنا لسه بكتشف. مش شايفة ناس كتير حواليا مبسوطة، ومش شايفة ظروف ملائمة أجيب فيها بني آدمين والحياة صعبة جدا، والموضوع مش ماديات بس، أنا تجربتي كطفلة كانت مش مريحة، مش عايزة أجيب طفل مش مرتاح.

قالت آية سماحة خلال حوارها مع الإعلامية أميرة بدر في برنامج "أسرار" المذاع عبر قناة "النهار": أسرتي تعرضت لأزمة مادية أدت إلى تغير مستوى معيشتها، كنا في مستوى معين، ولما الفلوس قلت كتير فضلت وسط ناس في نفس المستوى، لكن أنا مبقتش في نفس المستوى، اتعلمت من الموقف ده إني مينفعش أقول دي الظروف، كل واحد بيتحمل ظروفه، مريت بفترة معدنيش شغل، فابتديت أفكر إزاي أعمل فلوس، بعت هدومي وحاجات بتاعتي مش عايزاها على إنستجرام.

اشتغلت في شركة سياحة، وخرجت من الجامعة في سنة تالتة، وبدأت آخد ورش تمثيل علشان ده اللي بحبه، اتعرضت للتحرش بس عرفت أتعامل، كنت صغيرة جدا 11 أو 12 سنة، ولما كنت أروح أقول لأمي كانت بتعرفني إزاي أتصرف في المواقف دي وكانت دايما في ظهري، وكمان تجربة العمل في مجال الإعلانات اللي مريت بيها في سن صغيرة علمتني كيفية التعامل مع التجاوزات، من أول ما بدأت مجال الإعلانات، حد حط إيده على بشكل سخيف، وعرفت أقول له إيدك لأقطعهالك.

نصحت بابا وماما بالانفصال، كان بينهم مشاكل كبيرة وخناقات وكلام سخيف مش عايزين نسمعه، مكنتش شايفة حب في البيت، ولا علاقة صحية بين أب وأم، وشايفة إنهم متوترين جدا مع بعض، وكان الانفصال أفضل للاتنين، بابا كان راجل وسيم وجنتل، اتجوز على ماما، وهي بعد الانفصال اتجوزت هي كمان.

بابا الله يرحمه كان بالنسبة لي الأمان، ولسه عايشة في شعور الأمان ده لحد دلوقتي رغم رحيله بسبب سيرته الطيبة، بابا مكانش "أب" بس، كان معروف في المنطقة اللي اتولدت فيها جدا، ومجرد إني أنزل الناس عارفين مين أنا من الشبه، بابا اتجوز صغير جدا، ومن وجهة نظره ده الحب لبنته الأولى، مش عايز حد يبص عليها، ولا تلبس بشكل معين، وأنا ساعتها كنت طفلة عايزة أبقى براحتي وأجرب أكثر، مكنتش فاهمة إن اللي بيعمله معايا ده حب، كنت فاهمة إنه تحكم وحماية زيادة وغلاسة، فهمت بعد ما توفى، وتصالحت مع حاجات كتير كنت أتمنى أفهمها وهو موجود.

زوجي المنتج محمد السباعي عوضني عن حاجات كتير، افتقدتها في طفولتي، إداني الإحساس بالأمان والاستقرار والصداقة، وخلاني بني آدمة أحسن.