تحمل المسئولية وخفة الدم ومش بوشين ... أبرز صفات فتى أحلام النجمات

تعرف على صفات أحلام النجمات

الخميس , 13 فبراير 2025 - 17:41 | اخر تحديث: الخميس , 13 فبراير 2025 - 17:48

بسمة بوسيل بسمة بوسيل كشفت عن مواصفات فتى أحلامها، قائلة: في اللي جاي أنا عايزة واحد يبقى قريب من ربنا، مش عايزه حد متدين أوي لكن بيعرف ربنا عشان يراعي ربنا فيا، ويكون بيصلي 5 مرات في اليوم وأشوفه قدامي بيصلي عشان دا العمود بتاع كل حاجة وتابعت بسمة بوسيل عن فتى أحلامها: " أنا كده كده لازم أتجوز مسلم عاوزة واحد بيعرف ربنا وبيخاف منه لأن بعد كده كل حاجة بتظبط، مش عارفة جنسيته إيه بس لازم مسلم" ملك زاهر كشفت ملك زاهر عن مواصفات فتى أحلامها قائلة: "لازم يكون حنين أوي ورومانسي، عشان أنا طيبة ورومانسية" وأضافت ملك زاهر عن مواصفات فتى أحلامها: "يكون راجل ومسئول ومتفاهم عارف شغلي وبيشجعني فيه وأنا أشجعه في شغله" هنا الزاهد هنا الزاهد قالت عن مواصفات فتى أحلامها: "لازم يبقى دمه خفيف علشان يفهم أنا بقول إيه" وأضافت هنا الزاهد عن فتى أحلامها: يكون لذيذ بس في وقت الجد جد، مش مونولوجست، ويكون طيب معايا وشرس مع كل الناس، طيب بس مش أهبل ميس حمدان قالت ميس حمدان عن فتى أحلامها: "عايزة أتدلع وأتخانق وأضربه ويشدني من شعري وأهبش فيه، وعايزة حنان وعايزة أتحب ويتقال لي كلام حلو، وأوقات زي دلوقتي عندي تبلد أحاسيس". وأضافت ميس حمدان كاشفة عن صفة تكرهها في الرجال: "نا بكره الراجل المهزوز اللي لا يعترف بنقاط ضعفه، ومش بيعرف ياخد قرار، الراجل ده بيهبط من نظري هبوط فظيع". منة شلبي قالت منة شلبي عن مواصفات فتى أحلامها: "أنا ممكن أقول أنا مش عايزة إيه، مش عايزة حد دمه تقيل، دي مستحيلة، دي مقدرش، لو إيه مقدرش، مدعي، يا ساتر يارب" وتابعت منة شلبي عن مواصفات فتى أحلامها: بوشين! دي بقى اللي صعبة شوية، اللي هقولها دي صعبة خالص، مش بتاع ستات دنيا ماهر تحدثت دنيا ماهر عن مواصفات فتى أحلامها، قائلة: ""أول حاجة يبقى في كيميا بيني وبينه، ومحبة وتشابه في القيم، ده بيسهل اتخاذ القرارات في المستقبل ويقلل الخلافات" وتابعت دنيا ماهر عن مواصفات فتى أحلامها: "مش لازم يبقى فنان لكن يكون على الأقل متذوق للفن، ومش لازم يبقى مثقف بس يبقى واعي، والمهم الصدق وميبقاش في بخل، وحاجات تنهي الأمر من بابه". ندى موسى ندى موسى قالت عن فتى أحلامها: "يكون حقيقي، وحنين ويكون فاهمني كويس وفاهم نفسه قبل ما يفهمني عشان نفهم بعض" وتابعت ندى موسى عن فتى أحلامها: "يكون كريم في أخلاقه، الكرم مش معناه إنه يصرف وخلاص" أمينة خليل قالت أمينة خليل عن مواصفات فتى أحلامها: "يكون شخص غير ممل وأتعلّم منه أشياء جديدة، شخص لا يحكم على أي تفكير مختلف حوله ويكون متفتح وهادئ" وأضافت أمينة خليل عن فتى أحلامها: "أهم شرط ميمنعنيش من التمثيل لأنه جزء مني". سارة سلامة قالت سارة سلامة عن مواصفات فتى أحلامها: لا أحب الرجل الضعيف وده مبيلفتش انتباهي، لازم يبقى في شوية نخوة هبقى أنا أرجل منه؟" وتابعت سارة سلامة عن مواصفات فتى أحلامها: "كل اللي نفسي فيه إنه يحسسني بالأمان، ويبقى فيه استقرار ويؤمن بيا ويحبني لشخصي مش كفنانة" أسماء جلال تحدّثت أسماء عن الصفات التي ترغب في توفرها بشريك حياتها، حيث أكدت على أهمية الحنان والتفاهم. وشددت أسماء جلال على أن الدعم العاطفي من أكثر الأمور التي تبحث عنها في شريك حياتها المستقبلي، وأنها تتمنى أن يكون هذا الشخص قادرًا على تقديم العون والمساندة في الأوقات الصعبة.