وصفة أسما شريف منير للوصول إلى هدوء القلب والروح … الصلاة والتأمل وأشياء أخرى

فى حياة المشاهير

أسما شريف منير

الثلاثاء , 15 أكتوبر 2024 - 18:10 | اخر تحديث: الثلاثاء , 15 أكتوبر 2024 - 18:10

جلسة تصوير أسما شريف منير في الجونة جلسة تصوير أسما شريف منير في الجونة جلسة تصوير أسما شريف منير في الجونة جلسة تصوير أسما شريف منير في الجونة جلسة تصوير أسما شريف منير في الجونة جلسة تصوير أسما شريف منير في الجونة جلسة تصوير أسما شريف منير في الجونة جلسة تصوير أسما شريف منير في الجونة

شاركت البلوجر أسما شريف منير متابعيها عبر صفحتها الرسمية في موقع التواصل الاجتماعي إنستجرام أحدث صورها من الجونة، وكتبت في التعليق على الصور رسالة لمتابعيها حول الوصول إلى هدوء القلب والروح.

وجاء في رسالة أسما شريف منير: "هدوء القلب والروح هو حالة كده من الاسترخاء النفسي والراحة اللي كلنا بنبقى محتاجينها، خصوصاً لما الحياة حواليك بتبقى مليانة ضغوط وزحمة و تفكير في بكرا. لما تلاقي نفسك وصلت لحالة الهدوء دي، بتحس إن كل حاجة حواليك بقت أهدى وبسيطة أكتر. قراراتك وقتها بتكون نابعة من مكان هادي ومستقر جواك، فبتبقى واثق من اللي بتعمله".

وأضافت: "عشان توصل لحالة هدوء القلب والروح، محتاج تركز على الحاجات اللي بتريحك وبتخليك تحس بالسلام. زي الصلاة اللي بتخليك قريب من ربنا و مسموع و واثق، لانك في حالة تواصل، التأمل اللي بيريح دماغك من التفكير، أو حتى الكتابة اللي بتساعدك تطلع اللي جواك على الورق. كمان المشي في مكان مفتوح بيريحك وبيفصلك عن الدنيا شوية. الفكرة هنا إنك تدي نفسك فرصة ترتاح وتبعد عن المشاكل لفترة".

وتابعت: "الهدوء الحقيقي بقى بيبان لما تبقى بتتعامل مع شخص مريح، قلبه عليك، طيب، صريح و واضح، ساعتها بتحس انك نايم علي الارض و حاسس براحة كده متعرفش اي حاجة عن التوتر و القلق. يعني بدل ما تخلي القلق يسيطر عليك بتكون واثق ان في شخص في ضهرك فا تفضل هادي وواثق إن كل مشكلة ليها حل، وإنك تقدر تتخطاها عشان مسنود".

وأكملت: "لما حد يهدي روحك وقلبك، بتحس إنه لمس أعمق حاجة جواك. وجوده في حياتك بيبقى زي السكوت المريح في عز الدوشة و ايقاعنا السريع، كلامه أو حتى وجوده جنبك بس، بيكون كفاية علشان تحس بالأمان والراحة النفسية، وكأن عنده المفتاح اللي بيوصلك للسكينة اللي انت محتاجها".

الألبوم إعداد - محمد سليم