صفاء أبو السعود وأحمد حلمي ومنة شلبي ونجوم الفن يستعيدون ذكريات العيد ... ركوب العجل وسرقة الكعك والعيدية الجديدة وألعاب الشارع من بينها

صفاء أبو السعود وأحمد حلمي ومنة شلبي

الخميس , 11 أبريل 2024 - 20:40 | اخر تحديث: الخميس , 11 أبريل 2024 - 20:40

أحمد حلمي: العيدية كانت من أهم الحاجات في العيد وكانت بتتصرف في نفس اليوم كان نفسي العيدية تبقى في أيام العيد الثلاثة، وكنا كونا نفسنا دينا الشربيني: كنا بنعمل كحك العيد في البيت وفاكرة شكل الصواني وكلنا بننقش الكحك واللبس الجديد بايت في السرير وأفضل باصة له لحد ما أصحى ألبسه صفاء أبو السعود: بحب أسمع تكبيرات العيد والحالة الروحانية عالية جدا، والكحك والغريبة والهيصة والبنات للبنات بالذات فستان العيد مقدسات، أبيته جنبي مع الشراب والجزمة محدش يقرب منهم ببقى فرحانة وكل بيت فرحان بأغنية أهلا بالعيد وبيسمع صوتي محمد رمضان: الشارع اللي اتولدت فيه 80% منه مسيحيين إن أمي والجيران المسيحيين يفرحوا بعيد إسلامي ده كان أكبر شيء يؤكد وحدتنا الوطنية أحمد عز: أحلى حاجة في العيد لمتنا أهل وصحاب وجيران وإحنا بنحتفل بالعيد لازم نفتكر أبطالنا شهداء الوطن اللي ضحوا بأرواحهم أثناء قيامهم بواجبهم منى زكي: أحلى حاجة في العيد ستات العيلة والعمارة وهما بينقشوا ويعجنوا الكحك والصواني رايحة جاية جدي كان شغال في وزارة المالية وألذ واحد يدينا فلوس جديدة إحنا كبنات اللبس الجديد حاجة أساسية صابرين: أحلى حاجة الفرحة الموجودة في صلاة العيد، وتحس إن الشعب عارف بعضه ياما إتهريت أروح الفرن مع كل ولاد العمارة فرقعت بمب ولعبت بلي وأولى وأستيك، وكان لازم لبس جديد نيللي كريم: أحلى ذكرياتي لبس العيد واللمة والعيدية كنا بنعمل كحك بس معظمه كان هدية، وكنا بنتفسح على البحر ياسر جلال: أحلى حاجة اللمة، ويوم الوقفة الهدوم الجديدة على الكنبة مكوية العيدية كانت بتطير على البمب والصواريخ والبلالين في ناس أول يوم عيد ياكلوا فسيخ ورنجة وبصل أخضر، أنا من الناس دي منة شلبي: العيد كان بيبتدي مع تكبيرات العيد وألاقي ماما حاطة هدومي الجديدة على السرير مع العيدية، وأنا محضرة جزمتي كنت بحب أركب عجل في العيد، ونص إصابات ركبتي من العجل وأكثر حاجة بحبها لما ننقش الكحك هشام ماجد: أحلى حاجة في العيد لبس العيد طبعا، وكوباية الشاي مع كحط العيد جدتي كانت تقعد على الأرض تخبز الكحك وإحنا نقف قدام شقة جدي طابور علشان العيدية الجديدة هشام ماجد إسعاد يونس: أحلى حاجة في العيد اللبس الجديد وشباب العيلة والعمارة متجمعين يعجنوا وينقشوا الكحك ولازم نسرق كام كحكة من الصينية وصف العيدية والفلوس الجديدة أكرم حسني: دايما كان في طقوس تجميعة العيلة كلها ويوم العيد تبقى لابس ومعروف إن ده لبس العيد العيدية كنت باخدها من جدي حوالي ربع جنيه بالنسبالي كانت الملاهي هي العيد أحمد أمي: العيد يعني أرجع طفل وألبس طرطور وأمسك زمارة وبلونة والسهر للصبح ليلة العيد ولعب الكورة في الشارع نعمل كحك في البيت لكن أحلى كحكة اللي نسرقها وهي طالعة من الفرن ونقف صف بيجامات جديدة والعيدية طالعة فلوس جديدة، وعمو يدينا 10 جنيه ويقول دي تدبح العصفورة