شريف مدكور "ع المسرح": التنمر أحد أسباب إصابتي بالسرطان ومش عايز أخلف عشان محدش يتنمر على أولادي واليوجا ساعدتني في الصلاة والحج ومش بحب الصلاة في المسجد لهذا السبب

فى سينما وتلفزيون

شريف مدكور

الأحد , 31 مارس 2024 - 12:36 | اخر تحديث: الأحد , 31 مارس 2024 - 12:36

كنت طفل هادي ومؤدب بس كنت بتكسف وخايب في المدرسة، لكن عشت طفولة حلوة بسبب أمي وأبويا جدي الفريق أول محمد فوزي لما اتولدت كان مسجون وأول مرة يشوفني كان في السجن وكان بيضحك، وبعدها بشوية خرج من السجن وكان بيتفائل بيا لأني أنا الحفيد الأول كان مسميني رقم 1، عشت معاه كتير أتوفى وأنا عمري 29 سنة كنت معد في قناة النيل للأسرة والطفل وبقيت مذيع بالصدفة ومن غير واسطة، مكنتش أتخيل إني هكون مذيع وإني أطلع قصاد الكاميرا وأكون جريء اتعرض عليا بطولة فيلم "المسطول والقنبلة" الأستاذ ممدوح الليثي والأستاذ محمد فاضل عرضوه عليا قصة الأديب العالمي نجيب محفوظ، حضرت ليه 3 شهور كان فيلم سياسي وكان فيه شاهد قاسية وصعبة، لكن متعملش كنت في باريس في مطعم بيروح ليه عرب ومصريين كتير وواحد شغال هناك من البرازيل سألني ليه بيشوف ستات محجبات مصريات لبسهم ضيق مع أن في ستات من دول إسلامية لبسهم واسع، أنا حسيت بالغيرة وقررت أن المحجة اللي تطلع معايا في البرنامج لازم لبسها يكون مش هيضر سمعة ديني وسمعة بلدي أنا مش بعمل وصايا ولا تقييم، الست المحجبة براحتها تعمل اللي هي عايزاه برا البرنامج، أنا بخاف على ستات مصر والمحجبة تلبس اللي هي عايزاه لكن لا يصف ولا يشف أنا شيخ نفسي، مع كامل احترامي لكل شيوخ الدنيا مش بسمع لأي شيخ لأني أنا بقرأ كتير متجوزتش لأن أنا عشرتي صعبة وطبعي صعب ومش أي حد يقدر يعيش معايا في مكان فترة طويلة، بسبب الانضباط والنظام والنظافة أنا عندي وسواس في موضوع النظافة مبقدرش أقعد مع الأطفال أكتر من نصف ساعة، وكنت هبقى أب صعب ومش عايز الولد أو البنت يكونوا في مدرسة ويتقالهم بصوا باباكم، أنا اتعودت على التنمر لكن مقبلش أن حد يتنمر على ولادي أحد أسباب إصابتي بالسرطان هو التنمر اللي اتعرضت ليه، ساعات بكون خارج مع والدي ووالدتي بخليهم يمشوا قبلي عشان ميسمعوش شتيمتي كنت في العمرة بصلي في حجر سيدنا إسماعيل ودعيت يارب إديني علامة رضا أو إني صح، بعدها بشهرين ونص جالي سرطان ووالدي قالي إنه سرطان عنيف وهو بيقولي كده سمعت جملتي وأنا بقول "يارب إديني علامة" المرض هدية وعلامة حلوة من ربنا مش عارف ليه اتهاجمت لأني قلت إني اتعلمت يوجا عشان أعرف أخشع في الصلاة، وأنا بصلي كنت بسرح وأفكر في المرتب هينزل أمتى وأفكر في حاجات تانية، قعدت أبحث قالولي خد كورس يوجا، أخدت لغاية ما اتعلمت إزاي يكون ذهني صافي وبقيت وأنا بصلي بكون خاشع اليوجا ساعدتني في الصلاة والحج والعمرة إني مبقاش مشتت وبكون مركز مش بحب الصلاة في المسجد لأن الناس بتشغل الموبايلات ونسمع رنة أغنية لمطربة وبيكون زحمة جدا إحنا بندفن المتوفي بشكل غلط مش بندفن على الشرع، إحنا بندفن على الطرق المصرية القديمة غرفة تحت الأرض ونحط الجثمان، الصح هو اللحد، وطلبت إني لما أموت أتدفن بالشكل الصحيح بيتقال عليا مذيع ستات مصر واتريقوا عليا بس أنا مزعلتش وده تاج على راسي، وأمهات وجدات مصر بيثقوا فيا ثقة عمياء ويارب أكون قد الثقة دي والأطفال كمان بيثقوا فيا شريف مدكور ومنى عبد الوهاب

حل الإعلامي شريف مدكور ضيفا على برنامج "ع المسرح" من تقديم منى عبد الوهاب، ويعرض يوميا خلال شهر رمضان 2024.

وخلال اللقاء تحدث شريف مدكور عن طفولته وقال إنه كان طفلا هادئ وعاش طفولة سعيدة بفضل والديه، كما حكى عن علاقته بجده الراحل الفريق أول محمد فوزي وأنه كان حفيده الأول ويحبه كثيرا وعاش معه فترة طويلة خاصة أن جده توفي وهو في عمر 29 عاما.

كما تحدث شريف مدكور عن إصابته بالسرطان وكيف يراها نعمة من الله، وأن التنمر كان أحد أسباب إصابته بهذا المرض وأنه سيحاول دائما مواجهة التنمر وإصلاح المجتمع.

كما كشف شريف مدكور سبب رفضه للزواج أن طباعه لن تتحملها أي امرأة، كما قال إنه لا يريد الإنجاب حتى لا يتعرض أولاده وزوجته للتنمر بسببه.

وحكى شريف مدكور سبب وضعه لقواعد ظهور المحجبات في برنامجه "شارع شريف" وأنه بسبب شخص التقى به في باريس سأله لماذا ترتدي المرأة المصرية الحجاب ومعه ملابس ضيقة، فيما ترتدي النساء من بلدان إسلامية ليست عربية ملابس أكثر حشمة، وأنه شعر بالغيرة على الدين وعلى المرأة المصرية وقرر عدم ظهور أي فتاة محجبة في برنامجه إلا وهي ترتدي ملابس محتشمة.

كما حكى شريف مدكور عن اليوجا وتأثيرها عليه وأنها جعلته أكثر خشوعا في الصلاة وساعدته في الحج والعمر حتى لا يكون مشتتا.

المزيد من تصريحاته في الألبوم.