تصريحات ياسمين صبري التي أثارت جدلا في بودكاست "بيج تايم" … كنت أغلى فتاة إعلانات في مصر والفلوس جاتلي بأقل مجهود وأنا إضافة لأي رجل

فى حياة المشاهير

ياسمين صبري

الثلاثاء , 26 مارس 2024 - 15:39 | اخر تحديث: الثلاثاء , 26 مارس 2024 - 15:39

أنا من أسرة متوسطة، جدتي ربتني، بداية حياتي كنت في مدارس حكومة وبعدها أتطورت لأن مامتي مستواها أتحسن وكنت بتنقل من مدرسة لمدرسة وعشت مع كل الطبقات بشتغل من وأنا عمري 17 سنة، كنت بشتغل في الصيف اتخرجت من الجامعة مامتي قالتلي إنتي هتصرفي على نفسك وهتشتغلي، أول وظيفة اشتغلتها بعد تخرجي من الجامعة كانت في مكتبة الإسكندرية علاقات عامة كنت متدربة في المكتبة وطلبت يثبتوني عشان أخد مرتب كنت عايزة أشتري عربية كحماية ليا أنا كنت بنت طويلة وملفته، كنت لازم أخد بالي من نفسي في الشارع اشتغلت في وظيفة تانية في شركة اتصالات، وجبت عربية بالقسط، بعد سنة ونص قالولي إنتي مش في المكان المناسب ومشيت من الشغل فكرت أكون مذيعة لكن مكنش عندي واسطة، فكرت أدخل مسابقة ملكة جمال مصر عشان اتعرف، قدمت في المسابقة لكن المسابقة اتلغت بعد مسابقة ملكة الجمال اتجهت للإعلانات عملت أول إعلان، كنت مش بتكلم مع حد بنيت حيطان حواليا يقولوا أكشن أعمل اللي بيطلبوه يقولوا "كات" متكلمش مع حد بعد الإعلان دا طلبوني في إعلان تاني وبقيت أغلى فتاة إعلانات في مصر الفلوس جميلة لما تيجي من غير جري الوحوش، هي تيجي تمتعني وتجيلي بسلاسة وتيجي بأفضل وأنقى الطرق، الفلوس جاتلي بأقل مجهود، مجهودي بسيط مش مميت لكن رزقي كبير أنا بنت عملت نفسي بنفسي معنديش أصدقاء كتير، عندي صديقة واحدة قريبة مني هي أصغر مني شوية وروحها جميلة، بحكيلها كل حاجة وهي مش بتتعامل أني ياسمين الفنانة زمان قبل التمثيل كنت أنزل أركب التاكسي أشوف البحر هادي أرجع أخد المايوه وأنزل البحر، أنا بعتز إني إسكندرانية لما جدتي توفت كان عندي نوع من الإنكار، وكانوا لما يقولوا نروح نزورها في المقابر أقول لهم هي مش هناك، هي في حتة أجمل جدتي ممكن أكلمها في أي وقت، وهي في البرزخ وإن شاء الله في مكان أجمل من الدنيا بكثير، حتى الرسول حبيبنا بيقول زيارة المقابر واستحضار الدموع والحزن والأسى شيء غير محبب أنا كياني يضيف لأي رجل أكون زوجة له، كل شيء اشتغلت عليه وبنيته، السمعة والأسلوب والطريقة، وعدم وجود أخطاء، كلها أشياء تضيف له أنا ست متحفظة في ملابسي وطريقتي وأسلوبي وأفلامي وتمثيلي وظهوري وكل شيء، والرجل الشرقي يعشق حاجة زي دي وهي حاجة نادرة، أنا نادرة في قلة ظهوري وبشتغل فقط، مش هتلاقيني في حفلة حتى لو في إطار العمل أو بعد مهرجان أو حاجة تابعة لشغلي عالمية أنا ست أحب جدا زي ما أنا في قمة أنوثتي أحب الرجل يكون في قمة ذكورته، بمعنى الرجال قوامون على النساء، هو يقوم بمسئولياتي، أومال الست تصرف على الراجل؟ من قديم الأزل كانت الست تقعد في الكهف والرجل يصطاد، والأنثى هي الاحتواء أما الرجل فهو المعيل، وإحنا مخلوقين حوا من آدم الأمومة جزء من رسالتي في الدنيا، لازم كل ما تعلمته أطلع بواسطته أطفال متوازنين طبيعيين سليمين نفسيا، ويمكن كل اللي ربنا أداهولي تجهيز، مش يمكن أجيب ولد يطلع رئيس جمهوري أنا ناعمة لكن مش عبد الحليم في نفسي، أحب الرقة والنعومة والهدوء، لكن مش بتاعة حب أفلاطوني وعشت قصص حب كثيرة أنا كنت لاعبة سباحة باسم مصر، وأعجبت ببطل إفريقيا، قوي وناجح وبطل ومركز وشغوف،كان إعجاب من بعيد لبعيد كلنا فينا عيوب والكمال لله وحده، العيوب اللي مقبلهاش في الرجل الكذب، الراجل الكداب محترموش ومقدرش أحب حد محترموش

حلت الفنانة ياسمين صبري ضيفة على بودكاست "بيج تايم" مع عمرو أديب وخلال اللقاء كان لياسمين صبري الكثير من التصريحات التي كشفت جوانب من حياتها

تحدثت ياسمين صبري عن كونها من أسرة متوسطة وبدأت العمل في سن 17 عاما، كما تذكرت أول مهنة لها في مكتبة الإسكندرية، وكيف اشترت سيارتها بالقسط.

كما حكت عن الحب الأول في حياتها وما تكرهه في الرجل، وعملها في البداية في مجال الإعلانات ... المزيد من التصريحات في الألبوم.

يذكر أن ياسمين صبري تشارك في رمضان 2024 بمسلسل "رحيل" مكون من 15 حلقة ويبدأ عرضه في النصف الثاتني من شهر رمضان 2024.

ويعرض مسلسل "رحيل" حصريا على قناة "أبو ظبي" في تمام الثامنة مساء، وسيكون متاحا عبر منصة ADtv.

وتدور الأحداث حول "رحيل" التي تنقلب حياتها رأسا على عقب بعد اتهامها في قضية قتل، لتخرج من السجن تواجه غضب الانتقام وشبح الموت على يد أبناء القتيل، ماذا ستختار العيش والمواجهة أم الابتعاد والرحيل، واي ثمن ستدفع لاختياراتها.

مسلسل "رحيل" بطولة ياسمين صبري، محمد كيلاني، أحمد صلاح حسني، أحمد بدير، أحمد صيام، عارفة عبد الرسول، عزت زين، حازم سمير، ومن تأليف محمد عبد المعطي، وإخراج محمد عبد السلام، ويتكون من 15 حلقة.

يذكر أن ياسمين صبري يعرض لها في السينمات حاليا فيلم "أبو نسب"، الذي تشارك في بطولته مع النجمين محمد عادل إمام، وماجد الكدواني، ومجموعة كبيرة من النجوم.