رسائل النجوم لـ هشام سليم في الذكرى الأولى لوفاته … هدية خاصة من يسرا ودعوات منة شلبي واشتياق طارق لطفي وهند صبري

فى حياة المشاهير

هند صبري وهشام سليم ومنة شلبي

الجمعة , 22 سبتمبر 2023 - 12:09 | اخر تحديث: الجمعة , 22 سبتمبر 2023 - 12:09

يسرا: واحشني وقطعت بيا يا هيشو أنا عارفه إنك في مكان أحسن بس قاطع بينا قطعة سود وحشتني وعايزة أحضنك وأبوسك وأهزر معاك وأضحك على فكرة خليت حد يحجلك السنة دي وإن شاء الله ربنا يتقبلها أنا عارفة إنك حجيت قبل كده بس قولت أعملك هدية صغيرة أنا بحبك أوي هشام سليم منة شلبي: هيشو حبيب الملايين فتى أحلامي وحشتني أوي كل حاجة في الدنيا بتفكرنا بيك لذاذتك حلاوتك وشقاوتك وصدقك وصراحتك ربنا يسعدك في الجنة ويخليلنا كل اللي حوالينا من ريحتك بحبك يا هيشو ودايما في القلب والبال طارق لطفي: وحشتني ضحكتك وشهامتك وجدعنتك هشام سليم وطارق لطفي فيدار: هشام سليم أكتر إنسان كان بيعرف ينكشني وحشني جدا جدا الصاحب اللي الإنسان يتمناه في حياته من أجدع الناس وأشرفهم الله يرحمك ونتقابل على خير إن شاء الله محمد جمعة: دايما لما بكلم حد عن هشام بقوله عاشرته يقولي لأ أقوله يبقى متعرفهوش هشام كان من أنضف الناس وأطيب الناس وأجدع الناس هند صبري: يا إتش وحشتنا جدا جدا إنت سبت مكان فاضي مفيش حد شبهك ولا زيك ولا هيجي ولا في أخلاقك وروحك أنوشكا: هنفضل فاكرينك طول الوقت الشهم الجدع الصادق الحنون جدا البرنس عمرو سليم: هشام يا جميل وحشتيني خالص بقالي مده مشفتكش بدعي ربنا يدخلك جنته ويلحقني أنا وكل اللي بتحبهم بيك في جنة ربنا إن شاء الله قال صلاح عبد الله عن هشام سليم: "المهلبية" جمعتنا سنة 1991 ومن ساعتها يا إتش بقينا حبايب وأصحاب حبيتك أوي أوي أقسم بالله العلي العظيم يا هشام يا سليم إنك كنت واحد من أشرف وأنضف وأجدع وأوضح الناس اللي قابلتهم مش في شغلتنا في الحياة هشام سليم

تحل اليوم الذكرى الأولى لوفاة النجم هشام سليم الذي رحل عن عالمنا في 22 سبتمبر 2022.

وحرص عدد من النجوم على توجيه رسائل له عبروا فيها عن اشتياقهم للراحل وذكرياتهم معه، واجتمعوا جميعا على وصفه بالجدع والشريف وصاحب الأخلاق الرفيعة.

النجمة يسرا ظهرت متأثرة وهي تتحدث عن الراحل هشام سليم، وكشفت أنها قدمت له هدية هذا العام بعدما جعلت أحد الأشخاص يحج نيابة عنه.

فيما تذكر صلاح عبد الله أول لقاء جمعه بهشام سليم عام 1991 وأنهما من هذا الوقت أصدقاء، ووصفته منة شلبي بأنه فتى أحلامها.

ورحل هشام سليم عن عالمنا عن عمر ناهز 64 عاما، بعد معاناته مع مرض السرطان.

ولد هشام محمد صالح سليم في 24 يناير عام 1958، وتخرج من معهد السياحة والفنادق عام 1981م، ثم قام بدراسات حرة في الأكاديمية الملكية بالعاصمة البريطانية لندن.

بدأت مسيرته الفنية من فيلم "إمبراطورية ميم" وهو طفل صغير، لينطلق بعده في مسيرته الفنية وشارك في أعمال "أريد حلا، عودة الأبن الضال، الناظر، لا تسألني من أنا، يا دنيا ياغرامي، "ليالي الحلمية"، "أرابيسك"، "الراية البيضا"، "حرب الجواسيس"، "في أيد أمينة"، "لقاء على الهواء".

كان آخر أعماله مسلسل "هجمة مرتدة"، وعرض في السباق الرمضاني 2021، وضم العديد من النجوم أبرزهم، أحمد عز، هند صبري، نضال الشافعي، ندى موسى، مايان السيد، ماجدة زكي، وعدد آخر من الفنانين، والعمل كان من تأليف باهر دويدار وإخراج أحمد علاء الديب.