محمد صبحي يفتح النار في لقاء تليفزيوني ... لماذا قال: بنعمل اللي عدونا عاوزه ولماذا رفض منصب وزير الإعلام؟

فى حياة المشاهير

محمد صبحي

الاثنين , 17 يوليو 2023 - 11:07 | اخر تحديث: الاثنين , 17 يوليو 2023 - 13:07

في القرن الماضي كان في أعمال مسفة ولكن ليست هي السائدة لو حطينا قائمة بكل عباقرة مصر من أول القرن للنهاردة هنتكشف ونتكسف لازم يبقى فيه وزير إعلام له سياسة إعلامية إحنا مش هيئات كاميرات القنوات تجري على الترندات والتفاهات، لما نوجد البديل منلاقيش كاميرا بتيجي لمطربين جيدين وممثلين جيدين إحنا عايزين البنت اللى على التيك توك وتطلع في 5 و6 مسلسلات وخريجي الأكاديمية الفنية مبيشتغلوش كلامنا لا يعني الإستهانة بالإنجازات اللى في الدولة نعترف بكل إنجاز يتم وشيء لم نتخيله بلاش الدولة تصرف على مسلسلات وأعمال دليفري مسرحية تتعمل في أسبوع، بكده نفقد ريادة مصر الورش دي كلمة سخيفة ومش علمية 5 او 7 بيعملوا مسلسل ونلاقي 3 مسلسلات في رمضان الزوجة بتخون زوجها لإن هما نفس الورش بلاقي فنان عظيم في مسلسل عن الحرب أو الجيش ويقطع المسلسل وهو نفسه بيعمل إعلان نفس الفنانين هما اللي بيعملوا البرامج الحوارية و بيعملوا المسلسلات والإعلانات والمسرحيات وبيسافروا ورا الدولارات أنا حزين ولا أتسول أنا بشتغل وبكتب ومسرحي كومبيله بقاله 7 سنين في الصحراء أنا لا عايز أمثل ولا اشتغل أنا شغال في حتة لوحدي وعلى جنب والناس هي اللي بتجيلي أتعرض عليا وزارة الثقافة أكتر من مرة ورفضت لأني لا أصلح وزيرة الثقافة بقالنا كام سنة مطلبتش تقعد مع الفنانين تعرف إيه مشاكلهم أحنا بننفذ غصب عننا ما يريده أعدائنا أن أحنا نغيب ونعمل أعمال تافهة، هل من مصلحة عدونا أن نعمل تعليم عظيم وفن راقي هل عدونا يتمنى لينا النجاح

عبر الفنان محمد صبحي عن انزعاجه من الحال الذي وصل إليه الفن المصري والأعمال التي تقدم خلال الفترة الماضية، وطالب بالاهتمام أكثر بنوعية الأعمال التي يتم تقديمها.

وخلال مداخلة هاتفية مع برنامج "حضرة المواطن" عبر قناة "الحدث اليوم" قال محمد صبحي إنه حزين لما يحدث مؤكدا أنه لا يحتاج لعمل لأنه لديه مسرحه الذي يقدم من خلاله العروض وأضاف: "أنا حزين ولا أتسول أنا بشتغل وبكتب ومسرحي كومبيله بقاله 7 سنين في الصحراء، والجمهور دا اللي كنا بنقول عليه حزب الكنبة اللي مرضيوش ينزلوا شوارع مصر عشان ميؤذوهاش مش خوفا هما مش عايزين أي فن بيروحوا لفن اختاروه ومتأكدين إنه هيخاطب عقولهم".

وتحدث محمد صبحي عن بعض النجوم الذين يسيطرون على الساحة الفنية قائلا: "هما اللي بيعملوا البرامج الحوارية وهما اللي بيعملوا المسلسلات والإعلانات والمسرحيات وهما اللي بيسافروا ورا الدولارات، أنا معنديش مشكلة ولا أنا عايز أمثل ولا اشتغل أنا شغال في حتة لوحدي وعلى جنب والناس هي اللي بتجيلي، بس أنا آسف أنا بدافع عن ريادة بلدي ووطني، أنا مش المفترض أني أفهم في كل حاجة أتعرض عليا وزارة الثقافة أكتر من مرة ورفضت لأني لا أصلح وفي غيري كتير يصلحوا، النهاردة وزيرة الثقافة بقالنا كام سنة مطلبتش تقعد مع الفنانين تعرف إيه مشاكلهم، أحنا بننفذ غصب عننا ما يريده أعدائنا أن أحنا نغيب ونعمل أعمال تافهة، هل من مصلحة عدونا أن نعمل تعليم عظيم وفن راقي هل عدونا يتمنى لينا النجاح؟".