وفاة سمير غانم- رحيل آخر ضوء من "ثلاثي أضواء المسرح".. تعرف على قصة تأسيس الفرقة

روى الفنان الراحل جورج سيدهم، قصة تأسيس فرقة ثلاثي أضواء المسرح، وذلك بعد نكسة يونيو 1967

الخميس , 20 مايو 2021 - 19:37

قال سيدهم: "مسرحية حواديت بداية فرقة ثلاثي أضواء المسرح، بعد النكسة كانت حالة البلد وحشة أوي مفيش مسارح ومفيش برامج كوميدي في التليفزيون وتابع: جت ساعتها الجنونة، جنونتي مع أستاذ محمد سالم الله يرحمه مخرج تليفزيوني كبير، وكان الرابع بتاع الثلاثي والخامس كان الشاعر الغنائي الله يرحمه حسين السيد وأضاف: قلتله هنقعد كده قالي: لأ لازم نفكر في حاجة، وبعدها قررت أروح إسكندرية اقعد يومين، وقابلت بالصدفة محافظ الإسكندرية قالي عدي عليا، رحت له وقعدت معاه وقالي متعملوا فرقة وتعرضوا في الإسكندرية واستكمل سيدهم: استغربت قلتله الدنيا ضلمة هنعرض إزاي، قالي مالكش دعوة انت هديلك مسرح ببلاش في الشاطبي، وهخلي بتوع غرفة تنشيط السياحة يدوك إعانة في اليوم كذا، وقال إنه هيعمل كل التسهيلات واستكمل: المحافظ زاد من قيمة الدعم اليومي ليصبح 30 جنيهاً بدلا من 15 جنيها، وبدأ في الاتصال بكل من الشاعر حسين السيد والكاتب يوسف عوف، وتم تأجير معهد خاص بالرقص لعمل البروفات، والاتفاق مع الفنانة نجلاء فتحي لتكون بطلة العرض لكنها اعتذرت وأضاف الراحل: وبدأنا في التفكير في كتابة مسرحية من فصل واحد وبعد ذلك خرجت من فصلين "حواديت". وأضاف: أغلى تذكرة كانت 58 قرش، وعملنا دعاية عشان نخلي الناس تخرج من بيوتها، كان عندي عربية كبيرة أوي عملت بيها دعاية، كنت مشتريها من الرياسة كان بيطلع بيها الريس جمال عبدالناصر في التشريفة، حسيت بعظمتها واشتريتها واستكمل: أول يوم حطيت ايدي على قلبي ورحت اسأل قالولي مفيش ولا تذكرة فاضلة لمدة أسبوع قدام، مكنتش مصدق ودي كانت بداية فرقة ثلاثي أضواء المسرح والناس استقبلونا استقبال غير عادي اشتهر فريق "ثلاثي أضواء المسرح" بالعديد من الأغاني والاسكتشات الكوميدية تم حل الفرقة بعد وفاة الضيف أحمد عام 1970 من أبرز أعمالهم على خشبة المسرح مسرحية "طبيخ الملائكة"، "فندق الأشغال الشاقة"، "كل واحد وله عفريت"، "أهلاً يادكتور"، "الراجل اللى جوز مراته". ومن أبرز أعمالهم فى السينما فيلم "شاطئ المرح"، "30 يوم في السجن"، "فرقة المرح"، "شنطة حمزة"، "الزواج على الطريقة الحديثة"، "شباب مجنون جدا"، "القاهرة في الليل"، "المجانين الثلاثة"، "أفراح". كان آخر عمل لسمير غانم وجورج سيدهم هو مسرحية "اهلا يا دكتور" وداعاً سمير غانم