اللي مش فاهم عنه ما فهم .. في ذكرى ميلاده تذكر معنا أشهر تصريحات يوسف شاهين المثيرة للجدل

يوسف شاهين

الاثنين , 25 يناير 2021 - 15:01 | اخر تحديث: الاثنين , 25 يناير 2021 - 15:01

ولد في 25 يناير 1926 معروف برباعيته السينمائية التي تتناول سيرته الذاتية وهي "إسكندرية... ليه؟ " و"حدوتة مصرية" و"إسكندرية كمان وكمان" و" إسكندرية - نيويورك" عمل فيلمين مع الفنان فريد الأطرش هما "ودعت حبك" و"أنت حبيبي" وصرح بعدها أنه لن يعمل معه مرة أخرى رفض يوسف شاهين العمل مع فريد الأطرش لعدة أسباب منها أن تمثيله لم يكن يعجبه وقال عنه إنه ممثل ضعيف كما أنه يتدخل في الكثير من المشاهد واختيار الممثلين بالإضافة لكونه قبل أن يخرج هذه النوعية من الأفلام الخفيفة أصلا لحاجته المادية ولإرضاء طلبات السوق وقتها وهو ما امتنع عنه تماما ليقرر السير في مشوار العالمية تعاون مع ماجدة في فيلم "جميلة" عام 1958 وعرض فى مهرجان موسكو عام 1959 والتقطا معا صورة من أمام نهر نهر موسكفا أثارت الجدل وظن البعض أن قصة حب ربطتهما ولكنها كانت صورة عابرة أثناء تواجدهما بروسيا لعرض "جميلة" كما أثار يوسف شاهين غضب العندليب الأسمر عندما اجتمعا كثيرا ليحضرا سويا لفيلم باسم "وتمضى الأيام" ومع إصرار شاهين على مشاركة أحمد فؤاد نجم والشيخ إمام في الفيلم ليقول عبد الحليم : "المجنون ده جايبلي اتنين شيوعيين يعلموني أنا الوطنية" من التصريحات المثيرة للجدل ليوسف شاهين عن والدته أنه قال: " والدتى كانت مهولة..كانت خطيرة جداً.. طريقة القمع عندها كانت الابتسامة" قال" في بوسطن في أمريكا أخدت جائزة على فيلم باب الحديد.. روحت نيويورك قولت لهم اعرضوا الفيلم ببلاش اللى تكسبوه خدوه اعرضوه ٣ أيام بس في أي سينما مهمة.. وقوبلت بالرفض" قال: "- كل الشغل متعب ومقرف لكن لو بتحبه هتتغلب على كل ده.. أنا اشتغلت بمكن خربان الله يعلم بيه وستوديوهات مهدومة ولا معامل ولا أى حاجة.. لو مكنتش بحب شغلى مكنتش استحملت كل العوائق دي" قال: "المشاهد بقى مطمئن ليا بشكل كبير لأنه شاف فى أكتر من عمل ليا إنى بتكلم بصدق.. لأن في داعي إنى أتكلم بصدق وقبل كده كنت خايف أتكلم بصدق" قال: "بيقولوا إنت بتخاطب فئة معينة.. مين قال.. اللى بيقولوا ده هما اللى مش فاهمين.. إنما الشعب لو مش فاهم أفلامي مكنتش هبقى موجود لحد النهاردة" قال: "اللي مش فاهم يبقى مش ذكي عملت أفلام كتير ومش وارث ولا من بابي ولا من مامي ولا من جدي الباشا" " أخاطب الأذكياء.. اللى مخه قفل شوية يتفرج تاني وده يبقى قفل أمين.. واللى عاوز يقول أنا مش فاهم.. عنه ما فهم أعمل له إيه" قال: "في الغرب يجعلون من الناجح إله، وبرغم تقدمنا عنهم في كثير من الأحيان إلا أننا نتبنى ثقافة الهدم" "ما جنيته من الفن حب الناس ليا وده بيملأ قلبى بأحلى شيء فى الدنيا" "ما بين العبقرية والجنون مش خيط رفيع.. مفيش خيط خالص.. الجنون ده مرض لكن العبقرية حاجة تانية" "ألصقت بنفسي تهمة الجنون، حتى أخوف المستهترين المتأخرين على موعد التصوير، أنني من الممكن أن أعاقبهم بأي طريقة إذا لم يعملوا حسابا للمواعيد" لا أخاف من الموت وبنتظره في أي لحظة زي أي بني آدم في الحياة لأن القرار في إيد ربنا وأنا راضي جدًا" "يوسف شاهين بيحب على طول الخط.. وخضت تجربة الحب كتير" مكنتش بفهم أم كلثوم لحد ما قابلتها.. ولما قابلتها شتمتنى.. ست خرافية وذكاء محصلش ودمها زى الشربات "أحب كل من يعمل معي في الفن إلى أن أجدهم "بيهجصوا" ونصيحتي للممثلين لا تدخل عالم الفن لحبك للمال والشهرة فقط" "التكريم مش بيفرق معايا، مش عايز حد يطبطب عليا، أنا عارف إني بعمل اللي عليا والباقي على الله" "قعدت 3 سنين زعلان إن حسين فهمي بقى ممثل، لأن كان عندي ثقة إنه ممكن يبقى من أفضل المخرجين في العالم العربي" يوسف شاهين وماجدة الرومي يوسف شاهين وزوجته كوليت